28 January 2016

Оросын өр

Оросуудад бид (бараг) өргүй. Хойд хөршийн Холбооны зөвлөл өр тэглэх бичиг баримтыг баталгаажуулсан. Байж байгаад л оросын өр тэгэллээ гэдэг мэдээлэл гардаг. Ер нь хэзээ хэдий хэмжээний өрийг хүчингүй болгож, манай улс хэдийг төлчихөөд байгаа юм гэдгийг сонирхов.
2003 онд 11,4 тэрбум долларын өрөөс 11,1 тэрбумыг нь хүчингүй болгосон. Үлдэгдэл болох 300 сая ам.долларыг нь шилжүүлсэн. Энэ нь их хэмжээний өрийг хааж чадсан амжилт яах аргагүй мөн. Зээлээ оросуудаар тэглүүлсэн 3 улс байдгийн нэг нь манайх. Нөгөө 2 нь: Куба - 30, Хойд Солонгос - 11 тэрбум.
2010 онд ОХУ бидний өр болсон 180 сая долларыг мөн л хүчингүй болгож. Харин одоо 174,2 саяас 97%-ийг нь хөнгөлж байна. Бид 3,8-ыг төлөөд энэ асуудал хаагдна гэсэн үг. Бидний талаас хугацаа хэтрэлт гаргасан гэж ойлгож болно. Бие биенийхээ өмнө хүлээсэн санхүүгийн хариуцлагын асуудал хоёр улсын хамтын ажиллагаа, хөрөнгө оруулалтад саад болж байгаа болохоор ингэж хөнгөлж байгаа юм гэсэн утгатай зүйл бичиж. Яахав, эргээд ямар нэг юмаар барьцаалчихгүй бол өр багасч л байвал сайн.

No comments:

Post a Comment