27 November 2017

Онцц Дүмд

За сүүлийн үед гарсан кинонуудаас, тэр тусмаа хүүхэлдэйн кино дундаас Рокит Бэйн бүтээлийг онцлох нь зөв. Үнэндээ л савааж байна, хэ-хэ. Бидний мөн төрхийг сайхан харуулж.  

26 November 2017

Mt Gravatt Lookout

Брисбэнд хоёр lookout бий, нэг нь Mt Coot-tha (нэг, хоёр), нөгөөх нь Mt Gravatt. Mt Coot-tha үндсэндээ Зайсан толгойн үүрэг гүйцэтгэдэг - зочин юмуу шинэ хүн ирлээ, тийш дагуулж очиж хотыг өндрөөс харуулдаг. Mt Gravatt-ынх хажууд нь тохижилт тааруу, зам нь нарийн, кафе бий, сувенирын дэлгүүр харагдаагүй.
11-ний бямба гаригийн орой гарсан юм. Машинтай өгсөж явахад л дээрээс спорт загварын машинууд хурдтай бууж ирээд байсан юм. Зам нь их нарийн, хурдтай машин харанхуйд ойрхон зөрөх нь тийм ч таатай биш. Хот дээрээсээ боломжийн л харагддаг юм билээ.  
Орой дээр гарсан - бөөн дрифт хийдэг нөхдүүд машины хөгжмөө чанга дээр нь тавьчисан, зарим нь пиво ууж барьцан баясцгааж байв. Хурдтай бууж ирж байсан машинуудын учир тайлагдав. Бороо орж эхэлсээр бид харьцгаав.

23 November 2017

Enova - Come Undone

Duran Duran-ы ээлжит кавер.

19 November 2017

O Fortuna

Byron Bay, Crystal Castle, Burleigh Heads

Жил хагас болж байж өнөөдөр л нэг юм мужаасаа гарч үзэх шив дэ миний хувьд. Өглөө эрт Сиднейн чиглэлд Byron Bay-руу гараад давхичихав.
Cape Byron Lighthouse-ыг нь сонирхов.
Далайд дельфин олж харав.
Ер нь Byron Bay өвс татаж, алкоголь хэрэглэсэн хүн ихтэй, backpackers-уудын гэж хэлж болохуйц хот байна. Шөнө оройдоо ширүүхэн болдог байж мэдэхээр л газар шиг санагдсан.
Crystal Castle, Шамбалын орон гэсэн тодотголтой паркаар ороод амжив. Хүрд эргүүлээгүй удаж. Нутагтаа байгаа мэт мэдрэмж төрсөн, хүрд суварга дунд ороод ирсэн чинь. 
Парк таалагдсан, үзчихэд илүүдэхгүй газар байна. Буддын шашин, бясалгал, болор тэргүүтэй чулуунуудыг гол сэдэв болгосон газар юм.
Зарим чулуу нь үнэхээр сонин.
Зарим нь төдийлөн биш.
Bamboo alley. Битүү ардын уран бүтээл болох бичиг, зураг.
NSW-ийн Шамбалын оронд зарим зочид төдийлөн хүндэтгэлтэй хандаагүй л байна лэ. Би бараг зөн совингоороо мэдсэн, бөөн бичиг гараад ирэнгүүт "энэ дунд хогийн юм байж л таараа да" гэж.
Төгсгөлд нь Gold Coast-ын Burleigh Heads орж замынхаа алжаалыг тайлж, мах шарж байгаад ирэх шив дэ. 400 орчим км давхисан байна.

17 November 2017

Boston Dynamics news

Роботууд улам боловсронгуй болсоор.

15 November 2017

Ленинград - Отпускная



Энэ дууны үгээр орос хэлний бичил хичээл зааж болно. Дахилт нь: 
Ах уе, ах уе, ах уехала жена 
Заи, заи, заинька моя
гэж байгаа. Нийлүүлээд дуулахлаар ахуе-ахуе буюу охуенно-гийн товчлол (ахуе) болж буй юм. Заи-заи гэдэг нь заебца, заебись г.м.-ийн товчлол. ө.х. нэг талаас 
Эхнэр минь (амралтаа аваад) яваад өглөө,
Миний "бүжинхэн" (зайка) гэж буй хэдий ч цаад утга нь "Ахуенно, заебись!" байгаа юм. Өөр газар ч гэсэн хоёр утгатай хэллэг бий, хэ-хэ. Ер нь хүнд үгтэй дуу, танилцаж болно: http://lyricsworld.ru/leningrad/otpusknaya-728295.html

13 November 2017

Blue October - Sway

Уот зе факинг шит?

Shit happens цувралаас (өмнөх дугаарууд: нэг, хоёр). Аз жаргалын захидал шуудангийн хайрцагнаас гарч ирлээ:
Торгуулиас гадна 1,5 оноо хасагдаж байна. Хурд хэтрүүлсэнтэй нийлээд 3,5 болчихож байгаа юм. Лимит нь 4 байдаг... 
Врагу не сдаётся наш гордый "Варяг", пощады никто не желает!

05 November 2017

Gold Coast Airport

Нилээн дээр Голд Костын нисэх буудлаас хүн тоссон юм.
Шөнө байсан болохоор хүн амьтан бага, үйлчилгээний газрууд нь хаасан байв.
Өнгөт коала таарсан. Хэдийгээр коала-г бид "коала баавгай" гэдэг хэдий ч үнэн хэрэг дээр баавгайтай огт хамааралгүй өөр зүйл ангийн амьтан байгаа юм. Вомбаттай нэг төрөл.
Ханын зураг. Анзаарвал эрэгтэй, эмэгтэй, хар ба цагаан - бүгд жигд оролцоотой, хүүхнүүдийг дан цагаанаар дүрсэлж гэж хэнч хэлэхээргүй.
Нойлын хаалга дээр хальтирч буй хүнийг нарийвчлалтай харуулж.
00-д нь ороход хананд нь өлгөөтэй пайз.

Team Russia

За оросын шигшээ хуучин СССР-ийнх шиг дүрэмт хувцасаар гангарах нь дэ. 2018 он ойртсоор, 12 сард тасалбарууд сугалаагаар зарагдаж эхлэх юм билээ.

02 November 2017

Пушной

Александр Пушной гэдэг хөгжимчин, дуучин бий. Санаж байгаа бол "Угадай мелодию" нэвтрүүлэгт нэг гитартай нөхөр зогсож байдаг байсан да, тэр байхгүй юу. Дуунуудын рок каверуудыг гоё хийдэг юм. 

Суваг нь: https://www.youtube.com/user/PushnoyRU

Жишээ: Боярскийн дуулсан "Зеленоглазое такси".


Харин энэ Пушнойн хувилбар:

Brutto - Годзе