30 June 2014

Их бурхант. 2-р хэсэг

Өмнөх дугаар: http://ganzo79.blogspot.com/2014/06/1.html
2014.05.23. Дорнод аймаг, Халхгол сум.
Шинэ цагийн уран бүтээл.
Зүүн гарт нь уг нь эрдэний чулуугаар бөөлжөөд байдаг эрүү цагаан хулгана хийсэн бололтой. Яагаад ч юм Чернобыль хавьцаагаас олдсон амьтан шиг болж.
Бас нэг төлөөлөл.
Нууц хэсэгтээ уруу харсан толгойтой.
Шинээр хийсэн барималууд нь унаа л бол хагарчихдаг юм билээ. Сул шавар аргагүй ээ.
Харин энэ чулууг онгоцноос шидсэн ч бутрахгүй биз. Дээр үед гурилддаггүй байж.
Эрдэмтэн Дуэлийн толгой. 
Хэвтээ Жанрайсагийн профиль.
Нөгөө талаасаа.
Хөл өөрт нь харагдах өнцгөөс.
Толгойн чимэглэлд олон жижиг ногоон чулуу шигтгээтэй байснаас өдгөө цөөхөн үлдэж.
Бурхантай газрын бумба галзуурах боломжгүй.
Хамар.
Бид арц хүж авч очоогүй, хадаг орхиогүй. Аав ээж, ах дүүс, гэр бүл, анд нөхдийнхөө эрүүл энхийг даатгаж дотроо залбираад л цааш хөдөлцгөөв.

29 June 2014

When You Broke My Heart


Argentina - Chile


Street design

Доорх линкээр ороод Нью-Йорк хотын гудамжны дизайны мануалыг татаж аваад сонирхоорой.
http://www.nyc.gov/html/dot/html/pedestrians/streetdesignmanual.shtml
Энэхүү гарын авлагыг гүйлгэж харснаар та бусад хотууд гудамж талбайнхаа өнгө үзэмж, тохижилтод яаж ханддаг тухай тодорхой ойлголттой болно. Бүх зүйл нь тодорхой: тэмдэг тэмдэглэгээ, гэрлийн шон, автобусны буудал, нийтийн 00, хучилтын материал г.м.

Суарез

3,14з! Суарезын тоглох эрхийг хассанаар Уругвайн шигшээг ямарч ирээдүйгүй болгож орхисон. Хөлбөмбөг - контакттай спорт, бэртэл гэмтэл ч их. Хазаад махыг нь өм татчихаагүй байхад сүртэй ш дэ, хэ-хэ. Италичууд угаасаа цэвэр тоглодог ч биш. Тэр тоглолт дээр ч гэсэн заваараад л, бохир тоглолт хийж л байсан. Ямартаа ч Английн хаалганд оруулсан 2 бөмбөгийнх нь төлөө Суарезт том respect.

Shaped by Time


27 June 2014

Уламжлалт ёс заншил

Энэтхэг бүтэхгүй уламжлалтай газруудын нэг. Үхэгсэдээ идчихдэг хүмүүстэй юу ч ярих билээ. Энэ тухай гэхдээ дараа ярьж өгье, өнөөдрийн хувьд сати хэмээгддэг ёс заншилыг авч үзнэ.
Мянга гаруй жилийн турш энэтхэгийн зарим мужид үхсэн нөхөртэй нь бэлэвсэн эхнэрийг нь цуг шатаачихдаг байв. Нөхөр яахав, үхсэн хүн. Хөөрхий эхнэр л өрөвдөлтэй. Нөхрөө л битгий үхчихээсэй билээ гэж боддог байсан биз айлын эзэгтэй нар. Энэ зэрлэг балмад явдлыг таслан зогсоох гэж голландчууд ч тэр, англичууд ч тэр их тэмцсэн. Нэг удаа английн ерөнхий командлагч Чарльзу Джеймсу Непьерд нутгийн шашины төлөөлөл бараалхажээ. Индуис санваартнууд мянган жил дагаж мөрдөж ирсэн ариун уламжлалт ёс заншилыг британий засаг захиргаа хориглож буйд гомдоллов. Непьер хариулсан нь: "Та бүхэн бэлэвсэн эхнэрүүдийг шатаах нь танай уламжлал гэлээ. Байж болноо. Гэхдээ манайд ч гэсэн дагаж мөрддөг уламжлал байдаг юм. Хэрэв эмэгтэй хүнийг амьдаар нь шатаавал бид олс аваад, гогцоо хийгээд, шатаасан хүний хүзүүнд нь угладаг юм. Та нар хүн шатаахаар мод овоолвол дэргэд нь манай мужаанууд дүүжлүүр барих болно. Та нар өөрийн уламжлалаа даг, бид ч өөрийнхийгөө дагъя" гэж.

Нарны эрчим хүч

Герман, Европ болон бүх дэлхийг эрчим хүчээр хангахын тулд Сахарын цөл дахь ийм хэмжээний талбайг нарны батарейгаар дүүргэхэд хангалттай.

65daysofstatic - Radio protector

UPD 2014.06.26 01:30
Тавтология. Их таалагддаг ая.

2013.04.30 13:34
Их таалагддаг ая.

Хөрөг зурагнууд

Луврын болон Эрмитажын нийтлэгдээгүй зураг олон үлдэж. Ингээд...
2012 оны 6-р сарын 26-ны өдөр, Питер, Өвлийн ордон.
Эхэлж бүсгүйчүүд эрчүүдийг сонирхо.
Дараа нь эрчүүд бүсгүйчүүдийг сонж.
Хатан хааныг тайван орхи.
Тэгээд төрж өссөн XX зуундаа эргэн оч.

26 June 2014

Буйр нуур

2014.05.24. Энэ өдөр бид Буйр нуурын эрэг дээр ирцгээсэн юм.
Тэнгэр бүрхэг, нуур давалгаа ихтэй байв. Төд удалгүй нар гарч, тэнгэр цэлмээд давалгаа ч намжсан. Харамсалтай нь зургийн аппаратын цэнэг дууссан.
Зах хязгааргүй их ус. Сүрдмээр л юм билээ.
Бид сайхан гэгч тухалж авцгаав.
Аялалын явцад хамгийн сайн амарч авсан цэг энэ. Буйр нуурын хөвөөнд нийт 7 хүнээс 3 нь нилээн далбийсан байх шүү, ха-ха.

Fingers Tale

BW

1917 он. Үндэсний гвардийн Нью-Йоркийн явган цэргийн 369 дугаар хороо. Дэлхийн нэгдүгээр дайнд оролцсон анхны хар арьстнуудаас бүрдсэн нэгж.
1863 он. Лондонгийн метро.
1941 он. Гиммлер норвеги хөгжимчнийг сонсож буй байдал.
1948 он. Дэлгүүрийн үзмэрт байрлах зурагтыг хүүхэд анх харав.
2014 он. Бразил. 1959 он.
1975 он. East Harlem. Нэг фотонд дүүргийн амьдрал тэр чигээрээ багтаж.
1918 он. Мөс хүргэх үйлчилгээ.

24 June 2014

11 Paper Place


Ла-ла-ла-ла

Украинд үндсэндээ иргэний дайн болж байна. Баруун Украин энэ бүхэнд ОХУ-ыг буруутгасаар. ОХУ ч гэж дэ, Путинг гол буруутан гэж үзэж байгаа. Бухимдсан олон "Пу-тин - хуй-ло, ла-ла-ла-ла ла-ла-ла-ла" гэдэг шог аязыг зохисон. Тэр нь хэдэн сарын турш энд тэнд дуулагдсаар байна.

Динамо Киев болон Металлист багийн фанатууд.


Харьковын Металлистын ультрас.


Оросын төв телевиз болох Россия-24 хүртэл юу дуулагдаад буйг анзааралгүй нэвтрүүлсэн.


Гоё ремиксууд ч төрж эхлэв.


Хуйло гэдэг үгийн хувьд: хэдийгээр үгийн үндэс нь "хуй" ч гэлээ энэ нь тиймч муухай хараалын, доромжилсон үг бас биш л дэ. Мэдээж хэрэг, огт гэм хоргүй үг бас биш. Манайхаар бол амьсгаа, голоор цохигч, нофщийн гар г.м. орчуулагдах юмуу да.

Цаашлаад: гадаад явдлын яамных нь сайд энэ дууг дуулж өгөөд суудлаасаа мултарсан.


Өчигдөр оросууд бельгид хожигдох үед украины хөтлөгч бас дуулаад амжиж. Сайдыг бодоход хашир нэгэн бололтой - зөвхөн дахилтыг дуулж, хэ-хэ.


Украинууд ер нь дуу шүлгэндээ сайн юм. Хэдэн жилийн өмнө Янук ерөнхийлөгчөөр сонгогдоход "Спасибо жителям Донбасса за президента - пидараса" гэдэг хэллэг өргөн тархсан. Ийм бичигтэй футболка өмссөн хүмүүс Киевээр нил байсан гээд бод. Энэ зуны чимэг болохоор: "ПТН ПНХ", "Хутин - пуй" г.м. бичээсүүд байх төлөвтэй.

Захиалгат нэвтрүүлгийн мөрөөр

Сүүлийн үед хүн болгоны хэлэлцээд байгаа асуудлын тухай өөрийн санал бодлоо бичээч гэж уншигч хандаж. Хүслийг гүйцэлдүүлье.
Зурагтаар юу гарав?
1. Женко Баттулга захиалгат нэвтрүүлэг хийлгэсэн байна.
2. Нэвтрүүлэг хэдийгээр захиалгат ч гэлээ бодууштай сэдэвүүдийг хөндөж чадаж.
3. Зарим геополитикч г.м. сэтэр зүүсэн нөхдүүд сайхан цуурч. Тиймэрхүү улсыг эфирээс хол байхгүй бол камер хараад "хүрд эргүүлэх боломж" олдлоо гэсэн шиг амны зоргоор ярих юм.
Баттулгын тухай:
Х.Баттулгыг би эр хүнийх нь хувьд зангарагтай юм болов уу гэж бодсон (гэхдээ цаанаа криминалдуу өнгөтэй). Хүн үзэл бодлоо хамгаалаад сайдын суудлаа өгч чадаж байна гэдэг сайн. Дэргэд нь фортуна арчаагүй. Чадахгүй байж суудлаас зуурах шиг гутамшиг байхгүй.
Нарийн өргөн царигийн тухайд: төмөр замын бодлого гэдэг зүйл энэ улсад байна уу? Байдаг бол тэрийгээ нийтлээд аль. Наандаж 20-иод жилийн урагшаа харж ТЗ-ын сүлжээгээ өргөсгөх хэрэгтэй шүү дэ. Ямар дугуйн зам биш дэ энэ чинь. ТЗ хүн тээврээр хэзээ ч ашиг олж, өртөгөө нөхдөггүй юм. Тиймээс бид хойноос урагшаа, урдаас хойшоо ачааны цуваа сайн явуулахад л хангалттай. Цариг нь манайд солигдог яахав. Өөрсдөө нүүрсээ хэл амгүй олборлоод, боломжийн үнээр борлуулчихаж чадахгүйгээс хойш хойч үедээ л тэрийгээ үлдээнэ биз 3,14z. Өөр одоо яах юм. Ордууд олдоогүй бол яаж ийгээд амьдрах л байсан биз дэ? Одоо бол нөхдүүд гялс нарийн цариг барьж аваад л өдөр шөнөгүй нүүрс зөөх гээд байгаа мэт хар төрж байна. Зөөж болноо. Гэхдээ зөөлөө гэхэд энгийн иргэд юу хожих юм? Улс орон хөгжих юм уу? Тэр л чухал. Одоо байгаа байдлаар бол яавч өөдтэй зүйл болох шинж алга (хувь эзэмшиж буй хүмүүс өөр бодолтой байгаа биз).
Нэг зүйлийг ажиглахад: Хятад, АНУ өөрийн баялагийг бараг олборлохгүй байгаа. Харин ОХУ, Австрали, Канад бол олборлосон шиг олборлоод зарсан шиг зардаг. Хэзээ нэгэн цагт нүүрс ч бай, нефьт ч бай дуусч л таарна. Тэр үед яах вэ гэдгийгээ бодоход илүүдэхгүй. Жишээ нь: Норвеги - газрын тосны томоохон экспортлогч. Гэхдээ ашгийн тодорхой хувийг хойч үедээ нефьт дуусах үед гээд сан болгож хадгалдаг гэж байгаа. 
Одоо засаг төрийн тухайд: энэ засаг бүтэхгүйнээ 3,14z. Үхсэн ацаараа шинэчлэлийн ЗГ. Үнэндээ л ард олны амьдрал өдрөөс өдөрт доройтож байна. Төгрөг төгрөг биш боллоо (1 төгрөгийг 14 төгрөгийн өртгөөр хэвлээд сууж байгаа нөхдүүд шүү дэ бид). Энэ чигээрээ үргэлжилбэл нөхцөл байдал улам л дордно. Мэргэжлийн, чадалтай боловсон хүчнийг биш карьер хөөсөн, 4 жилийн дотор хөрөнгө хялбар цохих сонирхолтой улсыг дээш нь их гаргавал ийм толгой хөл нь мэдэгдэхгүй нөхцөл бүрддэг юм. Одоо яалтай ч билээ, бидний л сонголт :-( Бондын мөнгөөр яахав жаахан зүйл хийсэн. Бонд бол өр. Мөнгө үрэх амархан, олох хэцүү. Хэнд ч бай хэдэн цаас өгөөд нэг зүйл хийгээдэх гэхэд баасаар ч болтугай овоо босгох л биз. Өмхий тараг эзэндээ амттай гэдэг шиг хийсэн жаахан зүйлээ сайн магтдаж чаддаг нь бас урлаг юм да. Яг тэр үед нь ганц асуулт тавих хэрэгтэй: ТЭЦ-5 хаана байна 3,14z?
Хар хятадын аюулын тухайд: огт байхгүй мэт зүйл бичээд буй улс түүх жаахан унш. Айх нь юу юм, бодож л байх ёстой асуудал. Оросууд хүртэл алс дорнодод нь хятадууд олноороо суурьшаад асуудалд орж эхлээд байгаа. Нэг өдөр таг хужаа залуу юмуу хүүхэн дагуулаад хүүхэд тань ороод ирвэл та дуртай байх уу? (Би бол ямартаа ч баярлахгүй нь тодорхой). Хятад хүн болгон муу юм биш. Зүгээр л бодлого нь, нийт масс нь бидний цөөхөн монголчуудыг хэдэн зуун жилд аажуухан уусгачих боломжтой юм.
За тэгээд төгсгөлд нь: МАН, АН, МАХН, өөр бас бус жижиг сажиг намууд - бүгд ижил. Гайгүй юм болов уу гэсэн цөөн хэдэн хүн л дотор нь харагддаг. Дийлэнх нь - луйварчид. Чадалтай, салбарыхан нь үнэлдэг, нэр цэвэр, шударга хүмүүсээр цөмөө хийсэн улс төрийн шинэ хүчин өгүүлэгдэж байна. 
Гэвч энэ бол үлгэр. Үлгэрээ сонссон бол одоо унтацгаа да хүүхдүүдээ.

23 June 2014

autopoet.yandex.ru

Yandex хэрэглэгчдийнхээ хайлтын утгаар автоматаар шүлэг зохогч хийж. Зугаатай л юм.

Марктай бодлого

UPD 2014.06.23 08:20
Зөв хариулт ирж. Блок марк нэг ширхэгээсээ ямарч тохиолдолд үнэтэй. 
 
UPD 2014.06.21 20:57
Хувилбарууд алга уу?

2014.06.17 23:27
Шуудангийн маркын үнэ хадгалагдаж үлдсэн тоо ширхэгээс нь шууд хамаардаг. Жишээ нь: Blue Mauritius марк өнөөдөр 20 ширхэг л үлдсэн, нэг бүрийнх нь үнэ 2-3 сая ам.доллар. Маркын үнийг огцом өсгөхийн тулд тоог нь санаатайгаар цөөлдөг, устгадаг тохиолдлууд ч бий. Нэг кинонд ийм зүйл гардаг: гол дүрийн баатар маш өндөр үнээр 4 маркаас бүрдэх блок (квартблок) худалдаж аваад, гурвыг нь тасалж авч шатаадаг.
Асуулт: яагаад ямарч шуналтай марк цуглуулагч ийм үлдэл хийхгүй байсан бэ?

Дарангуйлагчид оросын түүхэнд

Крымын хойгийн тухай. Орос орон Сталинаас хойш анх удаа нутаг дэвсгэрээ тэлж буй үзэгдлийн гэрч бид боллоо. Путин барууны орнуудыг болон АНУ-г хөөрхөн дөнгөж орхисон. Харин Донбасс-ыг бол золигт гаргаад тэр чигээр нь орхих байх. Крым бол Хар далай, Севастополийн боомт, нэг үгээр - геополитикийн чухал объект. Дэргэд нь Зүүн-өмнөд Украин, тэр дундаа Донбасс ач холбогдолын хувьд төдийлөн чухал биш. Хэрэв оросууд даварвал олон улсын зүгээс хориг арга хэмжээ авах болно. Эдийн засаг нь маш эвгүй болно гэсэн үг. Тэрийг оросууд сайн ойлгож байгаа болохоор Крымыг эзлээд чимээгүй болчихож байгаа юм.
Оросын түүхийг авч үзвэл тус улс дарангуйлагчийн дор байхдаа хөгжлийн үсрэлт хийж байсан нь ажиглагддаг. Тухайлбал: Иваны Грозныйн үед Казань хотыг эзэлснээр Урал, Сибирь эзлэгдэх үндэс тавигдсан. Петр I-ийн үед болохоор Балтын болон Хар тэнгисрүү гарцтай болж Питер хот (үндсэндээ тариачидын ясан дээр) баригдсан. Сталины үед үйлдвэржилт дээд цэгтээ тулж, Дэлхийн II дайнд ялснаар газар нутагаа мөн л тэлээд авсан. Бүгд ард иргэдээ хайр гамгүй хядаж байсан нөхдүүд шүү дэ. Дэргэд нь Путин гэм хоргүй нэгэн. 
Ер нь ямар ард түмэн нь байна, дарангуйлагч нь яг таарсан байдаг юм шиг. Оросуудын хувьд эзэн хаан нь сайн, харин доорх түшмэлүүд нь муу юм шиг хэдэн зууны турш бодож ирсэн. Одоо ч гэсэн энэ үзлийн үлдэгдэл арилаагүй. Германд болохоор эмх замбараатай, хүчирхэг байх эрмэлзэл дээр нь дөрөөлж Гитлер төрд шургалсан. Хятатууд ахмадуудаа хүндэлдэг болохоор Мао бүх хятадыг эцэг болоод амжсан г.м. үргэлжлүүлвэл урт жагсаалт болох янзтай. 
Монголчуудын хувьд ойлгомжтой: бид хэзээ ч нэгдмэл байж чаддаггүйд бүх асуудал оршидог. Удирдагч нь удирдагч шиг, иргэд нь иргэд шиг байж чадваас тийм ч потенциал дорой ард түмэн биш шүү дэ үнэндээ.

22 June 2014

1941.06.22

Дайн эхэлсэн өдөртэй холбоотой урд жилийн постууд: нэг, хоёр, гурав.