28 February 2014

Жендерийн асуудал

Мартын 8-ныг угтуулаад эмэгтэйчүүдийн эрхийн тухай бодож явдгаа бичье.
Жендерийн эрх тэгш байдлын тухай манайд их ярьдаг байсан. Үр дүнд нь эмэгтэйчүүдийн эрхийг хамгаалах байгууллагууд олноороо төрсөн дө. Одоо хүмүүст жендерийн асуудал төдийлөн сонин биш болж. Оронд нь байгаль хамгаалал, ногоон сэдэв номер нэгээр тодроод байгаа. Бид чинь заавал нэг зүйлийг өөрөө өөрсдөөсөө хамгаалахгүй бол болдоггүй улс шүү дэ. Харин биднийг хамгаалах үүрэгтэй цагдаа маань эргээд иргэдийнхээ эсрэг шахуу ажилладаг.
Зарим улсад тогтсон уламжлалаас манайх хавьгүй дээр мэт, ядаж л чулуугаар нүүлгээд алчихгүй. Нөгөө талаас, тийм ч сайн бас биш. Түүхийг авч үзвэл: тэгш эрх гээд байгаа зүйл манайд урд нь ч байгаагүй, одоо ч байхгүй, ирээдүйд ч бий болох магадлал бүрхэг. Энэ чигээрээ л үргэлжлэх байх. Харин социализмын үед боломжийн болж ирсэн байх шүү, муу хэлдэг тогтолцоо ч гэлээ. Гэр бүлийн хүчирхийлэл лав бага байсан. Нөхөр нь эхнэрээ балбаад алчихсан тохиолдол цөөхөн дө.
Өнөөдрийн хувьд: мэдээлэл нээлттэй болсон болохоор хэн дуртай нь юу дуртайгаа бичдэг, нийтэлдэг, эвгүй байдалд оруулна шүү гэж шантаажилдаг эвгүй цаг ирж. Хэдэн өдрийн өмнөх үйл явдал: хоёр дебил байхад буруутан нь эмэгтэй нь л болж хувирсан (Түмэн-Өлзий гэдэг дуучин байдгийг би тэгэхэд л мэдэж авсан). Комментууд уншихлаар бизнес эрхлэгч ахд буруу байхгүй, харин ангалзсан хүүхэн шантааж хийгээд бүтэлгүйтхээрээ нофщирч мэдээлэл дэлгэсэн мэт. Зөвөлгөө: өөрийгөө тэр хүмүүсийн оронд тавиад үзэх хэрэгтэй. Би тийм SMS бичих байсан уу? Надад SMS ирсэн бол би нэт-д дэлгэх үү? Юу л бол. Тийм болохоор би аль алиныг нь маанаг зүйл хийж, адилхан 50:50 буруутай гэж үзэж байгаа. Ах хүүд зөвлөхөд, өдий наслахдаа хүн таньж сур, найдвартай хүмүүст SMS бичиж бай, хэ-хэ. 
Бас нэг жишээ: 70 дөхсөн өвөө залуу бүсгүйтэй сүүлэрвэл хэвийн үзэгдэл, харин 40 шүргэж яваа эмэгтэй хорин хэдтэй залуутай суувал хүүхдийн толгой эргүүлсэн эрээ цээргүй бузар эм болчих гээд байдаг. Үүнийг тэгээд эрх тэгш байдал гэх үү? Манайд үйлчилж буй хууль гэвэл: эрэгтэй эмэгтэй хоёрын дунд асуудал гарвал буруутан нь гарцаагүй эмэгтэй нь. Гэр бүл доторх асуудалд бүр амар ханддаг: бүгдийнх нь нүд нь балай, чих нь дүлий. Алж байсан ч оролцохгүй. Харин алчихсан хойно нь яахав жаахан шуугиад авнаа зайлуул. Тэгсэн мөртлөө хэцүү мэргэжил эзэмшиж, хүнд, хортой нөхцөлд ажиллах болохоороо эмэгтэйчүүд тэгш эрхтэй болчихдог. Янз бүрийн үйлдвэрээр ороод үзээрэй. Санаанд оромгүй газар эмэгтэйчүүд тааралдна. Кранчин, хүнд машин механизмын жолооч, гагнуурчин, шохой чулуу бутлах цехд ажилчин г.м.
Жендерийн эрх тэгш байдлын тухай ярихаас өмнө хүмүүсийн байрыг сольж төсөөлөх зүгээр байдгийг та нар түрүүнээс хойш анзаарсан байх. Дээрх дуучин, бизнесмен 2-ын байрыг солиод үз. Ахимаг насны бизнес эрхлэгч авгай дуучин залууд SMS бичиж. Яаж тэр авгайг муулах бол? Эсвэл насыг нь: залуу бизнесмен ахимаг насны дуучин бүсгүйд мессеж илгээж гэж. Эсвэл бүр гоё: ах хүү эрэгтэй дуучинд SMS бичиж, хэ-хэ, яагаад болохгүй гэж. Байрыг болон өгөгдлүүдийг солиод солиод нэг дүнгэлтэд хүрч байвал хүйс хамааралгүй бодож гэсэн үг.
Би хэдийгээр эрх тэгш байдлын тухай бичиж буй ч гэлээ Арвин, Удвал, Баянсэлэнгэ гишүүдийг харахлаар өөрийн эрхгүй гомдоод явчихдаг. За яахав, Удвал нь нөгөө хоёроосоо арай дээр байх. Гэвч ЭМ-ийн салбарыг хавьгүй дээр аваад явчих боловсон хүчин манайд бий гэдэгт би итгэлтэй байна.

27 February 2014

MS Excel

Office2013-руу шилжсэн. Таалагдаж байгаа. Юм бичхэд курсор нь гоё шилждэг болсон байна. Би боддог юм: хамгийн өргөн хэрэглээний прог Excel байх гэж. Үнэндээ л аймшигтай программ шүү дэ, юу л бол юу хийж болдог. Аюутугай! Биширтүгэй!

Etam Cru

Etam Cru нэрийн дор уран бүтээлээ туурвидаг польшийн зураачид болох Sainer, Bezt.
Сайт нь: http://www.etamcru.com/

The Beatles - Smack My Bitch Up

UPD 2014.02.27 23:13
3 жилийн өмнөх постыг сэргээж байна. Ийм эвлүүлгүүдэд дуртай гэж жигтэй.

2011.03.05 15:33

Геть!

Украины сэдвийг үргэлжлүүлье. Сүүлийн жилүүдийн үйл явдал нэг дор. Геть!
Лениний хөшөөг хаана хэдийг нураасныг дүрсэлсэн интерактив карт олдсон. Good bye Lenin! гэдэг нэртэй.
Хөшөө байтугай ерөнхийлөгчөө унагааж чадлаа. Одоо сонголт хийх л үлдлээ дэ.

26 February 2014

Киев. Буудалцаан

Хэдэн өдрийн өмнөх Киев. Аймшигтай.

23 February 2014

Chet Faker - Talk Is Cheap


BW

Хүмүүсийн зураг хөргийн сонирхоцгооё.
1956. Пикассо.
1977. Сталлоне Али 2 Оскарын шагнал гардуулах ёслолын үеэр.
Горшок буюу Михаил Горшенев.
Итгэхэд бэрх, гэвч энэ Аквариумын Гребенщиков байгаа юм.
1974. Аль Пачино Лондонд.
Төгсгөлд нь: Клинт Ийствуд.

Евро-2016. Казахстан

Урьдчилсан шатны сонгон шалгаруулалтын хэсгүүд тодорхой болж. За яахав, Турк-ийг Европ гэж би хүлээн зөвшөөрнө. Харин Казахстан энд юу хийж явнаа, ха-ха? 
Энэ чигээрээ бол бид ч гэсэн Евро-д орж болохнээ?

Автын мэдээ

Shit happens цувралаас.
Пүрэв гариг надад тохиромж мууг би ажиглаад л байгаа. Хонь жилтний муу өдөр нь юм гэсэн. Иймэрхүү зүйлд ач холбогдол өгдөг биш. Новшийн зүйл болоод өнгөрсөн хойно "хог гэж, 4 дахь ч тоглоомчгүй заваан байх чинь" гэж бодох боловч засал ном уншуулах, 4 дахь өдөр болгоомжтой байх тухайд огт бодож ч үзээгүй. Харин ч бараг эсрэгээр "яадаг юм байна, цааш нь үзье" гэж боддог. За үндсэн үйл явдалруу шилжье.
Өнгөрсөн 1 дахь өдрийн өглөө утсанд танихгүй дугаараас дуудлага ирсэн байв. Би утсаа дуулаагүй сүүлд нь харсан.
Тэгсэн 20 минутын дараа төгсгөл нь адил дугаараас дахин дуудлага ирэв. Авлаа:
- Байна уу?
- Байна.
- Ганзориг мөн үү?
- Мөн.
- Монгол шуудангаас ярьж байна (хороололд шуудангийн хайрцагтай, тэрний төлбөр тооцооны асуудлаар ярьж буй юм болов уу гэсэн бодол толгойд орж ирэв). 8095УНГ машины таных биз? Би гайхаад:
- Тийм, минийх.
- Танд торгуулийн хуудас ирсэн байна. Гэрт чинь өдрийн цагаар хүн байх уу? Орцныхоо кодыг хэлдээ гэхэд нь л учир юунд байсныг ойлгов. 
Ажилруугаа явж байх зуур бодлоо. Хэзээ хаана яаж дүрэм зөрчсөн юм бол доо гэж. Нэг л санаж өгдөггүй дэ. Ажил дээр ирээд torguuli.mn-руу ороод шалгасан чинь...
Өглөө нарны замаар давхиж яваад хурд хэтрүүлчихэж. Хурд хэмжигч байдгийг ч таг мартаж. Орой нь гэртээ ирлээ. Аз жаргалын захидал ч аль хэдийн хаягийн дагуу ирсэн байв.
Хамгийн сүүлд хэзээ дугтуйтай захидал авсан билээ? гэсэн шүү юм бодонгоо задаллаа.
Гол хэсэг нь:
Төлбөрийг нь одоо болтол хийгээгүй яваа. Хоёр долоо хоногийн дотор хийхгүй бол болдоггүй гэсэн. Маргааш нөгөөдрөөс шилжүүлэхээс.

Сюрприз-ууд үүгээр өндөрлөөгүй ээ. Сая өнгөрдөг 4 дахь өдөр бүр гоё үйл явдал тохиолдсон. Ажлын шугамаар нэг байгууллагаар орох ёстой байв. Гутлын 22-ын дэргэд зогсоол олддоггүй. Тохирсон цаг нь болчихоод байдаг, би тэр хавиар 2 тойроод зогсоол олж чадаагүй байдаг. Тагнуулын эсрэг талд хурдаа сааруулаад гэлдэрч байтал нэг машин зогсоолын хажуугаас хөдлөв. Би оронд нь тэргээ байрлуулчихаад гүйгээд алга болов. Хэн нэгнийг хаагаагүй, хөдөлгөөнд саад болоогүй, урд 5-6 машин байсан болохоор ачиж эхэлсэн ч амжаад наана нь гараад ирнэ гэж бодов. Байрлал нь энэ:
Ачигч нар одоо бүлгээрээ ажилладаг болж. 4-5-уулаа ирээд урдаас нь эхлээд аччихдаг юм байна. Гараад ирсэн - машин байхгүй. Ээ 3,14z! гэж харааж аваад эргэн тойрноо харлаа. Уулзвар дээр машиныг минь ачсан тэрэг зогсож байна шүү. Гялс харайж очоод утасны дугаараа ядаж үлдээлдээ гэж байж нэг дугаартай хоцорлоо. Утасдаад дараах мэдээллийг олж авав: ЗЦГ-ын дансанд журмын хашааны зогсоолын төлбөр 3,500₮, ачсан компаний дансанд 75,000₮ тушаагаад баримтаа авч нарны замын журмын хашаанд ирж машинаа авав юм байна. 3,14z! гэж дахиж нэг амандаа хэлж аваад банк оров. Дугаараа хүлээгээд сууж байхдаа хувийн хэвшил 75, хувьсгалын тал 3,5 гэдэг нь сонин л хуваарилалт юм да гэж бодож суув.
Гараад такси барих гэсэн - горьд. Зогсодог амьтан байдаггүй. Аан үхсэн баас! Нэгэнт гэртээ эрт харих үлгэр болсон, алханаа! Замдаа Элчингийн гудманд намайг даапаалсан самбартай таарав.
Очоод 2 баримтаа тушаав. Цагдаагаас нь: 
- Баримт өгдөггүй юм уу? гэж асууж үзэв. 
- Тийм юм байхгүй, банкы баримтаа өөрөө канондохгүй яасан юм.
Машины хамар, багааж, урд 2 хаалгыг лацадсан байв. "Очух" гэдэг нэр өгснөөс "Ачих" гэж нэрлэхгүй дэ.
Энэ 4 дахь өдөр ямар үйл явдал тохиолдох бол гэж бодоод л сууж байна.

21 February 2014

Агаарын алба

Дулаараад нийслэл хотын утаа тортог арай гайгүй болж эхэллээ. Гэвч энэ нь түр зуурын завсарлага, 10-11 сар гээд утаа эргээд л гараад ирнэ. Харин одоо удахгүй амиак эрчимтэй үнэртэж эхэлнэ дэ. Энэ бүхнийг хэмжиж, иргэдээ сонор сэрэмжтэй байлгахын тулд манай хотод агаарын чанарын алба бий.
Машиных нь ард буй линкээр ороод үзвэл дажгүй өнгө зүстэй вэб-сайт угтна. Зурагнууд дээр нь янзын сайхан тунгалаг хот дүрслэгдсэн байгааг анзаарахгүй байхын арга үгүй. Уяраад хамар шархираад, хоолой зангираад явчихаж байгаа юм чинь, яг автобусны ард зогссон мэт.
Хэмжилтүүдрүү ороод үзвэл нийслэл тийм ч тунгалаг агаартай биш болж таарах нь ойлгомжтой. Эхэлж индекстэй танилцах нь зөв: http://www.ub-air.info/ub-air/about/air-quality-index.html
За тэгээд аль нэг сарын мэдээг үзчихэд илүүдэхгүй. Жишээ нь, 12-р сарын эхний 10 хоног: http://airquality.ub.gov.mn/images/pdf/Air-Quality/2013.12M10.pdf
Бас санхүүгийн тайлангууд сонирхол татна: http://airquality.ub.gov.mn/index.php/about-us/2013-06-14-06-20-23.html
Үнэндээ бол чанарыг хэмжсэн хэмжээгүй нийслэлийн агаар бүрэн (_|_) гэдэг нь энэхүү агаараар амьсгалж буй амьд организм болгонд ойлгомжтой. Утаанаас сална гэж найдаад хэрэггүй гэдгийг сүүлийн 10 жил бидэнд ойлгуулсан. Хан-Уул дүүрэгт байр сав аваад ч авралгүй, хэзээ нэгэн цагт утаа тэнд ч гэсэн хүрнэ.

Кукрыниксы - Песня наивного человека

18 February 2014

Бичээс. Цуглуулга

Эхэлж англи дээр.
Улмаар орос хэлтэй холбоотой демотиватор.
Нэмэх нь нэг гудамжны бичээс.
За тэгээд төгсгөлд нь миний хамгийн дуртай зүйл - хүүхдийн уран зохиол.