03 January 2016

Сүлдтэй түүх

UPD 2016.01.03 17:13
Бариул буруу зурсан нөхөрт ямар хариуцлага тооцсоныг мэдэхгүй. 
1923 оны сүлдийг шинжвэл туузны гол хэсэг ямарч бичиггүй, хажуугаарх 6 хэрчим дээр "Орон бүхний пролетари нар нэгдэгтүн!" гэдгийг 6 хэлээр бичсэн байдаг. Үүнд: орос, украин, гүрж, беларусь, армян болон түрэг-татар хэл байж. Бүгдийг нь тэгш эрхтэй гэж үзэж байсны илрэл:
14 жилийн дараа гэхэд 11 бичигтэй болохоос гадна РСФСР буюу орос голлох үүрэгтэй болохоор төвд заларсан. Татарууд бол сураггүй (гэхдээ одоо ч гэсэн татарууд хойд хөршид оросуудын дараа ордог хамгийн олон хүн амтай хэвээрээ). 1940 онд Балтын гурав, нэмэх нь Молдавийг нэгтгээд 15 болсон юм. Дайны дараа Тува, Прусси дахь Калининград, Закарпатье, Мурманскийн муж дахь Печенги, Өмнөд Сахалин болон Курилийн аралуудыг эзэлсэн. Хэдийгээр ЗХУ манайд тусалж байсан ч гэлээ түрэгмгийлэл, эзэгнэл хийж байсныг нь үгүйсгэх арга байхгүй л дэ.

2016.01.01 11:49
ЗХУ-ын 1923 оны сүлд.
Сүлдийг зурж байсан зураач бүх элементийг нь бодит, үнэмшилтэй харагдуулах гэж их хичээсэн. Ажлын явцад тэрбээр "тариачны жинхэнэ хадуур" олж өгөхийг шаардаж.
Багаж хэрэгслийн бариул нь төгсгөл хэсэгтээ бүдүүрдэг. ө.х. хадуур зүй ёсоороо бариулныхаа нарийн талд нь зоогдох ёстой. Цүүц, алх, төмрийн хөрөө г.м. багажнуудын бариул бүгд үзүүрлүүгээ өргөснө. Ийм бариул ажиллахад эвтэйгээс гадна гараас багаж сугарах аюулыг арилгадаг. 
Сүлд дээрх шиг бариулын бүдүүн үзүүрт хадуураа зооход хүргэсэн ямар шалтгаан байж болох вэ? Нарийн талд нь хадуураа зоож байгаад сэтэлж орхисон, эсвэл бариул ажлын явцад цуурсан. Бариул зоож байсан нөхөр согтуу байсан, эсвэл өмнө нь багаж бариуланд суурилуулж үзээгүй. Гэхдээ хамгийн энгийн бөгөөд магадлал өндөр хувилбар бол: хотын нөхдүүд нэг тариачин дээр очоод "- Алив нэг хадуур өгөөд аль!" гэхэд нь тариачин тэнэг гар биш болохоороо аж ахуйд ашиглагдахаа байсан, бариул нь эвдрээд эсрэг талаас нь хадуур зоосон, хэрэггүй шахуу хогоо өгчихсөн байгаа юм. Хамгийн сайн багажаа эргэж ирэхгүйг нь мэдсээр байж өглөө юу тариачин?
Төв хороонд хадуурын бариул буруу талаасаа суугдсаныг хэнч анзаараагүй. Ингээд тус сүлд төрийн албан бланк, цаасан мөнгө болон зоос, энгэрийн тэмдэг, малгайн таних тэмдэг (кокарда) г.м. бүх зүйл дээр заларсан. 
Алдааг 14 жилийн дараа залруулжээ. 1937 оны сүлд:

1 comment:

  1. Буруу зурсан анзаараггүй нөхөр яасан бол

    ReplyDelete