Их газрын чулуу

Цагаан суварга

Өчигдөр найзын гэр бүлтэй Дундговийн Өлзийт сумруу гарсан. Цагаан суваргад хоноглов.

Өнөөдөр өглөөний зурагнаас.

Үүрээр говьд янзын байна лэ.

Дундговь. Панорам

Сарын өмнөх аялалын зурагнуудаас (дээр нь дарж томруулж харах илүү тохиромжтой байх):

Нэг зүйл хэлье, нуугаад яахав, "ямар хойлог гар вэ?" гэж бодвол бодохоос. Гар утас маань панорам зураг авдгийг бүтэн жил барьсны дараа саяны аялалаар л мэдлээ, ха-ха. Гол нь ив ил, бүүр нүдний өмнө байхад нь тоогоогүй байгаа юм.

Их газрын чулуу. 1-р хэсэг

Сэк дроноороо авсан зурагнууд.

Аялал - 2019

Сайхан л аялаад ирлээ. 1700 км зам туулсан.

Төв аймаг. Замын гуанзад ус гачигдалтай байдаг болохоор хуушуурыг ийм тавганд хийж өгдөг болж.

Чойр. 120км/ц-аас илүү хурдтай зорчихлоор машин үндсэндээ шавьж хоморголон устгагч болдог.

Шанд. Зүүн гар талд - тэмээ, лого дээр - динозавр. Би урд нь Сайншандад ирж байгаагүй, надад лав таалагдсан. Цэвэрхэн хот байна лэ.

Хамрын хийдийн ойролцоо хоноглосон. Бид шинэ чийдэнгээ хээрийн нөхцөлд туршиж говийн дэнгийн эрвэйхийнүүдэд party зохион байгуулсан. Дараа нь хэдэн өдрийн турш эрвэйхий энд тэндээс гарч ирж зовоосон.

Говьд мандаж буй наран. Нарыг хайрла!

Дорноговьд чамгүй халсаан. Хойд насандаа хонин гүрвэл болж төрөмгүй газар юм даа гэж дотроо бодсон.

Хамарын хийд.

Шулуухан хэлэхэд Хамарын хийд бол сайхан пи-ар. Жуулчид, ар иргэдийг олноор нь хуйлруулж авчирч чадаж буй нь тус аймаг аялал жуулчлалд ач холбогдол өгч сайн ажилласны үр дүн юм. 

Хүслийн хар уул.
- Хүсэл бүхэн чинь биелэх болтугай Хясал гэгч хэцүүг бүү мартаарай... 

Дундговь аймагруу орж ирлээ. Өөш манхан. Хүмүүс элсэнд өөрсдийгөө булж бөөрний өвчнөө анагаадаг юм билээ.

Цагаан суварга. Өнгө дүрсний гайхалтай зохилдлого.

Говьд түлээ чулуу сэтгээд хорхог хийнэ гэдэг бас л ур ухаан шүү, хэ-хэ.

Бид гоё нөмөр газар буудалласан, аялалынхаа хаалтыг энд хийсэн.

Нар жаргалт. Мартаагүй бол - Нарыг хайрла!

Манай гэрэл зурагчин. Байрлал авч байгаагаараа бол шилдэг зурагчин гэдгийг баттай хэлье, ккк.

Хэн нэгэн энд муураа гээгээд явсан бололтой. Биднийг дагаад, Сэк-ийн машины капотонд нуугдаж хот орох гэж оролдсон муу золиг чинь.

Мандалговь. Нэг дугуй заганд, нэг дугуй хадаасанд сүвлэгдсэн. Ганц ажиллаж байсан дугуй засварт нь бүсгүй хүн дугуй нөхөж байв. Дайчин бүсгүй байна лэ, респект.

Их газрын чулуу.

Үнэхээр л их чулуу юм билээ. Чулууг хайрла!

Дундговийн Цагаан суварга, Их газрын чулууг очиж үзэхэд илүүдэхгүй юм байна лээ шүү, гоё. Ер нь хүний гараар бүтсэн зүйлээс (жишээ нь сүм хийд) илүүтэйгээр байгаль дэлхий бүтээсэн зүйл нь (жишээ нь уул хад) надад илүү таалагдсан энэ аялалд. 

Дорноговь, Дундговь зүгэллээ

Дорноговь, Дундговь аймгуудруу маргааш гарлаа. Түрүүн Жадамбаа ирж машины арлуу ачаагаа шидчихээд яваад өгсөн, би буухдаа мешокоо бас оруулаад амжсаан. Жилээс жилд ачааны маань хэмжээ багасч байна да зайлуул. Фото техник маллаж явах гэж лай жишээ нь. Хувцас хунар бол ерөөсөө ганц ээлж, хэ-хэ. Цүнх хоосон байгаа юм, тэр дээр нь овоолсон юмыг чихэж аваад л гарна.

Жил болгон нэг аймгаар найзуудтай аялсаар ирсэн, энэ жил ч гэсэн яаж ийж байгаад л явлаа.
2013 - Сүхбаатар: https://ganzo79.blogspot.com/2013/05/blog-post_16.html
2014 - Дорнод: https://ganzo79.blogspot.com/2014/05/blog-post_22.html
2015 - Өвөрхангай: https://ganzo79.blogspot.com/2015/06/blog-post_57.html
2016 - Хэнтий: https://ganzo79.blogspot.com/2016/07/2016.html
2017 - Сэлэнгэ: явж ЧАДААГҮЙ...

2018 - Өмнөговь: https://ganzo79.blogspot.com/2018/10/blog-post_11.html
Зүүн зүгийн болон Говийн аймгууд үүгээр дуусаж буй юм үндсэндээ. Төвийн хэсэг хагасласан, одоо баруун зүгт яаравчлахгүй бол болохгүйн.