Бин Ладен ба вакцин

CIA нь пакистаны эмч Шаклиф Афридигийн тусламжтайгаа Бин Ладены байршилыг баталгаажуулсан гэж байгаа. Эмч Абботтабадад вакцинжуулалт хийх нэрийн дор ДНК-гийн загваруудыг цуглуулж АНУ-ын тусгай албанд дамжуулсанд буруутгагдсан. Ингээд 2011 оны 5 сард тусгай ажиллагаа явагдаж террорист №1-ийг устгасан түүхтэй.
Эмчийг пакистаны эрх баригчид эх орноосоо уравсан хэрэгт буруутгаж 33 жилийн ял оноосон. Арга байхгүй л дэ, гадны тусгай албанд тусалсан л бол автоматаар урвагч шүү дэ.

Мөрдөн байцаалт эмчийг тариа хийсэн зүүнүүдээ хаялгүй CIA-гийн агентуудад дамжуулсан гэж үзсэн. Энэ нь Бин Ладены ойр дотны хүмүүс төсөөлж буй хаягаар оршин сууж байгаа эсэхийг баталгаатай тогтооход хангалттай юм. ДНК-г нь жишээд л болоо.
Өнгөрсөн оны 11 сард чанга дэглэмтэй Пешаварын шоронд хоригдож байгаа Шаклиф Африди хугацаагүй өлсгөлөн зарласан. Цааш юу болсныг мэдэхгүй. АНУ эмчийг шоронгоос суллаж өөрийн оронд орогнол үзүүлэх гэж хичээж байгаа хэдий ч одоохондоо үр дүнд хүрээгүй байна.
Вакцинжуулалт "Save the Children" олон улсын сангаас санхүүжигдэж байж. Тус байгууллага нь Пакистанд 30 гаруй жилийн турш үйл ажиллагаагаа явуулсаар ирсэн. Ер нь Пакистанд ард иргэд нь вакцинжуулалтад сөрөгөөр ханддаг гэнэ. Тиймээс эмч болон сайн дурын ажилтнуудыг зэвсэгтэй хамгаалагчид дагалдах нь хэвийн үзэгдэл. Дээрх үйл явдал болохоос өмнө вакцинжуулалт нэг иймэрхүү маягтай хийгддэг байж:

Хүүхэддээ вакцин хийлгэхгүй гэж эсэргүүцсэн эцэг эхчүүдэд хорих ял хүртэл оноодог. 
CIA Пакистанд вакцинжуулалт ашиглаж тагнуулын үйл ажиллагаа явуулсан нь олон нийтийн дургуйцлийг их хөдөлгөв. Пакистаны засаг захиргаа вакцинжуулалт хийдэг олон улсын байгууллагуудын үйл ажиллагааг хумихаас өөр аргагүй болов. Гэсэн хэдий ч сая 1-р сарын 13-нд полиомиелитийн эсрэг вакцин хийдэг төвд террорист өөрийгөө дэлбэлж 15 эмч, эмнэлгийн ажилтныг цааш харуулаад амжив.