Концесси

Зам хэрхэн баригддаг вэ? Техникийн бичиг баримт гүйцэтгэгчийг эхэлж сонгон шалгаруулна. Ялсан байгууллага замын төслийг хийж танилцуулна. Дараа нь барих компанийг нь сонгоно. Тэдгээр нь "хэн ингэж зам барьдаг гэж хэлээв?" гэсэн утгатай зүйл ярьж техникийн бичиг баримтад өөрчлөлт оруулах, эсвэл бүр шинээр боловсруулах тохиолдол цөөнгүй. Үр дүнд нь төсөвт өртөг дандаа өсдөг. Замыг хүлээлгэж өгсөний дараа зарим зүйл дутуу, зарим нь буруу хийгдсэн нь илэрч эхэлдэг. За тэгээд засварчид мөлжүүрээ авах цаг ирж байгаа юм. Тэдэнд замын эвдрэл гэмтэл гарч л байвал ажилтай байна гэсэн үг. Манайд автозамын баталгаат хугацаа 3 жил байдаг бөгөөд зарим нөхдүүд дээрх хугацаанд асуудал үүсгэхгүй хэмжээнд л зам барьдаг нь нууц биш.
Хувийн сектор хөрөнгө босгож чадвал концессиор зам барих хэрэгтэй. Ингэхдээ бүгдийг нэг гүйцэтгэгчид даатгах нь зөв. Нэг байгууллага зураг төсөлөө хийнэ, барина, ашиглалтын болон засварын ажлыг гүйцэтгэнэ гэсэн үг. Дараа нь 30 ч юмуу 40 жил хийсэн ажлаараа ашиг олно. Жишээ нь: төлбөртэй хурдны зам яагаад байж болохгүй гэж? Ингэхдээ тус компани нь татвараа төлөөд л улс орны хөгжилд хувь нэмэрээ оруулсаар байх болно шүү дэ. Энэ тохиолдолд хөрөнгө оруулагч хурдан, ухаалаг, чанартай ажил хийнэ. Алдаа болгоныг өөрийн карманаас засварлах тул гярхай ажиллах нь тодорхой. Концессийн гэрээ дууслаа - зам төрийн мэдэлд шилжлээ. 
Зөвхөн автозам биш төмөр зам, гүүр, цахилгаан станц г.м. багагүй хөрөнгө шаардагдсан ажлууд уг нь их бий. Яагаад концессиор өгчихдөггүй юм - бүү мэд.