Солиотой сугалааны систем

Сугалаа. Би сугалаанд хэзээ ч итгэж байгаагүй. Янз бүрийн лотерей, сугалаанд хайнга ханддаг. Бага ангидаа байхад Ёжик бид 2 Москва рестораны автобусны буудал дээр буучихаад 1 төг-ийн сугалааг хааяа нэг татдаг байв. Тус сугалаа маш шударга - газар дээр нь тохиролыг нь олгодог. Ихэвчлэн хоосон цаас гардаг байсан хэдий ч цөөн удаа 5 төг хожиж байсан.Би сугалаанд оролцдоггүй гэдэг нь сугалааны эсрэг гэсэн үг биш. Амьдрал дээр сонирхолтой сугалаанууд бий болгож болно. Жишээ нь: дүрэм зөрчсөн жолоочийг замын цагдаа зогсоолоо. Торгох болсон чинь цагдаа сугалаа гаргаж ирээд нэгийг тат гэнэ, ха-ха. Сугалаанууд нь янз бүрийн мөнгөн дүнтэй, зарим нь найгүй өндөр байхад нэг сугалаа нь ямар ч торгуульгүй явуулахаар. Эсвэл орой болгон UBS суваг дээр Э.Бат-Үүл 0-9 цифрүүдээс хоёрыг нь сугална, тэр нь маргаашийн өдөр зорчихгүй машины дугаарын сүүлийн орон. Мөн автобусны билетийн дугаараар орой болгон сугалаа явуулж болно.