Жаргалан. Ерөнхий төрх

2012 оны 8-р сар. Говь-Алтай аймгийн Жаргалан сум.
Энд 2 хонохдоо авсан зурагнуудыг зогсоо зайгүй нийтэлсээр ядаж энэ сумын фотог дуусгая байз. Ирэх 7 хоногт өглөө болгон 06:10 минутад Жаргалан сумтай холбоотой пост автоматаар нийтлэгдэж байх болно.
Ингээд Жаргалан сум.Ганц төв гудамжтай, дагууд нь дэлгүүр хоршоо, цайны газрууд байрлана. Тэр хар цэгүүд - хараацай, би дурангаа арчаагүй юм биш шүү.Яагаад эхний зураг өнгөт, харин 2 дахь нь хар цагаан болсны учир маш энгийн. Би TurboPhoto нэртэй фотозураг боловсруулагч программ (сүүлчийн 3-4 жил) ашигласаар ирсэн (5.7-р хувилбараас нь эхлээд 6.8-д хүрсэн). Тэгсэн өнөөдөр яг энэ зурагнуудыг үдийн ундны цагаар боловсруулж байтал crack нь ажиллахаа байчихлаа. Install-оо ухсан - байдаггүй, crack-ийг нь KIS2012 шууд устгаж орхиж. Шинээр татаад суулгах гэсэн - яг адилхан, patch файлыг нь бөөстөж гээд зангүй. Антивирусээ хааж байгаад суулгах боломжтой боловч хар гай, ямар юм нь ч ажлын компьютерийг гацааж орхих юм билээ цус. Тиймээс устгаж орхисон, TurboPhoto-г. Одоо Adobe Lightroom 3 дээр зураг боловсруулахаас өөр замгүй. Тэгээд л янз бүрийн функцүүдийг нь туршиж байгаад нэг зургаа хар цагаан болгож орхисон нь энэ. Хэрэв анзаарах юм бол watermark-ны хэлбэр, байршил өөрчлөгдсөн байгаа: зүүн дээд буланд бол урд нь боловсруулчихсан байсан зураг, зүүн доод буланд бол Adobe Lightroom ашигласан гэсэн үг.
Эргээд сумынхаа төвд шилжье.Нутгийн жаалууд.Эндхийнхэн нохой сайтай юм. Овоо биерхүү 4 нүдэт монгол банхар цөөнгүйг таарсан. Төв гудам дагуу хэвтсэн байдалтай өдрийг бардаг юм билээ.Хуучин навсгар байшин харьцангуй бага.Шинэ гэмээр подстанцтай. Бодвол Тайшираас цахилгаан авдаг болох үед шинэчилсэн байх.Трактор, мотоцикл, микроавтобус, 69 - цөөхөн. Нам жим.Ер нь хүн ам цөөхөн юм билээ. Хадландаа гарцгаасан байж мэднэ. Нэг л сайхан налайсан газар.Монголын бусад 329 сумаас ялгараад байх зүйлгүй. Сумын төвийн урд Хасагт хайрхан нэртэй сүрлэг уулс бий.Говь-Алтай мод муутай. Алтайн уулс хад асга ихтэй.Нар жаргах үеийн төв гудамж. Тээр цаана Батсуурь аваргын хөшөө харагдаж байна.Бид сургуулийн багш нарын багтай гар бөмбөгийн нөхөрсөг тоглолт зохион байгуулж нэр төртэйгээр хожсон дэлбэ хожигдсон. Гэхдээ юу гэдэг билээ, олимпийн уриа? Яг зөв: гол нь оролцоо, хэ-хэ.