Saturday, August 30, 2014

Зам зуур

Мөнгөлөг машин. Бас алтадсан хувилбар ч байдаг. Эзэндээ таалагддаг болоод л ингэж өнгөлдөг байх. Хэдийгээр "лаагаа иднэ үү, луувангаа иднэ үү" боловч надад яагаад ч юм эрэмдэг санагддаг. Машин ёлка-ны тоглоом биш шүү дэ.
Хүүхнүүд машинаа чимэх дуртай байдаг. Хөөрхөн хувилбарууд бас хааяа таарна.
Хаа хамаагүй наалт машин дээрээ байршуулах нь бас элбэг үзэгдэл. Данзка, аминь...
Хас тэмдэг бол зам дээр жинхэнэ эрчээ авсан бэлгэдэл. Соёмбоос дутахгүй.
Хаяг самбар, лого, суудлын бүрээс - хаана л бол хаана.
Скоч биш цахилгааны лентээр засвар хийж. Яахвээ, прогресс шүү, хэ-хэ.
Нүүдэлчидэд нэг сайхан чанар цусанд нь байх шиг. Ямарч үед байгаа нөхцөл байдалд тохируулж ачаа бараагаа баглаж бэхлээд, тээвэрлэж чаддаг. 5 ханатай гэр, ганц муу эксель л байна уу? Асуудалгүй, нүүж л орхино.  
Автобусанд. "Залуу хүн ядуу байх нь биш мэдлэг чадваргүй байх нь гутамшиг" гэж тэр 5-ын тооны доор бичиж. Оюутан "Би эрдэм ном сурах гэж явна, гэхдээ мөнгө алга. Энэ гутамшиг биш" гэж хэлэх эрхтэй боллоо, хэ-хэ.
Энэ жил шумуул овоо их байваа? Машины сэнснээс байсхийгээд л цус сорогчийн хатаамал үлээгдээд гараад ирэх юм.

No comments:

Post a Comment