Шинэ мангаал

UPD 2012.07.07 22:30
Махаа урд орой нь амтлагчинд сойж амжаагүй. Гол нь сойх мах алга байлаа л да. Гэрт хоосон хөргөгч хангинаж байсан юм. Өглөө худалдаж авч энээ тэрээ, нааш цааш явсаар байтал өдөр болчихсон. Тиймээс махаа амтлагчинд хальт 2 цаг байлгаад шууд шарав.Амтлахын өмнө алхаар цохиж зөөллөсөн. Скай-с модны нүүрс авах гэж өдөр орохдоо энэхүү девайсыг бас авсан юм.Би өөрөө яг бүтэн утлагатай хиам шиг үнэртэй болсон байна.

2012.07.06 15:46
Хүн гал нээснээсээ хойш мах шарж идсээр ирсэн. Задгай гал дээр шарсан мах зүгээр саванд шарагдсан махнаас анги амт чанартай байдаг нь нууц биш. Би олон жил есөн шидийн гар хийцийн хайрцаг хашлага ашиглаж шорлого хийсээр ирсэн. Дугуйны төмөр обуд хүртэл ашиглаж байсан удаатай.
Энэ жил зорьж байж шинэ мангаал худалдаж авлаа. Нэмэлт болгож: барбекю хийхэд 2 талаас нь махаа хавчиж шарагч 2 ширхэгийг (тэр модон бариултай), 6 ширхэг богино шор төмөр (шампур ч гэдэг) бас авлаа. Зах дээр хямд байна лэ шүү нөхдөө. Худалдааны төвүүдийн үүдэнд зардагтай адил барааг үнийн дүнгийн 2/3-т багтааж авсан. Мангаал - 30, хавчигч - 5х2=10, шампур - 6х1=6, ингээд бүгд нийлээд 46 мянга.
Маргааш гэнэт янз бүрийн ажил гарчихгүй бол, бороо өдөржин орчихгүй бол аавынд очиж мах шарж иднээ. Мөн элэг сүүл хавчуулж шарна гэсэн бодолтой сууж байна. Хэд хэдэн зүйл мэдэж авсан. Шор төмрийг 9-ийн тосоор тосолвол мах сүвэлхэд амар. Модон савх ашиглаж буй бол усанд сойх хэрэгтэй. Махаа ширхэг хөндлөн хувааж, ширхэгийн дагуу сүвлэдэг юм байна. Беконд ороож шарсан мах янзын болдог юм билээ. Ногоо махнаас ондоо хугацаанд болдог учир салангид шарах хэрэгтэй.