Өөхлөг сэдэв

Ойрд гадаа овоо хүйтэн байна. Шөнөдөө ч чанга хонож байгаа шинжтэй, өглөө машин хөлдүү төмөр, гэсгээх гэж зовлонтой юм.
- Хүйтэнд монгол хүнийг юу аврах вэ?
- Спирт. Түй! Оросуудтай андуурчихаж Өөх.

Хөгширч буй юм байлгүй, өөх тостой хоолонд нугасгүй болж байна аа. Хавирга мөлжинө - өөхийг нь хамгийн түрүүнд хуулна. Өвчүү, сүүлний тухай дурдах ч юм биш :)

Ардын аман зохиол, зүйр үг, хэллэгт сүүл, өөх багагүй таардаг. Тухайлбал:
- Сүүлэн хүү.
- Цатгалан цагт цагаан хурганы сүүл хатуу, өлссөн цагт өлөн бугын эвэр зөөлөн.
- Өөх өгсөн хүнтэй өглөө босоод заргалдна.
- Маргаашийн сүүлнээс өнөөдрийн уушиг.
- Өөх ч биш, булчирхай ч биш.
- Өөхөндөө өлгийдүүлсэн бөөр.

Өөр ямар хэллэгүүд байна?