Sunday, September 27, 2015

Өөрийгөө өмгөөлнө гэж үүнийг хэлнэ

Сая л Гансүхийн хэргийн шүүх хурлын бичлэгийн үзлээ:
https://www.youtube.com/watch?t=904&v=UmE08S9aZrA

Энэ Мөнгөнтуяа гэдэг бүсгүй улсын прокурорыг хэлэх үггүй болтол нь байдалд оруулж. Тэр татварынхан, шинжээч нар бол уучлаарай, зүгээр холуу очоод ажиглаад байж бай. Улсын ажлыг ямар хүмүүс хийж байна, хувийн секторт ямар нь ажиллаж байна гэдгийг харуулсан бичлэг байна. Хүн өөрийн эрх, эрх чөлөөнийхөө төлөө ингэж л тэмцэх хэрэгтэй. Өөрийн чинь зөв байсан уу буруу байсан уу - хамаагүй. Ангайж зогсож байгаад ял авалтай биш дэ, тийм биз дэ? 7 жилийн ял төлөвлүүлчихээд суллагдаж чадаж байна гэдэг чадалтайн шинж. Би энэ бүсгүйн зөв бурууг ярих гээгүй, тэрийг би мэдэхчгүй. Зүгээр өөрийнхөө төлөө тэмцэж байгаа дайчин шинж чанар нь бол таалагдаж байна.
Нягтлан гэдэг мэргэжлийг өндөрт өргөж байна дө: - Би ч гэсэн нягтлан гэж ирж байгаад л, хэ-хэ. Нягтлангийн нүүр хавтгай гэж зүгээр ч нэг үг биш шүү. Мөнгөнтуяагийн мэдээлэл нь эмх цэгцтэй, факт дээр тулгуурлаж ярьж байгаа болохоор үр дүн авчирсан байна. Бас нэг бичлэг сонирхож болно:
https://www.youtube.com/watch?v=7uOuz1FOHO4

Би компаний захирал байсан бол Мөнгөнтуяад ажлын санал шууд тавих байв. Чадаж байна шүү дэ хүн тэмцэж. Захиралаа мурихгүй эцсийн мөч хүртэл цуг байгаа нь ч сайн шинж чанар. Хоёр прокурор ганц нягтланд мадлуулж байгаадаа ичих хэрэгтэй. Энэ бүсгүй хос мэргэжилтэй, хуулийн сургууль давхар дүүргэсэн байсан бол бүр цусыг нь холиод тавьчих байж. Харамсалтай нь зөвхөн нягтлан л юм...

1 comment:

  1. Бүгд л идэж байгаа, гол нь яг энэ нөхрөөс но-г ол гэсэн улс төрийн захиалгаар хийгдсэн шинжтэй, бусдад нь сургамж болно байлгүй. Төрийн албанд үнэхээр чадваргүй хүмүүс байдаг нь бол жинхэнэ харагдсан.

    ReplyDelete