Гадаад иргэдэд сонин санагддаг самбар, хаяг

Гадаад иргэд ч гэж дэ, энэ тохиолдолд оросуудын тухай юм.
1. Олон (бараг 10 гаруй) жилийн өмнө надаас нэг украин нөхөр "Нүдний шил" гэж юу гэсэн үг вэ хэмээн асууж байсан. Өөрсдийнх нь хэлэнд Ү үсэг байхгүй болохоор "Нудний" гэж уншаад байгаа юм л да. Оросын "нудный" (залхуутай, яршигтай) гэдэг үгнээс үүдэлтэй эсэх нь л мань эрд сонин байсан юм билээ.
2. Бас нэг орос "Яагаад монголд үсчин ба ломбард дандаа цуг байрладаг юм?" гэж асууж сааталд оруулж байв. Яахав дэ, жижиг бизнес эрхлэгчид түрээсээ хувааж төлдөг байхгүй юу гэхээс өөр дорвитой юм би хариулж чадаагүй. Нээрээ л ажиглаад байхад энэ хоёр төрлийн бизнес зэргэцээ орших нь элбэг, бид дасал болсон болохоор анзаардаггүй юм билээ.
3. "Ахуйн газ" гэсэн бичигтэй машин харангуутаа орос найз гар утсаараа зургийг нь дарав. Ямар учраас гэдгийг нь төвөггүй таамагласан. Ахуеть, ахуй г.м. хэллэг бий л дэ. Үгийн үндсийг нь өөрсдөө бодож олно биз, хэ-хэ.
Өөрсдөд чинь адил төстэй тохиолдол байвал бичээрэй.