Tuesday, December 9, 2014

Нива

UPD 2014.12.09 10:39
Урд жилийн постыг үргэлжлүүлье. ВАЗ хотод зориулсан Лада 4х4 Урбан загварыг угсарч эхэлсэн байгаа. 
Уг нь боломжийн өнгө зүстэй харагдаж буй боловч орос тэрэг л бол орос тэрэг, ухуулж л таараа. Хянах самбар бодит нөхцөл байдлыг тодоос тод илэрхийлнэ, хэ-хэ.
ВАЗ концернтэй зэргэцээд монголчууд гар хумьхиж суусангуй. Уншигч (бөгөөд миний сайн собутыльник найз) Жак зураг илгээсэн байна.
2013.08.31 14:15
Нива өнөөдөр манайд цөөхөн харагддаг болж. Үнэндээ бол одоо болтол үйлдвэрлэгдэж буй урт настай загваруудын нэг байгаа юм. Яахав, ВАЗ болон General Motors-ын хамтарсан төсөл болохоор Chevrolet Niva нэртэй болсон. Бартаат замын, тосгоны иргэдэд зориулсан тэрэг бүтээх тушаал анх 1971 онд гарсан юм байна. 72 онд анхны туршилтын загвар нууц хэлбэрээр гарч тестчилэгдэв.
Брезентэн кузоваас татгалзаж, бас бус өөрчлөлтүүдийг хийсний дараа 1976 онд 50 ширхэг тэрэг конвейроос бууж янз бүрийн нөхцөлд туршихаар ЗХУ даяар тараагдсан байна.
1977 оны 4 сараас эхлэн алдаа дутагдлыг нь арилгаж дууссан гэж үзээд бидний танил Нива буюу ВАЗ 2121-ийн үйлдвэрлэл эхэлсэн түүхтэй.

No comments:

Post a Comment