10 April 2012

Номны ар

Хэвлэмэл ном бол НОМ. Ямар ч электрон ном цаасан номыг гүйцэхгүй.
Хамгийн гоё бэлэг - ном. Айл гэрийн хамгийн гоё чимэг - номын сан. Мэдээж эзэн нь номын сангаа өөрөө уншаагүй бол утга байхгүй л дэ, хэ-хэ.
Нэг хошин яриа бий (болсон явдал ч байж мэдэх): тансаг айлд настай эрдэмтэн хүн зочилж гарч ирчихээд хэлж "уг нь гоё л айл байна, даанч нэг ч ном олж харсангүй" гэж.
Би айл амьтанд зочилохдоо номын санг нь их сонирходог. Тиймээс хамгийн түрүүнд номын сангаа нүүлгэсэн. Гэхдээ бас яг 100% бүгдийг нь авчирч амжаагүй л байна. Номын хулгай хулгай биш гэдэг хэллэг байдаг. Фигня! Хулгай л бол хулгай. Тэр ч байтугай хүний юмыг зөвшөөрөлгүй авах нь хулгайн нэг төрөл. Гэрийн гишүүн бүр өөрийн номоо ялгаж авсан, эзнийг тодорхойлоход маш хялбар. Орос хэл дээр, уран зохиол зонхилсон бол минийх, англи хэл дээрх, сургалтын сэдэвтэй нь эхнэрийнх, бусад нь - багачуудынх.
За үндсэн сэдэвтээ орцгооё: Европ болон Америкт номны ар шил дээрх бичгийг дээрээс нь доош чиглүүлдэг. Ширээн дээр хэвтэж байгаа номны шил зөв харсан бичигтэй болж байгаа юм л да. Гэвч ном босоо байрлах үед гарчгийг уншихад хүндрэлтэй.
Харин оросууд доороос нь дээш бичдэг. Яг эсрэгээр: ном босоо байрлах үед нэр нь уншигдахад хялбар боловч хэвтээ үед бичиг нь буруу тийш хардаг. Нэгэнт ширээн дээр хэвтэж буй номны нүүрийг нь харчихсан нь амар гэж бодсон бололтой.Харин манайхан ёстой холион бантанг нь хутгаж байгаа. Хуучин номнууд нь цөм орос стандарт, харин сүүлд хэвлэгдэж буй номнуудыг автор яаж хий гэнэ, түүгээр нь гүйцэтгэдэг.

3 comments:

  1. ном ч гоё шүү. би бол номоо хэнд ч үзүүлдэггүй. бүүр далд шкафанд хийчихдэг. хэдэн ном л ил гаргасан. номыг чинь авч уншья гэж хэлэх вий гэхээс харам сэтгэл төрөөд байдаг.

    ReplyDelete
  2. Хүүе, чи энэ Акунины цувралуудыг хаанаас авав. Би Турецкий гамбит, Левиафан, энэ Азазель гурвыг эндээс хайгаад олоогүй.

    ReplyDelete
  3. Аль 2004 байна уу 2005 онд хойно явж байхдаа авсан шиг санаж байна.

    ReplyDelete