Тэрбишийн зурхай

Монголчууд талцаж аваад Цагаан сараа хэзээ хийх вэ гэж маргалддаг болоод удаж байна. Чингисийн шар зурхай vs Тэрбишийн зурхай гэсэн тулаанд Чингисийн гэдэг нэр зүүж сүр сүлд нэмсэн нөхдүүд нь байнга ялагддаг. Угийн цөөхөн улс байдаг л да.
Миний хувьд хүндэлдэггүй ч гэлээ төрийн шийдвэрийг дагадаг. Харин төр Л.Тэрбишийг дагадаг.
Зурхайд төдийлөн итгэдэггүй, хумс үсээ авахдаа зурхай хардаггүй болохоор би зурхайчидыг гэм хортой улс биш үзсээр ирсэн. Тэр тусмаа Тэрбиш гуай зурагтаар гарахдаа тохьтой томоотой, эрдэм номын хүн шиг харагддаг. Хүн өөрийн дуртай ажлаа хийгээд сүсэгтэн олондоо тус дэм хүргээд явж байг дэ гэж хувьдаа боддог. Тэгсэн... энэ жилийн цаг тооны бичиг надад саяхан таарав.Энэ жижиг номыг бараг өрх болгон ашигладаг. Тэгсэн Ардчилсан нам болон Спирт бал бурамын сурталчилгаа тээгч болж.Тэрбиш зурхайч өөрийн хүчээр энэ номоо хэвлүүлчих тэнхээтэй хүн гэж би бодож байна. Тэнхээ нь хүрдэггүй юмаа гэхэд дурын үндэсний үйлдвэрлэгч дээр (архи тамхины бус) очоод зурхайн номыг маань ивээн тэтгээд өгөөч, сурталчилгааг чинь байршуулъя гэхэд татгалзахгүй нь лав. Гэвч заавал улс төрийн хүчин болон архины үйлдвэрийг сонгож. Илүү амалсанд нь худалдагдаж дэ. Цааш тэгээд энэ номоор ажил амьдарлаа зохицуулаад байгаарай олон түмээн, мандан бадрах биз...