12 May 2015

Бууж өгөлт

Дайнтай холбоотой нэг түүх ярьж өгье. Уг нь энэ постыг 8-нд бичье гэж бодож байсан, мартаж.
45 оны 5-р сарын 8-нд Герман үг дуугуй бууж өгөх актыг үзэглэсэн түүхтэй.
Зураг дээр энэ мөч үлдэж: Германы талыг ахалж ирсэн фельдмаршал Кейтель гарын үсгээ зурж буй байдал. Тус актын гарын үсэгтэй хуудас:
Анхааралтай харвал энд ЗХУ, АНУ тэргүүтэй холбоотнуудаас гадна Францийн армийн төлөөлөл байгаа. Франц улс ялагчдын нэг болсон түүх энэ. Цэвэр улс төр. Мэдээж Де Голлийн тэргүүлсэн франц цэргүүд тулалдаж байсан л да, гэхдээ тэдний ялалтад оруулсан хувь нэмэр бусдаасаа хамаагүй бага. Өмнө нь ялагдаад буугаад өгчихсөн байсан улс шүү дэ. 5-хан жилийн өмнө буюу 1940 онд Вильгельм Кейтель өөрийн биеэр француудад бууж өгөх баримт тулгаж гарын үсэг зуруулж байсан юм. Байр амархан солигдох юм да.
Мань эр француудыг актад оруулсныг хараад: "Айн?! Эд нар бас биднийг ялчихсан уу?" гэж дуу алдсан байдаг. Зөвлөлтийн тал "Тийм, Франц ч гэсэн ялагч" гэснээр баримт тэр чигээрээ зурагдсан.

No comments:

Post a Comment