Сүнс дээрээс хардаг уу?

Сүнс нь биеийг нь орхиж байснаа буцаж орсон гэх тохиолдлууд хэдэн мянгаараа бүртгэгддэг. Үхээд сэхсэн нөхдүүд өөрийгөө дээрээс нь харсан гэж цөөнгүй мэдэгддэг. Товчхондоо: эмч нар сандралдаж хамаатнууд нь уйлж унжиж буйг сүнс ажиглаж байснаа гэнэт "Нофщ! Индүүгээ залгаатай орхиж!" "Ер нь болилоо" гээд биетэй эргэн нэгдсэнээр баатар амь орсон болж таарч байгаа юм.
Нидерландын Тархи судлалын төвийн удирдагч Дик Сваабын нэг шавь туршилт хийж. Эхэлж бичиг хэргийн дэлгүүр орж өнгийн (флуоресцент буюу хэт-ягаан туяанд хурцаар гэрэлтдэг) цаас худалдаж авав. Голланд хэл хараалаараа нилээн баянд ордог гэнэ. Цаасаар том үсэгнүүд хайчлаад хамгийн муу муухай гэсэн хараалуудыг угсарч шүүгээнүүд дээрээ байрлуулав. Доороосоо юу ч мэдэгдэхгүй, дээрээс бол анзаарахгүй байх аргагүй. Найдвартай нь дээр гээд бүр хараалын үгнүүдээ гэрэлтүүлжээ.
Клиник үхэлд орчихоод буцаж сэргэхдээ сүнс нь биеэс нь гадагшилсан, дээрээс бүхнийг харсан гэх нөхдүүдээс шүүгээн дээр ямар нэг юм байсан гэж хэлсэн нэгч хүн гараагүй байна. 
Тэгэхлээр: клиник үхэлд орогсод худлаа бурсан, эсвэл сүнс маш ариун тул хараалыг ойлгодоггүй гэсэн хоёрхон дүгнэлт гарч байна.