Казах ард түмэн

Өчигдөр лалын шашинтнуудын Ураза-байрам нэртэй баяр болсон. Би хөдөөнөөс ядарч ирээд блогд бичлэг оруулж чадалгүй унаад өгсөн, уг нь өчигдөр нийтлэгдэх ёстой байсан пост байгаа юм. Үүгээр Рамадан сар дуусаж буй юм байна. Баян-Өлгий явж ирснээс хойш лалын баяр ёслол, зан заншил, уламжлалыг бага ч атугай мэддэг болоод байгаа.
2012.08.07. Баян-Өлгий аймаг, Сагсай сум.
Бэсрэг наадмаар үндэснийхээ хувцасыг өмссөн казах залуу бүсгүйчүүдийн зургийг нийтэлж байна. Би хувьдаа хүмүүсийн царай ажиглах дуртай. Хүн болгоны царай нэг түүх, нэг амьдралыг өгүүлэх дахин давтагдахгүй зураг. Бид нэг улсын иргэд, гэвч гарал угсаа, шашин шүтлэг маань ялгаатай. Адилхан түрэг гаралтай тул казахууд болон киргизууд хоорондоо төстэй мэт санагдсан.