12 December 2015

Ялалтын музей. 8-р хэсэг

2014.05.23. Дорнод аймаг, Халхгол сум, Ялалтын музей.
Цувралын өмнөх дугаарууд:
Нэг: Деталиуд 
Хоёр: Ёслолын танхим 
Гурав: Цуглуулга
Дөрөв: Фото зураг
Тав: Буу зэвсэг
Зургаа: Гаднах техник
Долоо: Туг

Үзмэрийн дутмаг байдлаас шалтгаалан манай музейнууд есөн шидийн юм цуглуулж дэлгэж тавьдаг нь гэм биш зан. Сумын атлас, 80-аад оны открытка, шуудангийн дугтуй, дарцаг, энгэрийн тэмдэг, ойн медалиуд, урилга... өөр юу юу ч байгаа юм.
Үргэлжлүүлээд: гар хийцийн танк, их буу, Жуковын цээж барьмал, туг, дарцаг, хадаг, хилийн цэргийн медальон, гэрчилгээ, жаазтай морин хуур.
Амь үрэгдсэн япон цэргүүдийг гоё дүрсэлсэн байгаа. Дайсан гэхлээрээ л үхэхдээ хүртэл алиа байрлалд орох албагүй л дэ уг нь.
Тал цэрэг.
Гар доорх материалаа ашиглаад үзмэр бэлд гэдэг боловч төсөв мөнгө бага хуваарилдаг нь тодорхой. Тиймээс бүрээ, дүрэмт хувцас зэргийг залахаас өөр арга байхгүй.
Ханын сул орон зайг уран зохиомжоор дүүргэж бас болно.
Бас адууны чихмэл хөөрхөн зай эзэлчихнэ.
Эвгүй үзмэр - цөмөрсөн касканууд.
Ялалтын музейн барилга нь зориулалтын, танхимууд нь уужим, үзмэрүүд нь ч давгүй. Суманд байрладаг гэхэд нийслэлийн хэр баргийн музейгээс том. Надад лав таалагдсан. Гэхдээ улам гоё болгох хэрэгтэй. Тухайн үеийн байлдаан тулааны бичлэгийг үзүүлдэг жижиг кино танхимтай, буу зэвсэг тэргүүтэй үзмэрүүдийг нь үзэгчид барьж үзэг л дэ. Музей нь бөөн дурсгал дурдатгалын газар биш, хүмүүсийн танин мэдэхүйг тэлж, түүхийн мэдлэгийг нь нэмэгдүүлэх үүрэгтэй газар.

No comments:

Post a Comment