04 March 2013

WW2 in Color. Part 1

http://www.ww2incolor.com/ гэдэг гоё сайт бий. Түүх сонирходог уншигч байгаа бол үзчихэд илүүдэхгүй. Техник хэрэгслээс илүүтэйгээр хүмүүсийн дүр төрх сонирхолтой. Хувцаслалт, зэр зэвсэг, тоноглол, одон медаль г.м.-ийг нь бас анхаарлын гадуур үлдээж болохгүй. Ингээд энэ удаагийн дугаарт Вермахтын цэргүүдийг авч үзье.
Немцүүдийн цэргийн хувцас үнэхээр гоё. 20-р зууны бүх армиудаас хамгийн таалагддаг дүрэмт хувцас нь нацист германых.
Люфтвафегийн техникийн ажилчид магазин цэнэглэж байна. Сумыг нь анзаарах хэрэгтэй: 2 төрлийнх байгаа. Хуяг цөмлөгч (бронебойный) ба асаагч (зажигательный) сумнуудыг сөөлжилж хийдэг байсан үе. Бүх армиуд ингэдэг байсан.
Сөнөөгч онгоцнууд ихэвчлэн ганц хүнтэй байдаг бол бөмбөгдөгч, штурмовик ангилалынх 2-3 хүний экипажтай. Энэ стрелок-радист буюу холбоочин-буудагч бололтой. Том калибрийн пулемет (зурган дээрх шиг) юм уу бага калибрийн жижиг их буугаар зэвсэглэдэг юм. Сум нь энд бүр сайн харагдаж байна.
Артиллерийн офицер гэж бодож байна. Цэргийнхэн нь SS (Schutzstaffel буюу харуулын отряд гэж махчилж орчуулагдна) болон Гестапогийн (Geheime Staatspolizei буюу төрийн нууц цагдаа) албан хаагчидадтай ихэвчлэн сайн харьцаатай байдаггүй байсан гэдэг.
Уулын анги нэгтгэлийн байлдагч.
Шагналынх нь туузыг харахнаа овоо их одон медаль энгэртээ зүүлгэсэн эр байна.
Миномет болон их буугаар галлах үед амаа ангах юм уу орилж чихнийхээ хэнгэрийг тэлдэг юм. Чихээ дуу шуугианаас хамгаалах түгээмэл арга л да.
Энгийн цэргүүд нь хүртэл сайн тоноглогдсоныг анзаарна уу. Хоолны котел нь оросынхтой адилхан юм.
Усан цэргийн офецер.
Бас л уулын анги нэгтгэлийн байлдагч бололтой. Цасны гялбалтаас хамгаалах нүдний шилтэй.
Өнгөлөн далдалалтын хувцастай офицер.

No comments:

Post a Comment