Хотод хурдацтай тархаж буй шинэ төрлийн сурталчилгаа байнаа. Хулдаасан дээр сурталчилгаа хэвлээд хашаанаас уях нь хэрээс хэтэрлээ. Муухай харагдах зүйл нэгээр нэмэгдэж байна гэж ойлго.
Бага өртөгөөр мэдээллийг олон түмэнд хүргэх шилдэг арга мөн үү гэвэд мөн. Гарах ганц зардал нь хулдаас хэвлүүлэх. Тэгээд цөөн тооны баннер маш олон хүний нүдэнд өртнө.
Хулдаас хэвлэл бол арга ядсан сонголт. Ядаж хуулга байх хэрэгтэй, гадарга дээр бүтнээрээ наалддаг, сарампайрч урагдаж намирахгүй. Хашаа гэлтгүй хулдаасан сурталчилгаа хаа сайгүй болсон.
Энэ үзэгдэлтэй одооноос тэмцэх хэрэгтэй. Орцны манаач жижүүрүүд, дүүргүүдийн ТҮК-ийн ажилчидад ийм сурталчилгааг таарсан газар нь хуу татаж хая гэсэн зааварчилгаа өгөхгүй бол удахгүй бүх гадарга хулдаасаар бүрэгднэ.
Том, дунд хэмжээний хатуу самбарнуудыг тэр тусмаа хулдаасаар биш хуулгаар бүрэх хэрэгтэй. Кемпински мэтийн мөнгөтэй газар гаднаа ийм зүйл хадаж байгаа цагт гэрэл гэгээ мөн ч их хол байна да.
No comments:
Post a Comment