Shit happens цувралаас

Бүтэлгүй явдал хүн болгонд л тохиолддог. Миний хувьд бүтэлгүйтэхгүй байна гэж байхгүй, тогтмол үелзэлтэйгээр ямар нэгэн новшийн байдалд орж л байдаг, түүндээ бүр дасчихсан.
Өчигдөр орой болсон үйл явдал. Би гэртээ 23 цагийн үед ирсэн. Машинд ачаа их байсан тул 2 удаа зөөвөрлөх хэрэг гарсан. Эхний ээлжээ оруулчихаад буцаж гархад лифтчин авгай 1 давхарт лифт зогсоож харагдсан. Би гарч үлдсэн ачаагаа аваад орох мөчид нөгөө лифтчин орцны хаалга хар тэнхээгээрээ түлхэдэг байгаа. Түс тас гээд л явчихсан, торонд байсан архи хага үсэрчихлээ л гэж хамгийн түрүүнд бодогдсон (байгууллагын ёлка-ны архинууд байсан юм, цус гэж). "Та чинь яаж байнаа? Ингэж хүчтэй хаалга түлхэж гардаг нь ямар учиртай юм, цаана нь хүн байж болно гэж боддоггүй юм уу?!" гэж нилээн ууртай хэлээд зөрөөд орцондоо оров. Архи хагарсангүй хэмээн баярласан чинь... цын-цырырын! Хаалганд цохиулах мөч арай хөнгөн тор барьсан гараараа хаалганы бариулнаас барих гэж байсантай давхацсан, тэр гарт маань машины түлхүүр давхар байв. Үр дүн нь энэ:Архи хар мөртэй гэж үнэн юмаа, хэ-хэ. Ээ 3,14z! гэж хараал урсгаж аваад хугархайг нь хайхаар буцаж гарав. Орцны 2 хаалганы дунд эрээд эрээд олсонгүй. Гэрээс запас түлхүүрээ олж аваад тэргээ тавив. Түлхүүрний хугархай архитай торноос олдсон.
Өнөөдөр өглөө Master key төв орсон боловч хаалттай байв. Хүссэн хүсээгүй Зиг-загруу зүглэв. Удирдлагатай түлхүүрний корпус 35 мянга гэдэг юм байна, улаан шулаа.