Мунхагын гай

Манай нийгмийн сэтгэн бодох чадвар, хүмүүсийнх нь оюун ухаан буцаад 19-р зууны түвшинрүү амжилттай уруудаж байна. Хүнд хэн нэгний амаар биш өөрийн бөндгөрөөр сэтгэ гээд оюун ухаан заяагдсан гэж би боддог. Одоо цагт лам, бөө, өөр хэнч хамаагүй нэг нөхөр гарч ирээд есөн шидийн галзуу солиотой зүйл цуурхад л хүмүүс ховсдуулсан мэт итгэчих юм. 1999 онд мянган солигдох мөчид ертөнцийн төгсгөл ирнэ гэж бүлт үсрээд байсан, хаана байна? Зөгнөгсөд - толгой дарааллан худалч луйварчид, хийх юмаа олж ядсан улс. Ийм хүсүүст итгэж гурил будаагаа нөөцөлж, монгол гэрт бүгэхээр төлөвлөж буй бол бүр долоон дор - имбецил гэсэн үг. Дебилизм эмчлэгддэггүйг бас анхааралдаа авчих хэрэгтэй л дэ.

Сонирхуулахад, 7 улсад атеизмыг хориглодог. ө.х. албан ёсны шашиныг шүтэхгүй татгалзах, эсвэл шүтлэгэгүй бол цаазална. Үүнд Афганистан, Иран, Мальдив, Мавритани, Пакистан, Саудын Араб болон Судан орно. Зарим улсад зөвшөөрөгдсөн шашинаас сонгол хийлгэдэг. Үгүй бол паспорт, жолооны үнэмлэх г.м. бичиг баримт олгогдохгүй, эмнэлгийн тусламж авахгүй, их дээд сургуульд элсэж чадахгүй, гадаадруу ч гарахгүй. Ийм улсын жишээ: Малайз. Харин Бангладеш, Египет, Индонези, Кувейт, Иорданид бурхан шашинг доромжилсон зүйл бичих хориотой. Атеист нийтлэл бичлээ - цаазын ял. Энэ бүхний дэргэд манайх чинь ардчилсан, чөлөөтэй сайхан газар байхгүй юу. Тэгээд байхад л мунхаглаад есөн шидийн гаж зүйл шүтэн бишрээд. Инээдтэй ч юм шиг, эмгэнэлэгтэй ч юм шиг. Нохойн толгойг ширээн тээр тавьсан ч ширдэгэн дээр унанаа гэж.