Зөөврийн компьютерийн сонголт

Хүмүүс laptop авах гэсэн юм, аль нь зүгээр вэ гэж их асуудаг. Бүх зүйлийг мэддэг хүн шиг зөвөлгөө өгч би чадахгүй. Хүн мэддэг, хэрэглэж үзсэн юмныхаа тухай л ярих нь зөв.
Миний хувьд Compaq, Dell, HP, Sony VAIO гэсэн 4 нөүтбүүкийг ашиглаж үзсэн. VAIO-г би үнэлсэн. Бараг сүүлийн 2 жил зогсоо зайгүй балбаж байна. Keyboard нь үнэндээ эвтэйхэн. Тус laptop нь гарын ая сайн даана. 2 ч удаа газар санамсаргүй унагасан, аз болж яагаачгүй. Хөдөө ч бай, гадаадад ч бай, бороо шороонд чирээд л явж байлаа хөөрхийг. Sony-той болсноос хойш би desktop computer дээрээ суухаа ч байсан.Ганц дутагдал нь - үнэ. Загварууд нь яг адил үзүүлэлттэй өөр фирмийн laptop-уудаас үнэтэй байдаг. Арай хямд, бас эдэлгээтэй зүйл авах санаатай бол Dell болон Toshiba зүгээр. Эдгээрийн загварууд нь надад ердөө ч таалагдаж байгаагүйг нуугаад яахав. Acer, Compaq, HP, Lenovo, Fujitsu г.м. бусад брэндүүдийг муулах нь хаашаа юм, гэхдээ би л лав сонголт байгаа цагт өөртөө худалдаж авахгүй байх. Тиймээс танил тал, найз нөхөд ийм зүйл асуухад жаахан илүү төлөөд Sony VAIO авчих, харамсахгүй шүү гэж зөвлөдөг.
Apple-ийн MacBook Pro болон Air-ийг ашигладаг хүмүүс ам сайтай байдаг, хэрэглэж үзээгүй болохоор дуугуй өнгөрье.