Ноги генерал

XX зууны эхний хагаст энэхүү фотозураг японы олон айлд хамгийн хүндэтгэлтэй газар нь өлгөөтэй байсан билээ.Онцын зүйл энэ зурганд юу байна? Ахимаг насны гэр бүл л байна. Генерал Ноги сонин уншиж сууна. Дэргэд нь гэргий Сидзуко нь зогсоно. Хүндэтгэлийн хувцас, одон медаль болон ширээн дээрх цацаг бүхий генералын малгайг тооцох юм бол ямар нэг чухал уулзалтанд яваад ирсэн юм уу явах гэж байж мэднэ. Эзэн хааны ордноос ч ирсэн байж мэднэ, микадо-гийн ордонд хунтайж Хирохито-гийн зөвлөх байсан шүү дэ.
Гэр бүлийн хосд зориулсан хөшөө одоо цагт.Гэвч анх хархад энгийн мэт энэхүү зураг япончуудад эмгэнэл дүүрэн түүхийг сануулдаг юм. Их гүрний охид хөвгүүдийг энэ зургаар самурай сэтгэлийн тэнхээ, япон хүний эх оронч үзэлд сургуулийн хичээл дээр нь зааж сургадаг байсан гэнэ.
Үнэн хэрэгтээ гүнтэн (генерал язгууртан байсан) болон түүний эзэгтэй яг үхэхийнхээ өмнө зургаа авахуулсан нь энэ юм. Эмэгтэй гашуудлын кимоно өмссөн, харин генералын гарт буй сонинд эзэн хаан Мейдзи-г үхсэнтэй холбогдуулж хэвлэгдсэн эмгэнэл байгаа. 1912 оны 9-р сарын 13-ны өдөр.
Генерал Марэскэ Ноги нь тухайн үеийн японы цэргийн жанжинууд дундаа хамгийн өндөр нэр төртэй нь байсан. Тэрбээр Порт-Артур-ыг оросуудаас эзэлж авсан билээ. Цайз хот бууж өгөхөд ялагч генералын нэр дэлхий даяар түгсэн юм.Гэвч алс холын 1905 онд энхийн гэрээ зурагдсан хойно генерал эзэн хаантайгаа ганцаарчилж уулзахдаа хорвоог орхих зөвшөөрөл гуйсаныг тэр болгон дурддаггүй юм. Тэрбээр тухайн дайнд хэтэрхий их япон цэргийн амь үрэгдсэн гэж үзэж өөрийгөө энэхүү явдалд буруутгаж байв (япон эх сурвалжаар 60 мянга, оросуудын хувилбар - 110 мянган япончууд амь үрэгдсэн гэдэг). Генералд хорвоог орхих хувийн шалтгаан ч байв. Түүний хоёр офицер хүү нь тус дайнд амиа алдсан. Бүтэн өнчирсөн эцэг эх нь (өөр хоёр хүүхэд нь бага насандаа өөд болсон) алдар нэр, эд хөрөнгө байгаад ч амар амгалан амьдрахаасаа өнгөрсөн байж.
Том нь 25-тай, бага нь 23-тай байжээ. Эзэн хаан генералд суицидын тухай бодлоо мартахыг хатуу тушаасан байна. Самурай болон дэг жаяг ягштал дагадаг хүний хувьд Ноги тухайн үед амиа хорлоогүй боловч 7 жилийн дараа эзэн хаан таалал төгсөхөд амлалт өчиг нь тайлагдсан юм. Эртний уламжлалаар, эзэнтэн өөд болход самурай хүн гашуудаж араас нь явах эрхтэй юм. Дагаад эхнэр нь нөхрийнхөө араас хальж бас болно. Хэдэн зууны өмнө бол үүнийг амиа хорлолт ч гэж үздэггүй байсан.
Гэр бүлийн 2 маань эзэнтнийхээ оршуулганд оролцоод, гэртээ ирээд энэ зургийг даруулав (үр удам нь үлдээгүй юм чинь хааны удам залгах Хирохито хунтайжид зориулсан байх гэсэн таамаг бий). Дараа нь генерал өөд болсон эзэн хааныхаа хөргийн өмнө сөхөрч сууж байгаад гэдсээ хүүлж орхив. Харин эзэгтэй болохоор эгц урдаасаа хоолойндоо хутга зоожээ.
Эх сурвалж: http://borisakunin.livejournal.com/