Франц. Зам зуур

2010.04.23
Франц орноор юу байна?

Ногоон нуга нь цэцэглэсээр.Түүн дээр үхэр нь бэлчсээр.Жижиг тосгонуудад нам гүм амьдрал нь үргэлжилсээр.Тээрэм нь эргэсээр.Зам нь гүйсээр.Франц улс нь хөгжсөөр л байна да, уншигчид минь.

Төгсгөлд нь нэг зүйл. Яагаад хуучин соц. лагерь баруунаас эрс ялгардаг тухай асуудлыг дахин сөхье. Зурган дээрх 5 давхар байшинг ажигла. Тасарсан гоё зүйл энд байхгүй.Байшин бол байшин, манайд буй 5 давхар хрущевка-тай адилхан л материалаар хийгдсэн байгаа. Гэвч трущеба-гаас хамаагүй гоё, цэвэрхэн, тохилог харагдна. Яагаад?
- Орчины тохижилт ерөнхий дүр зурагт нөлөөтэй. Тасганы овооны шороон дунд шил, толь болсон харш босгоод сайхан харагдах уу?
- Жигд байдал. Бүх цонх, тагт нь адилхан. Манайд 1 айлын 3 цонх байлаа гэхэд нэг нь модон, нөгөө нь ваакум, 3 дахь нь болох балкон төмөр тортой байх жишээний. Нэмээд эзэн нь жаахан мөнгөтэй бол байшингийн фасад-ад кондиционер зоож орхино.
- Цонхнууд хоорондоо сөөлжилж байрласан нь нүдэнд аятай харагдаж байна.
- Өнгө. Өнгө маш чухал. Хар саарал байшинг үүнтэй зэргэцүүлвэл сүмийн ч юм уу эмнэлгийн дэргэдэх шорон шиг л харагдна.
Ийм л байна да нөхдөө :-)