07 May 2010

Эрүүл мэндийн байдал. Шинжилгээ

Сонгдо эмнэлэгт шинжилгээ өгөв. Одоогоор хууч өвчин, зовлон зовиур байхгүй бололтой.
179 см өндөр, 84 кг жинтэй. Даралт хэвийн. Хараа сайн, нүдний уг зүгээр. Сонсгол муудаагүй. Уушигны багтаамж нормаль. Ясны сийрэгжилт байхгүй. Ходоод шархгүй, элэг өөхлөөгүй, цөс чулуугүй, нойр булчирхай байрандаа, шулуун гэдэс ургацаггүй, бамбай булчин ургаагүй, хамгийн чухал нь түрүү булчирхай хэвийн. Ганц тааруу гарсан зүйл - шүдний чулуу, но это фигня :) Иймд, байшингийн доогуур явж байтал санамсаргүй толгой дээр тоосго уначихгүй бол нэг бус жил та бүхнийг баясгах төлөвтэй.
Би урд нь цогц шинжилгээ өгч байгаагүй. Өвдөж ч байгаагүй. Төрөхдөө л эмнэлэгт 2-3 хоносон байх. Түүнээс хойш хэвтэж ч үзээгүй. Багадаа өвддөггүй, дандаа гэмтдэг байсан. Хуучин шинэ гэмтлүүдийн хүлээн авахаар бол харин цөөнгүй үйлчлүүлсэн дэ. Тариа, зүүнээс нүгэлтэй айна. Багадаа вакцин хийлгэх гэж л тариулдаг байсан бол одоо шүдээ эмчлүүлэхдээ хааяа мэдээ алдуулагч хийлгэдэг, эсвэл зун харшилдаа хэт дарлуулахаар диксометазон дуслаар судсандаа шахуулах тохиолдол бий.
Ажилдаа "хариуцлагатай" нэг сувилагч намайг цусны шинжилгээ өгөхөөс минь өмнө рентгенрүү явуулаад ганц хатгуулах газар 2 хатгуулахаар л болгочихлоо. Нэг дахь өдөр дахиж очиж цусаа өгөхөөс. Би өөрөө бас хойлогдуу гар, рентген туяа цусанд нөлөөлөх нь илт байхад нядлуулах гэж буй мал шиг заасан зүгт нь явж л байдаг, хэ хэ. Ходоод, шулуун гэдсээ дурандуулахдаа айгаад унтуулгатай орсон тул хүссэн хүсээгүй судсандаа зүү тавиулсан. Унтуулга чинь амар юм байна, тариа хийлгээд л нэг сэрхэд бүх зүйл дууссан.
Өчигдөр орой болон өнөөдөр хар үүрээр туулга уугаад. Муухай амттай гэж жигтэй. Дотор бэлбэгнээд хэрэг байхгүй, огиулаад л. Орой нь 3 литр, үүрээр литр гаруй ус гүзээлж дотроо цэвэрлэсэн. Өчигдөрийн 14 цагаас өнөөдрийн 15 цаг хүртэл юу ч идсэнгүй. Гадуур явж байсан бол тоохгүй л дэ, гэртээ сууж байж юу ч идэхгүй байх чинь там юм байна.

2 comments:

  1. hi eruul saruul humuus bas bus bgaad nibayarlaj bnaa;) minii naiz tum bum naslaarai, esli tebe konechno ochen' hochetsya ;)... Songdo-d hed honogoos ochij shinjluuleh gej bga... bas yu gej garah bol doo geed l suuj bna shd ;) Eruul bied saruul uhaan

    ReplyDelete
  2. Hey guys Songdo unegui shinjilgee hiigeed baigaamuu? yu bolood gev genet bugdeeree shinjilgee ugood ehlev? ter hodood duranduulahiig chin olon udaa duranduulj bailaa. bas l evgui shuu anh uzehed daraa n gaiguiee shlankiig n gants ogiod l guilgechihdeg shd. harin ter nariin gedes chin evgui dee. neg naiziigaa zugeeree geed zorigjuulaad oruulsan chin udaj udaj emchiin uroonoos asar muuhai tsaraitai hun garch irsen. Hamgiin gol n amaa bish ar talaa darj garch irsend baigaa yum. zuv zugeer baij baigaad ongon halisaa tsooluulchihlaa geed l ugleed baisan daa daraa n wahahaha. :) . PS: Bidniigee olon jil bayasgaarai :)

    ReplyDelete