Хотыг чимэглэх талаар

Хот өнгө үзэмжээ нэмээсэй, нүд баясгаасай гэж би байнга боддог. Зөвхөн УБ ч биш. Дархан, Эрдэнэт, Чойбалсан г.м. бүх аймгийн төвүүд. Сумын төвүүд Сэлэнгийн Цагааннуур шиг цэвэрхэн болоосой. Хотоороо оршин суугчид нь зугаалах хүсэл төрөх хэмжээнд болвол хичнээн сайхан. Үгүйдээ автобусны буудал, гудамж талбайг өнгө үзэмж сайн, хүмүүсийн танин мэдэхүйг өргөжүүлэх, сонирхолтой зүйлс чимдэг байх хэрэгтэй.
Хотын өнгө зүсийг гутааж буй зүйлсийн нэг - хашаа, барилгын муухай хана. Тэр тусмаа шинэ баригдаж буй барилгын хашаа. Том барилга 2 жил баригдлаа, 2 жил үзээрийн хашаа хүмүүсийн нүдэнд өдөр бүр өртнө. Ер нь гэр хорооллын хашаа байсан ч хамаагүй чимэх л хэрэгтэй. Эсвэл энд тэнд жирийн шохойгоор бичдэг том том самбарнууд байрлуулж болно. Хажууд нь шохой хаячихна биз. Автобусны буудал дээр ч юм уу үзвэрийн газрын гадна. Хүмүүс сул жаахан зогсох газарт л байхад хангалттай. Иргэд юу дуртайгаа бичиг.
Жишээнүүд:
Before I die... Үхэхээсээ өмнө амжуулах санаатай зүйлээ бичих самбар.
Looking for love again. Дурдатгал дурсамж, ирээдүйн төлөвлөгөө бичээд үлдээ.
Би дээр нийтэлж байсан хүслийн мод байсан ч болно.
Бас нэг жишээ. Хэдэн жилийн өмнө Нью-Йоркд дизайнер, зураач Майя Баркай бүсгүй хот хотын гэрлэн дохионы ногоон хүмүүсийг цуглуулж хашаа чимэглэсэн юм.
2010 онд энэ санааг Перьм хот авсан нь энэ.