Цэцээ Гүн - 2011

UPD 2011.05.10 23:10
Мэдээллээ ирүүлсэн дарааллаар бүртгэлийг хөтөлж байна:
15. Амарсанаа, эр, 30, офис менежер
16. Энх-Амар, эр, 28, боссчин
17. Монголхүү, эр, 28, халбага шидэгч
18. Баттулга, эр, 30+, программист
19. Ueda, эр, 50+, JICA-гийн мэргэжилтэн
20. Оюунтуяа, эм, 29, орчуулагч
21. Цолмонтуяа, эм, 29, орчуулагч
22. Индра, эм, 30+, санхүү санхүүч
Одоогийн байдлаар 22-1=21 хүн бүртгэгдэж. Цагаа тулахаар алга болчихгүй бол хамаагүй л дэ, олуулаа тусмаа сайн. Чоно нохой таарвал амьд үлдэх магадлал өндөр.

UPD 2011.05.10 10:30
10 дугаартай Зуундарь ажил гарсан, явж амжихгүй гэж мэйл илгээж.
ЗБ машин унаа, маршрут, зөвшөөрлөө мэдэж байгаа.
11-ний оройн 6 цагаар бандан тас. Ирнэ гээд ирсэн бол сайн. Ирнэ гээд ирээгүй, ирэхгүй гээд ирсэн, цагаасаа хоцорсон - цөм ойлгомжтой (_|_). Хүлээж барьж шальчигнахгүйг мэдэх байлгүй дэ. Нартай өдөр байх төлөвтэй, гэвч уулаар цастай байсаар байна.UPD 2011.05.09 10:50
13. Л.Дашравдан, эр, 32, хуульч
14. Ц.Сэргэлэн, эр, 33, банкны эдийн засагч

UPD 2011.05.05 15:10
За тэгэхээр ийм байнаа нөхдөө.
Хонохгүй. 14-ний бямба гаригийн өглөө эрт 6 юм уу 7-гоос хөдөлнө. Зайсангаас алхвал амжиж өдөртөө ирэхгүй. Иймд Хүрэлтогоотоос явцгаана. Бүртгэл 11-ний өдрийн 18 цагаар дуусгавар болно. Наана нь нэрээ татах нь татаад, нэмэгдэх нь нэмэгднэ биз. 11-нээс хойш оролцогч нэмэхгүй, хасахгүй. Бүртгүүлчихээд мурисан гар юу билээ? Яг зөв - (_|_).
Машин тэрэгний тооцоог ЗБ хийж байгаа. Мөн зөвшөөрөл авах ёстой.
12. Jacqueline, эм, англи хэлний багш, 30+ (2009 онд нэг Шинэ Зеланд залуу явж байж билээ)
Архагууд бүртгүүлэхгүй бүгэж байх чинь, хэ хэ.

UPD 2011.05.04 11:50
11. Н.Сэргэлэн, эм, машинист, 29
Миний хувьд хоносон хоноогүй ялгаа алга. Хонох бол майхан, мешок чирнэ, мөн хүнсний хэмжээ нэмэгднэ. Майхан хөнгөн санагдахгүй дэ. Мөн хонохгүй явах бол Зайсангаас авираад бүтэхгүй. Ямар ч тохиолдолд эрт хөдөлсөн нь хожно. Хотоос 6 гээд гарсан ч яахав дэ. Нар өндөрт гархаас өмнө ойд орохоо бодох хэрэгтэй. Ондоо амаар өгсөх бол буухдаа яг л тэр амруугаа буухгүй бол Богд уул чинь битүү хашаа болсон. ЗБ одоо хар толгойгоороо шийдээ гаргаа. Мөн огноогоо одоо тодорхой болго. Миний хувьд "всегда готов!".
UPD 2011.04.30 19:20
Мэйл ирсэн.
10. Д.Зуундарь, эр, эдийн засагч, 23

UPD 2011.04.29 16:20
Би танилцацгаа гээд зохион байгуулагчийн өнгөрсөн жилийн зургийг хуулсан. ЗБ маань "Ямар ч ядарсан зураг тавьчихаав дэ?" гэхээр нь амарч буй зураг нийтэлж байна. 2009 оны аялалын кадр байгаа юм. 2 зурагнаас юу ажиглагдаж байна? Цаг хугацаа өнгөрөвч Ууганаа зомби шиг өөрчөлгдөхгүй байгааг ажиглаж болно :) UPD 2011.04.29 12:30
Одоогоор бүртгэгдсэн хүмүүс:
1. М.Ууганбаяр, эр, программист, 33
2. П.Ганзориг, эр, программист, 32
3. Б.Намсрайжав, эм, уурхайчин, 32
4. Т.Түмэнжаргал, эм, няглан бодогч, 28
5. Г.Төмөрөө, эр, нягтлан бодогч, 33
6. Б.Одбаяр, эм, өрөмчин, 32
7. С.Долгормаа, эм, боссчин, 31
8. Б.Ариунболд, эр, САИнженер, 30
9. Б.Бүрэнзаяа, эм, менежер, 28

Зарим хүнд сонирхолтой байж мэдэх пост-ууд:
2009 он: Хүрэлтогоот, амралт, австрали эр, оргил дээрээс, macro, хадны бичиг, ой мод, хад.
2010 он: Цэцээ гүн, Залаат, самарчид, хадаг яндар, цуглуулга.

2011.04.27 11:53
За нөхдөө. Нэг мэдсэн хавар цаг ирж цэцэг ногоо цухуйж эхэлжээ. Энэ жил 5 сард Цэцээгүн, 7 сард Хагийн хар нуур явах санаатай байгаа. Эхний жилийн аялалыг би зохион байгуулсан, 2010 онд - Энхбат. Энэ жилийн зохион байгуулагч - Ууганбаяр.
Сая надад ЗБ-аас зарлал ирснийг тэр чигт нь нийтэллээ.

Сайн байцгаана уу?
Ганзо79 блог-оос зохион байгуулагддаг уламжлалт Цэцээ Гүн явган аялалыг энэ удаад 3 дахь жилдээ дараалан зохион байгуулах гэж байна. Явган аялалыг энэ оны 5 сард зохион байгуулах төлөвлөгөөтэй байгаа бөгөөд өмнөх жилүүдийн явган аялалын талаарх мэдээллийг энд дарж үзнэ үү (2009, 2010). Явган аялалд нас хүйс, шашин шүтлэг, ажил мэргэжил харгалзахгүй бөгөөд жилээс жилд оролцогчдын тоо нэмэгдэж байгааг дуулгая.
Би хүн танихгүй мэдэхгүй гэж санаа зоволтгүй бөгөөд ирээд танилцаад аялалд оролцох бөгөөд хувийн бэлтгэлийг хангахаас өөр татвар хураамж авахгүй сайн дурын явган аялал гэдгийг хэлье.
Аялалыг 5 сард өдөр судар, цаг агаар харж байгаад зохион байгуулах бөгөөд оролцох сонирхолтой улсууд яг таг оролцоно гэсэн амлалттайгаар бүртгүүлэхийг зөвлөж байна. Учир нь эндээс хөдлөх унаа тэргийг зохицуулах ажил гардагийг мэдэх байхаа.
Аялалыг энэ жил Зайсангийн амнаас эхлүүлэх төлөвлөгөөтэй байгаа тул алхалтын зам хол бөгөөд цаг их орох хүндэвтэр аялал тул хонуутаар явах санал дэвшүүлж байна. Урьдчилсан төлөвлөгөөгөөр аялалыг 5 сарын 14-15-нд зохион байгуулахаар төлөвлөж байна. Тухайн үед цаг агаарын таагүй мэдээтэй байвал хойшлуулж болох талтай.
Оролцох улсууд санаа бодлоо бичээд өөрийн нас, хүйс, мэргэжил, нэрсээ бичиж үлдээнэ үү.
Зохион байгуулагч М.Ууганбаяр (vodka_uu@yahoo.com)

Ингээд зохион байгуулагчтайгаа танилцацгаа.