31 March 2009

Эвэрний тайлбар

Сая Завхан аймгийн Нямдаваагаас хэдэн өдрийн өмнө тавигдсан "Эвэр" мэдээллийн тайлбар ирлээ. Ямар нэг завсаргүйгээр тэр чигээр нь нийтэллээ:

Завхан аймгийн Баянтэс сумын төвийн араар урсдаг Тэсийн голын эрэгт мөнхийн ногоон гацуур, хуш зэрэг мод их хэмжээгээр ургадаг. Голын эргээр ургасан ойн дунд нэгэн гацуур модонд дээрх ясан эвэр ургасан байдаг. Энэ эвэрний талаар албан ёсны тайлбар, шинжлэх ухааны судалгаа одоохондоо байхгүй бөгөөд 1970-аад оноос нутгийн Цэвэг гэдэг нутаг усандаа нэр хүндтэй лам хүн ойр орчимд нь нутаглаж байхдаа анх олж харан далдуур шүтэж ирсэн байна. 1990-ээд оноос хойш нутгийн иргэд бүгд мэддэг болж өргөн дэлгэр шүтэж байгаа юм байна. Модноос ургасан ясан эвэр жил ирэх тусам модноосоо шим тэжээл авч ургасаар л байгаа болно. Уг эвэрийг иртэй зүйлээр хусаж үзэхэд яг л амьтны эвэр шиг яс байдаг юм байна.Мөн модтойгоо маш сайн барьцалдаж ургасан байдаг бөгөөд олон жил болоход яг л амьд амьтаны эвэр шиг огт өнгө зүсээ алдаагүй байсаар байгаа юм байна. Сонирхож буй хүмүүс Завхан аймгийн Баянтэс суманд очиж үзэж болох бөгөөд сумын төвөөсөө 3 хан км газарт Тэсийн голын үзэсгэлэнт мөнхийн ногоон шугуйд байдаг юм байна.

4 comments:

  1. ih sonirholtoi ed bna, minii sanahiin bayantes choin hamgiin hoid taliin sum bh aa

    ReplyDelete
  2. Modond avaachaad naachihsan ed bish biz?!

    ReplyDelete
  3. Эвэрнээс нилээн чанга татаад үзэх хэрэгтэй гэж бодож байна :)

    ReplyDelete
  4. sain baina uu. Bayantesiin hvv bna aa. Ganzo mini tataad salgana gewel sachii chine hvrehgvi tegsen ch hamaagvi oroldood hereggvi. ewertei modnii delgerengvi zurag ntriig vzehiig hvswel http://bayantes.blogspot.com/2011/01/blog-post_4869.html ene hayagaar orood vzeerei

    ReplyDelete