Буяны үйл

Хүн энэ хорвоод нүцгэн ирсэн шигээ нүцгэн буцна. Даахгүй нохоо булуу хураана гэдэг шиг дааж давшгүй эд хөрөнгө хүнд огт хэрэггүй. Мэдээж гуйлгачин байж бас болохгүй. Алтан дундажийг л олох хэрэгтэй. Гэхдээ энэ пост үүний тухай биш л дэ.
30 гарлаа. Дотны гэж болох найз нөхдөөс минь 2 ч хүн өөд болсон. Цаашид ч жагсаалт аривжих нь тодорхой. Яагаад ч юм нас нь 50 гарсан хүний араас харамсах нь арай бага байдаг. Яг үе тэнгийн хүн өөд болохоор л муухай эвгүй. Гэр оронгоор нь буяны үйл гээд орход ч эвгүй. Саяхан хамт байсан хүн жаазнаас хараад л. Яг тийм үед та нарт юу бодогддог вэ? Миний хувьд: 3,14z, хэзээ нэгэн цагт миний зураг ч гэсэн жаазлагдах байх да, амьдрал ч хогийн эд юм да, хойд нас байхгүй нь тодорхой, сүнс байдаг байж болох талтай, гэвч тэр надаас хамааралгүй зүйл гэсэн шүү философи сэдэвтэй юм бодож сууж байгаад гарангуутаа мартдаг.