Спасение мира. Часть 1

Чернышевын ЖЖ дээр сонирхолтой сэдвээр явагдсан брэйнштормын коспектийн цуврал нийтлэгдсэн байгаа. Товчлоод орчууллаа (нийт 3 хэсэгтэй).Хүмүүс өөрийгөө эвгүй, тэнэг байдалд орохоос үхтэл айдаг. Энэ нь сэтгэн бодож буй хүн бусдаас эмээж өөрийн бодлыг илэрхийлэхгүй болгодог. Гайхалтай шийдлүүд эхэндээ солиорол мэт харагддаг.Олон хүн цуглараад ирэхлээр цөм тэнэгдүү болцгоодог. Янз бүрийн фанатуудыг (жишээ нь хөлбөмбөгийн) санацгаа.
1. Бидэнд хамгийн түрүүнд хэрэгтэй зүйл - Зорилго.
Хичкок макгафин гэдэг шинэ үг зохиосон - энэ нь бүх хүний эрж хайж буй зүйл. Зорилго чинь хэдий чинээ сонирхолтой байна, тархи чинь төдий чинээ хурдан ажиллана.2. Хоёр дахь бөгөөд хамгийн чухал зүйл - Бодлогын нөхцөл, даалгавар.
Та бодлогыг хэрхэн зохионо, түүнд харгалзах шийдвэрт хүрнэ.
Нэг жишээ авч үзье: 1+2+3+4
Та бараг бодолгүй хариуг олно: 1+2+3+4=10
Анхааралтай харвал зүүн болон баруун тал нэг зүйл гэдэг нь мэдээж анзаарагдна.
Бодлогын шийдэл бүхлээрээ нөхцөлдөө байсан байна.
Ингэхэд 1+2+3+4 нь 10-тай тэнцэхгүй тохиолдолд сонирхолтой дүгнэлтүүд урган гарна.
Тухайлбал: мөнгө төсвөөс гаргадаг боловч олигтой зам баригддаггүй. Энэ үед тэнцэтгэлийн аль талыг эргэлзээтэй гэж үзнэ, тэндээс өөрийн тань үзэл бодол тодорхойлогдно.
1+2+3+4 хэсэг эргэлзээ төрүүлж буй бол та романтик (Эзэн хаан сайн, түшмэлүүд муу. Тэд л замд нь будилаан хутгадаг). 10 гэсэн хариулт эргэлзээ төрүүлж байгаа бол та циник (бүгд хулгайч нар). Харин тэнцүүгийн тэмдэг сэжиг төрүүлж буй бол та реалист.
90-ээд оны эхэнд улс орон хямраад олон найз минь ажилгүй хоцорсон. Ямар ч мөнгөний эх үүсвэргүй. Хэдүүлээ нийлээд бодоцгоосон - цааш яах вэ? Эхэлж хэн юу сайн мэддэг, хийж чаддаггаа тодорхойлов. Хагас цагийн дараа цөм орос хэлнээс өөр зүйлгүй болж таарав. Энэ үед бодлогын даалгаварт "мөнгө" гэсэн хувьсагчийг нэмэв (одоо хэнд мөнгө байна?). Ингээд тэд гадаадуудад зориулсан орос хэлний анхны курсуудыг нээцгээсэн юм.
Хүн төрлөхтний өмнө тулгараад буй асуудлуудыг хялбарчилаад үндсэн 2 бүлэгт хувааж болно.а) техногенний асуудлууд: хүрээлэн буй орчны бохирдол, цэвэр усны гачаалал, ашигт малтмалуудын нөөц, цөлжилт, ой модны хомсдол буй г.м.б) нийгмийн асуудлууд: ганцаардалт, хар тамхи, авилгал, хэт үндсэрхэг үзэл, терроризм г.м.

Асуулт №1
Орчин үеийн ертөнцөд танд юу огтхон ч таалагдахгүй байна? Юуг өөрчилмөөр санагддаг вэ?
(Чин үнэнээсээ хариулахаас нааш та мэдээж асуудлыг шийдэх гарцыг олохгүй)

Үргэлжлэл бий.