Блогууд

2 блог:
1. Олег Тиньков. Оросын томоохон бизнесменүүдийн нэг: http://olegtinkov.livejournal.com/
2. Евгений Касперский. Антивирусыг зохиогч: http://e-kaspersky.livejournal.com/
Хааяа нэг сонирхолтой зүйл нийтэлдэг л юм. Ноль-оос эхэлж өнөөдөр багагүй амжилтад хүрсэн хүмүүсийн үзэл бодол, амьдралынх нь тухай мэдээлэл сонирхолтой шүү дэ.
Монголын бизнес эрхлэгчдээс блогтойг нь мэдэхгүй биз?
Монгол газарын Мянганбаяр ч юм уу Женко Баттулга блог нээвэл багагүй уншигчидтай болох биз. Ингэлээ гээд муу зүйл байхгүй, харин ч өөрийн бизнесийг хальт сурталчилаад, өөрийн үзэл бодлоо сонин хэвлэлээр дамжуулахгүй олон түмэнд шууд хүргэнэ.
Ингэхэд хөөрхий Мянганбаярыг хүмүүс сонин хэвлэлээр янз бүрээр дуудах юм. Хаана ямар хүүхэнтэй орооцолдож явсан нь надад ерөөсөө сонин биш. Их хэмжээний өр зээлтэй, хугацаа хэтрэлттэй бол мэдээж тааруу байна. Гагцхүү мань эр гадаадын хөрөнгө оруулалтаар бус зөвхөн өөрийн хүчээр хөл дээрээ босож байгаа нь, мөн (хэрэв үнэн бол) уурхайнууддаа хятадуудыг биш зөвхөн монголчуудаа ажиллуулдаг нь маш сайн үзэгдэл. Ажлын байрыг нэгээр ч болов нэмэгдүүлж буйг буруутгах аргагүй. Хувь хүний харьцааг нь мэдэхгүй юм, танилцаж барьсан биш.