Wednesday, August 3, 2016

Хуурамч дурсамж

Хүнтэй яриа өрнүүлэх явцад болоогүй үйл явдлыг болсон мэт хальт дурсахад цаад хүнд нь хуурамч дурсамж бий болдог. Цаг хугацаа өнгөрнө - нөгөө хүн мэдээллийн эх сурвалжийг мартна, гэхдээ хуурамч дурсамж бол хоцордог. Улмаар бодит байдлыг хуурамчтай хольж хутгах нь энүүхэнд. Сэтгэл судлаачид энэхүү аргачлалыг ашиглах нь элбэг. 15-50%-ийн үр дүнтэй гэж байгаа. 
Нэг туршилтын тухай ярьж өгье: Диснейлэндэд амарч байсан хүмүүст тухайн үеийнх гээд хуурамч танилцуулах материал өгсөн байгаа юм. Тэрхүү брошюрт Bugs Bunny-г амьдаар нь харах ямар гайхамшигтай тухай өгүүлдэг. Дараа нь санал асуулгад оролцогчдоос хувийн дурсамжийг нь асуусан байгаа юм. 1/4 нь паркт Bugs Bunny-тай таарсан хэмээж. 62% нь гарыг нь барьсан, 46% нь түүнийг тэвэрсэн, бүр нэг нөхөр гарт нь лууван байсныг санаж байв. Нэг ёсондоо болсон үйл явдлыг хүмүүс санаад байгаа мэт.
Үнэн хэрэг дээр паркт ямарч Bugs Bunny байгаагүй л дэ. Туулай чинь Диснейн биш Уорнер Бразерзын өмч.

No comments:

Post a Comment