Тайван амьдрал

Ажлаа хийгээд зүгээр тайван амьдарчихмаар байх юм. Баяжиж бурзайгаад, хуримтлал үүсгээд, овоож оцойх гэсэн юм алга. Элдэв халамж татаас улсаас нэхсэнгүй. Ус, дулаан, цахилгааны тариф, татварууд, өргөн хэрэглээний бараа бүтээгдэхүүний үнэ нэмэгдсэн. За яахав, инфляци юм да, үнэ чөлөөлөх процесс явагдаж байна гэж бодоод гүрийгээд л яваад байгаа. 

Засаг өргөн хэрэглээний бараа бүтээгдэхүүнийг тасалдуулчихгүй нийлүүлдэг баймаар байна. Тод жишээ - бензин. Иргэдийг алалцуулж, дараалалд хамаг цагийг нь үрэх нь ариун явдал уу? Өвчтэй зовлонтой, бизнес нь шатахуунаас бүрэн хамааралтай г.м. есөн шидийн асуудалтай түмэн хүн байгаа ш дэ.

Яахаараа төр маань оролцсон юм болгон ингээд дампуурчихдаг юм бэ? Энэ бензиний асуудлаа нэг мөр шийдчихэж үнэхээр чаддаггүй улс уу? Их юм шаардаагүй ш дэ ард иргэд чинь. Зүгээр тайван амьдруулчих асуудал.