G@Hz0p19'$ B10g: 2013.09

30 September 2013

Байр. Нүүр

Нийслэл хотын байрнуудын нүүрэн талыг авч үзье.
Кондийшнээ жигд зоосон байшингууд харьцангуй олширч байгаа.

Угсармалуудыг иргэд өөрсдөө дулаалдаг болж. Байрны СӨХ бүх оршин суугчидаас хөрөнгө татаад дулаалгын асуудлыг нь иймэрхүү маягаар шийдэж өгдөг бол зүгээр.

Хуучин байруудыг хүнд зориулж хийдэг байсны нэг илрэл - орцны цонх. Их гэрэл нэвтрүүлэхээр давхар дамнаж байрлаж буйг анхаарна уу. Цонх хүрээлж будах бас муугуй санаа байна.

Тагтны ийм хаалт - маш зөв шийдэл. Байр шууд өнгө ороод явчихаж байгаа юм.

Харин иймэрхүү зүйлийг л олны нүднээс далд байлгах хэрэгтэй дэ.

29 September 2013

Шашлык

Байгууллага салхинд гарсан юм. Цаг агаар янзын гоё байж таарсан. Хандгайтын аманд нэг өдрийг сайхан л өнгөрөөлөө. Өдөр нь өөрсдөө шорлогоо хийгээд, харин орой нь амралтын газрынхнаар хорхог хийлгэв.

Хоёр мангаалд зэрэг мод цогшуулав. Махаа урд орой нь дарсан байв. Нэгнээс нь болсноо гаргаад нөгөөх дээр нь шорлоод шууд тавихаар.

Гранатовый сок буюу анар жимсний шүүсэнд мах дарж болдог юм байна. Шинээр мэдэж авсан, туршинаа.

Цогон дээрээ ус, пиво-ны оронд давс ч цацаж болдгийг мэдэж авлаа.

Coffee and Milk by Lora Zombie

28 September 2013

Surge. Part 2

Өмнөх дугаар: тыц!
Саяхан хүүгийн төрсөн өдөр болсон. Surge-5 гэдэг загварыг шаналгасаар байгаад авахуулав.

Урд байсан нь 1 болон 4 дүгээр загвар юм гэнэ.

Бидний үе ч яахав - пластмасс, тугалган цэргүүдээр л тоглодог байж дэ зайлуул.

Ченж. Ангилал

UPD 2013.09.28 15:56
Уншигч GanbatD хувилбарууд илгээж: ноолуурын, арьс ширний, түүхий эдийн, төмрийн, модны.
Өөр санаж буй ангилал байхгүй юу?

2013.09.21 17:01

Юу юуны ченж байдаг билээ манайд?
Миний мэдэх: валютын, машины, махны, байрны, ногооны, гурилын...
Цааш үргэлжлүүлнэ үү.

Боксын хуучин плакатууд өнөөдөр сонин харагдна. Боксчид толгойгоо гараараа хаагаагүй, мөрний түвшинд атгаа дээш харуулж гараа цээжнээсээ төө хол барьсан байгаа. Тоглолтын үед тамирчид ихэвчлэн корпуст цохилт хийдэг байсан. Тулаан хэт удаан үргэлжилэх нь энгийн үзэгдэл. Жишээ нь 1897 онд АНУ-д супер хүнд жингийн сүүлийн тулаан 75 раунд үргэлжилсэн байдаг. Үзэгчид удаан хүлээхээс залхадаг байв. Хүмүүст үзүүштэй нокаутууд үгүйлэгдэж, нөгөө талаас хүний гавлын яс тийм ч бас хэврэг зүйл биш. Тухайн үеийн боксчдын хамгийн түгээмэл гэмтэл - хугарсан хуруунууд. Тэр ч байтугай хар хүчээрээ хүний тогойруу цохиод гараа хугалсан, ясаа цуулсан тохиолдлууд ч бий.
Ингээд шинэ дүрэм журмууд боксд орж ирэв. "Боксчид ижил жинтэй, шинэ, сайн чанарын ширэн бээлийтэй тоглоно. Хэрэв бээлий урагдвал шүүгчийн шаардлагаар түүнийг солих шаардлагатай" гэсэн заалт гол өөрчлөлт байсан юм.
Боксчидын эрүүл мэндэд анхаарснаасаа илүү тухайн спортыг үзүүштэй болгохын тулд оруулсан өөрчлөлт. Боксын техник эрс өөрчлөгдөв - ихэнх цохилт одоо их биенд биш толгойд ирдэг болов. Бээлий цохилтын талбайг ихэсгэж эрүү хугалах аюулыг багасгадаг боловч нөгөө талаас нийт цохилтын хүчийг нэмэгдүүлдэг юм. Гар 10-16 унц (1 унц = 18,35 гр) жингээр хүндэрнэ. Ийм гараар байдаг тэнхээгээрээ толгойд цохих нь 5 кг жинтэй модон алхаар 30км/ц хурдтай цохихтой адил.
Бээлий өмсөхөөс өмнөх 100 жилийн турш АНУ-д боксын ринг дээр тамирчин амиа алдсан нэг ч тохиолдол бүртгэгдэж байсангүй. Одоо бол жил болгон 3-4 үхэл. Мэргэжлийн боксчдын 15% тархины ямар нэг эмгэгтэй үлддэг. Сүүлийн 50 жилд 400 гаруй боксчин рингэн дээр амиа алдсан тоо бий.