53 дахь санал асуулгын дүн

Ерөнхийлөгчийн сонгууль - 2017 санал асуулга хаагдаад удаж. Ер нь ханатай л байдаг юм байна:

52-ын дүн, 53 дахь санал асуулга

БЗД-гийн ЗДТГазрыг цагдаагаар хүч түрэн эзлэн авч, нэг нөхөр Засаг даргын өрөөнд заларсан боловч 2 хонолгүй эргүүлээд хусагдсан. Хуучин засаг даргыг дэмжигчид ч гэсэн зохион байгуулалттай эсэргүүцэл үзүүлж байх шиг харагдсан, бодвол дүүргийн АН-ын гишүүд л дэ. Ер нь бол хууль бус томилгоо байсан, тиймээс Су. Батболдын захирамж цуцлагдсан, түүнээс биш Баянзүрхчүүд Пүрэвдаваад хайртай дуртайдаа жагсаад ялчихсан юм биш. Хууль бус үйлдэл таслан зогсоогдож, хууль мөрдөгдсөөн л гэсэн үг.
Энэхүү үйл явлын үеэр "БЗД-т хэний талд үнэн байна?" гэсэн санал асуулга тавигдсан. 
а. МАН-ы буруу. Сү. Батболд болъёо! - 2 (20%)
б. АН-ы буруу. Д. Пүрэвдаваа болъёо! - 0 (0%)
в. Бүгд новшнууд! - 7 (7%)
г. Мэдэх юм үнэндээ алга - 1 (1%)
Бид бүгдийг, бүхнийг үзэн ядаж, үл итгэдэг болсныг илтгэхээр санал асуулга болж дэ, хэ-хэ.

За дараачийн санал асуулга - Ерөнхийлөгчийн сонгууль - 2017. Энэ санал асуулга 2 хэсгээс бүрдэж байгаа. 
1. Сонгуульд хэн ялах бол?
2. Та сонгууль хэрхэн өгөх вэ?

51-ийн дүн, 52 дахь санал асуулга

2016 оны сонгуулиар олонхи болсон МАН-ын ЗГ-ыг уншигчид дүгнэсэн 51 дахь санал асуулгын дүнг танилцуулъя. 
Шинээр бүрэлдсэн ЗГ-ын талаар ямар бодолтой байна гэсэн санал асуулгаар нийт 41 санал ирж. Тэдгээрийг ангилвал:
Өөрөө өөрсдийгөө нэрлээд байгаа Мэргэжлийн ЗГ гэж 1 хүн санал өгч. Энэ нь 2%. Миеэгомбын Энхболдын ЗГ гэж 9 хүн, 21% дүгнэсэн бол мөнгөний хэмээн 15 санал (36%) ирж. Байдаг л барималууд юм гэж 11 (26%), хэн мэдлээ гэж 5 (12%) тус тус санал өгчээ.
ЗГ-ын маань нэр хүнд сайнгүй л байж зайлуул. Одоо ч гэсэн дээрдсэн нь юу л бол гэж бодож байна. Найзууд ичээд Мэргэжлийн гэж өөрсдийгөө цоллохоо байсан юмуу да гэж ажиглагдаад байгаа.

Өнөөдөр БЗД-т өрнөж буй үйл явдлын талаар 52 дахь санал асуулга эхэлж байна. Асуулт: БЗД-т хэний талд үнэн байна? 
а. МАН-ы буруу. Су. Батболд болъёо!
б. АН-ы буруу. Д. Пүрэвдаваа болъёо!
в. Бүгд новшнууд!
г. Мэдэх юм үнэндээ алга.

15-ны асуулт хариулт

Ойрд уншигчидаас асуулт хүлээж авсангүй. Дурын сэдвээр бодол саналаа хуваалцахад бэлэн. Тухайлбал:
- Далдыг хардаг, ирээдүйг зөгнөж хэлдэг хүмүүсийн тухай ямар бодолтой вэ?
- Итгэдэггүй. 99,99% нь цэвэр залилан, хульхидалт гэж боддог.

50-ийн дүн, 51 дахь санал асуулга

2015 оны 11 сард "Үндсэн хуульд өөрчлөлт оруулах нь зөв үү?" асуулга нийтлэгдсэн.
Хариултыг нэгтэгвэл: Нийт 64 хүн санал өгсөн байна. Үүнээс:
а. Зөв. Нэн даруй оруулах хэрэгтэй - 13 (20%)
б. Зөв. Гэхдээ энэ парламент бол дэмий - 17 (26%)
в. Дордуулсан 7 заалтыг л буцаачих - 9 (14%)
г. Юун 5 жил, 99 пидарас вэ? Болъёо! - 12 (18%)
е. Бүх нийтийн санал асуулгаар шийдье - 7 (10%)
ё. Мэдэх юм алга, надад огт хамаагүй - 6 (9%).
Санал асуулгын дүнгээс нодинон жилээс парламентад итгэх итгэл ямаршуу байсныг харж болно. Үр дүнг нь цөм мэдэж байгаа. Санал асуулгад цөөхөн хүн оролцдог ч гэлээ ханатай л дүгнэлт гараад байгаа. 
Энэ удаагийн санал асуулгын сэдэв - Засгийн газар.
Асуулт: Шинээр бүрэлдсэн Засгийн газрын талаар ямар бодолтой байна?
Боломжит хариултууд:
а. Мэргэжлийн
б. Миеэгомбын Энхболдын
в. Мөнгөний
г. Байдаг л барималууд
д. Хэн мэдлээ цус

15-ны асуулт хариулт

Зээг. Шоу өндөрлөх дөхөж байх шиг. 2015 он өндөрлөх дөхөж байх шив дэ.

Багтаад асуух зүйл байвал асуугаарай.

49-ийн дүн, 50 дахь санал асуулга

49 дахь асуулга 5 сард нийтлэгдээд, сар орчим саналаа хураагаад хаагдсан. Тэрнээс хойш зай эзэлсэн байдалтай зүүн дээд буланд өлгөөтэй байсаар өдий хүрсэн. Дүнг нь нэгтгэе дэ, арай дэндүү удаан залхуурлаа. 

Таван толгойн гэрээг одоо байгаагаар нь үзэглэх нь зөв үү? гэсэн асуултанд 37 уншигч дараах байдлаар хариулж:
а. Зөв. Эдийн засаг сөхөрлөө шүү дэ - 11(29%)
б. Буруу. Эх орноо худалдсан ноход - 16(43%)
в. Бүх нийтийн санал асуулгаар шийдье - 4(10%)
г. Надад хамаагүй ээ, мэдэх юм алга - 6(16%)
Дийлэнх нь гэрээнд итгэхгүй байгаа нь эндээс харагдаж байна.

50 дахь санал асуулга чухал сэдвээр явагдна: Үндсэн хуульд өөрчлөлт оруулах нь зөв үү? Хариултын хувилбарууд:
а. Зөв. Нэн даруй оруулах хэрэгтэй
б. Зөв. Гэхдээ энэ парламент бол дэмий
в. Дордуулсан 7 заалтыг л буцаачих
г. Юун 5 жил, 99 пидарас вэ? Болъёо!
е. Бүх нийтийн санал асуулгаар шийдье
ё. Мэдэх юм алга, надад огт хамаагүй
Дуусах хугацаа: ирэх оны 1-р сарын 27.

15-ны асуулт хариулт

Уламжлал ёсоор уншигч олны асуултад хариулахад бэлэн.

Жишээ нь:
- Эдийн засгийн хямрал манайд хэдий болтол үргэлжлэх бол?
- Би эдийн засагч биш болохоор таамаглал л дэвшүүлье. Ямартаа ч 2016 онд нөхцөл байдал төдийлөн сайжрахгүй л болов уу.

15-ны асуулт хариулт

Уншигчийн тавьсан асуултанд хариулахад бэлэн. Тухайлбал:
- Огторгуйн сансар уудамд өөр соёл иргэншил бий болов уу?
- Мэдэхгүй. Тийш очиж үзээгүй. Энд ч гэсэн одоогоор таарсан зүйл алга.

15-ны асуулт хариулт

Уншигч олны тавьсан дурын асуултанд хариулахад бэлэн. Тухайлбал:
А: - Пингвины мах амттай юу?
Х: - Идэж үзээгүй.

48-ийн дүн, 49 дахь санал асуулга

Жилд хэдхэн тооны санал асуулга явагддаг боллоо зайлуул. Залхуураад шинийг оруулалгүй хаячихдаг тал бий бий, буруугаа хүлээнэ. Ингээд 48 дахь санал асуулгын дүнг авч үзвэл:
Асуулт: 2014 он таны хувьд ямар байв?
а. Амжилт дүүрэн, маш сайн 9 (42%)
б. Байдаг л он, хэвийн 5 (23%)
в. Хэцүү жил өнгөрч байна 3 (14%)
г. Тодорхойлоход бэрх байна 4 (19%)
Нийт оролцчийн тоо: 21. Үүнээс эерэг хариулт - 14, сөрөг - 7. Гуравны нэгд нь өнгөрсөн он төдийлөн тааламжтай байгаагүй бололтой.

Энэ удаагийн санал асуулгын сэдэв - хэрүүлийн алим болсон Таван толгойн гэрээ. Иргэн хувийн хувьд юу гэж бодож байна: Энэ гэрээг яаралтай үзэглэх нь зөв үү буруу юу? Бидэнд ашиггүй гэрээ мөн үү? Баттулга Оджаргал хоёрын хэн нь эх оронч, хэн нь урвагч вэ? Энхсайхан сайн ажилласан уу Эх орноо худалдаж байна уу? Та бүх нийтийн санал асуулгыг дэмжиж байна уу? г.м. олон асуудлыг багцлаад
ганц болгов: Таван толгойн гэрээг одоо байгаагаар нь зурах нь зөв үү?
а. Зөв. Эдийн засаг сөхөрлөө шүү дэ
б. Буруу. Эх орноо худалдсан ноход
в. Бүх нийтийн санал асуулгаар шийдье
г. Надад хамаагүй ээ, мэдэх юм алга

15-ны асуулт хариулт

Мартчихгүй бол редакци үе үе 15-ны өдөр асуулт хариултын пост нийтэлдэг ухаантай. Хамгийн хөгжилтэй нь ихэвчлэн хэнч юуч асуудаггүй, ха-ха. Гэсэн хэдий ч уламжлал бол уламжлал - пост алдаг оног нийтлэгдсээр.

Ингээд: 15-ны өдөр уншигчидын асуултанд шударгаар хариулах болно. Сэдэв хамаагүй. Тухайлбал: Хамгийн сүүлд номын санд хэзээ орсон бэ?
Хариул: Ичгэвтэр байна, гэхдээ үнэндээ л санахгүй байна. Оюутан байхаас хойш ороогүй болов уу. Солиормоор юм, 15 жил өнгөрсөн байх нь. Сүүлийн үед номын сангийн үүргийг өөр газар гүйцэтгэж, номыг ч гэсэн өөр төхөөрөмж орлодог болж дэ...

47-ийн дүн, 48 дахь санал асуулга

47-р асуулга бараг хагас жилийн өмнө өндөрлөсөн боловч редакцид дажгүй залхуу нөхдүүд ажилладаг болохоор тэр чигээрээ өлгөөтэй байсаар шинэ оны нүүр үзэх гэж байна. Онд нь багтаагаад үр дүнг нь дүгнэе дэ.

Ямар царигтай төмөр зам тавих нь зөв бэ? - Саналын тоо: 31
а. Өргөн. Улсын бүх ТЗ нэг стандарт байг - 19 (61%)
б. Нарийн. Урагшаа тээвэрлэлт хийж ЭЗ-гаа босгоё - 5 (16%)
в. Алиныг нь ч тавиад хэрэггүй. Хэрүүлээ боль! - 3 (9%)
г. Надад падлий. Юу дуртайгаа тавь - 4 (12%)
Эндээс юу харагдаж байна? Олон хүн урд хөрштэй адилхан царигтай болвол хятадууд орж ирнэ, хамаг эд баялгаа зөөгөөд дуусна гэж эмээж буйг харж болно. Нарийн цариг тавих нь тодорхой болсон. Хятадууд хөрөнгө оруулалт хийнэ. Энэ шийдвэр зөв буруу байсан эсэхийг одоо түүх л харуулах байх да.

Энд нэг инээдтэй түүх санаанд орлоо (түүх ч гэж дэ онигоо). Орост төмөр зам тавихаар болж инженерүүд нь Николай I хаан дээрээ ирээд асууж л дэ:
- В Европе ширина колеи 1435 миллиметров. Нам делать так же или шире?
Орчуулвал: Европт цариг 1435 мм, бид адилхан хийх үү арай өргөн хийх үү?
- Нахуй шире, - гэж эзэн хаан хариулж.
Инженерүүд хааны үгэнд орж Орост 1524 мм буюу Европынх дээр барагцаалвал нэг хуй-г нэмсэн юм шиг өргөнтэй төмөр зам барьсан байна, ха-ха.
1970 онд ЗХУ 4 мм ер нь хэнд хэрэгтэй юм гэж шийдээд царигийн өргөнөө 1520 мм болгосон. Финляндад хуучин оросын харъяанд байхад нь төмөр зам баригдсан болохоор 1524 мм өргөнтэй, тэгсэн оросынх 1520 болчихсон, Санкт-Петербургээс Хельсинки руу хурдан галт тэрэг зорчих хэрэгтэй байдаг. Шийд: энэ чиглэлд зорчидог галт тэрэгний дугуйны өргөн яг голоор буюу 1522 мм байдаг.
За төмөр замын сэдвийг өндөрлөе, энэ асуудал ойлгомжтой, цааш янз бүрийн түүх яриад л байвал яриад л байна.

2. Дэлхийн аваргаар ямар баг тодрох вэ? Нийт санал: 14.
Шөвгийн наймд шалгарсан багуудаас Бельги, Колумб, Коста-Рика болон Франц нэг ч санал аваагүй.
а. Аргентин - 4 (28%)
б. Бразил - 3 (21%)
в. Герман - 3 (21)%
г. Голланд - 4 (28%)
Лидертэй байх нь ялалт авчихар баталгаа биш. Багийн тоглолт, эмх цэгц, хүн болгон өөрт ноогдсон үүргийг сайн биелүүлвэл амжилтанд хүрдэг юм байна гэдгийг бүгд харсан, мэдэрсэн, ойлгосон байх гэж бодож байна. Немцүүд үнэндээ сайн байсан, цом очих ёстой багтаа очсон.

48 дахь санал асуулгаар үдэж буй 2014 оныг өөр өөрийн хувьд дүгнэцгээе. Хувийн амьдрал, эрүүл мэнд, ажил төрөл, мөнгө санхүү г.м. бүх төрлийн үзүүлэлтээр ямар он байв да?Асуулт: 2014 он таны хувьд ямар байв?
а. Амжилт дүүрэн, маш сайн
б. Байдаг л он, хэвийн
в. Хэцүү жил өнгөрч байна
г. Тодорхойлоход бэрх байна

15-ны асуулт хариулт

Уламжлал ёсоор уншигчаас ирсэн асуултанд 15-нд хариулахад бэлэн. Хувийн амьдралаас гадуурх ямарч асуултанд шударгаар хариулна.
Жишээ нь:  Монгол улсын дараагийн ерөнхий сайд хэн болох бол?
Хариулт: Тэр надад ерөөсөө падгүй. Хамгийн муугаар төсөөлж хүнсээ базаах хэрэгтэй гэж бодож байна :)

46-ийн дүн, 47 дахь санал асуулга

46 дугаар санал асуулгын сэдэв ЗЦ-гийн шинэ дүрэмт хувцас байв. Нийт 33 хүн санал өгсөнөөс:
а) Загварын хувьд сонгодог бүтээл болж, зохиогчид одон олгоё - 2 (6%)
б) Сайхан хувцас болж, таалагдсан - 3 (9%)
в) Малгай нь инээдтэй, өнгө нь хар - зун хэцүүднэ дэ - 12 (36%)
г) Үзээрийн загвар, зохиогч - вестерн бага үз! - 12 (36%)
д) Би замын цагдаа байна, та нарыг хараал идээсэй! - 4(12%)
Дүгнэлт: ЗЦ-гийн шинэ хувцас 15 хувьд л таалагдсан байна. ө.х. загвар зохиогч ичиж амьдрах хэрэгтэйг илтгэнэ. Нарийндаа загвар зохиогчийн буруу ч юу байхав, загварыг баталсан нөхдүүд л муу байна.

47 дахь санал асуулгыг шууд 2 сэдвээр явуулахаар шийдэв. Монгол болон дэлхийд хамгийн их хэлэлцэгдэж буй асуудлууд.

1. Ямар царигтай төмөр зам тавих нь зөв бэ?

а. Өргөн. Улсын бүх ТЗ нэг стандарт байг
б. Нарийн. Урагшаа тээвэрлэлт хийж ЭЗ-гаа босгоё
в. Алиныг нь ч тавиад хэрэггүй. Хэрүүлээ боль!
г. Надад падлий. Юу дуртайгаа тавь
Би өргөн царигийг дэмжигч биш, нарийнийг ч бас дэмжихгүй байгаа. Зүгээр өөр тохирох зураг олдсонгүй. Ийм уриалгатай мэйл хэдэн өдрийн өмнө ирсэн юм. Энэ монголын ТЗ-ын албан ёсны байр суурь уу эсвэл хэсэг бүлэг этгээдийн санаачилга уу гэдэг нь сонин.

2. ДАШТ - 2014-д ямар баг түрүүлэх вэ?

а. Аргентин
б. Бельги
в. Бразил
г. Герман
д. Голланд
е. Колумб
ё. Коста-Рика
ж. Франц

Уншигчид яаж санал өгнө, тэр нь биелэх болно :-)

15-ны асуулт хариулт

Сар болгоны 15-ны өдөр уншигчидын асуултанд хариулна. Жишээ нь:
- Хүний царайг юу хамгийн их чимдэг вэ?
- Гарцаагүй нүд.

15-ны асуулт хариулт

15-ны өдрийн турш уншигчидын асуултанд үнэнчээр хариулах болно.
Жишээ: - Англи хэлэндээ ямаршуу вэ?
- Сайн гэж хэлэхгүй.

15-ны асуулт хариулт

Уншигчидын бүх төрлийн асуултанд 15-ны өдрийн турш хариулахад бэлэн. Жишээ нь:
Асуулт: - АНУ-д цаазын ял авсан гэмт хэрэгтэнд үхлийн тун тарихдаа ариутгасан зүү хэрэглэдэг үү?
Хариулт: - Мэдээж тэгдэг. Тариа тариулах үед тэрбээр эрүүл саруул иргэн шүү дэ.

45-ын дүн, 46 дахь санал асуулга

Бараг 5 сар өлгөөтэй байсан санал асуулга өндөрлөөд 2 сарын нүүр үзэж байгаа.
Дүнг нэгтэгье. Candy crush saga тоглоомыг:
а. Мэдэхгүй, тоглож үзээгүй - 34 (29%)
б. Тоглож үзсэн, таадагдаагүй, одоо тоглодоггүй - 25 (21%)
в. Тоглож байгаа - 33 (28%)
г. Улаан донтон, боломж л олвол үзэлцээд байгаа - 15 (13%)
д. Проф, дуусгачихсан ш дэ мия гаруудаа - 8 (6%)
Нийт санал асуулгад оролцогсод: 115 хүн. Түүнээс тоглож үзээгүй нь 30 хүрэхгүй хувь гэхээр хүмүүс шуугиан дэгдээж буй тоглоомыг их бага ямарваа нэг хэмжээнд тоглож үздэг гэсэн үг. Мөн би албаар энэ санал асуулгын хугацааг урт тавьсан юм. Өнөөдөр уг тоглоомоор тоглогсод хавьгүй цөөхөн байгаа нь тодорхой. Тэртээ 5 сарын өмнө тоглоомонд донтож байсан үеэ дурсаг дэ уншигчид, хэ-хэ.

46 дахь санал асуулгын сэдэв: Замын цагдаагийн шинэ дүрэмт хувцас. Боломжит хариултууд:
а. Загварын хувьд сонгодог бүтээл болж, зохиогчид - одон
б. Сайхан хувцас болж, таалагдаж байна
в. Малгай нь инээдтэй, өнгө нь хар - зун хэцүүднэ дэ
г. Үзээрийн загвар, зохиогч - вестерн бага үз!
д. Би замын цагдаа байна, та нарыг хараал идээсэй!

44-ийн дүн, 45 дахь санал асуулга

Нүд бараг эдгэсэн. Би албаар ачаалал өгөхгүйн тулд өчигдөр өнөөдөр 2 компьютер ширтээгүй юм. Гэхдээ laptop-ын үйлдлийн систем нурчихсан болохоор яалт ч үгүй сая сууж Windows 8.1 суулгалаа. Start товч буцаад гараад ирж.

Үндсэн сэдэвтээ шилжье. Өөрийнхөө ухааныг тодорхойлно уу? гэсэн санал асуулга хаагдаад бараг 2 сар болсон байх. Дүнг нэгтэгье. Нийт санал өгсөн - 54. Үүнээс:
1. Би дундажаас дээгүүр ухаантай 31 (57%)
2. Би дундаж ухаантай 17 (31%)
3. Би дундажаас доогуур ухаантай 3 (5%)
4. Би имбецил 3 (5%)
Дундаж бөгөөд дундажаас дээгүүр гэж дүгнэсэн - 48. Доогуур болон дебил гэсэн нь - 6.
Даруй 8 дахин их байгаа биз. Өөрийгөө ухаантай гэж үзэгсэд хамгийн их буюу 31. Хүн хэзээ ч өөрийгөө голдоггүйн бас нэг баталгаа юм болов уу да. Буруу зүйл энд юу байхав дэ.

Ингээд энэ удаагийн сэдэв - Candy crush saga. Бас л эвгүй тоглоом до, хэ-хэ. Би халуурахгүйн тулд томоотой 5 амиа дуусгачихаад л таблетаа холхон шиг тавьчихдаг. Үе наян хэд дээр л яваа шиг санаж байна. За ингээд асуулт:
Би Candy crush saga тоглоомыг...
а. Мэдэхгүй, тоглож үзээгүй
б. Тоглож үзсэн, таадагдаагүй, одоо тоглодоггүй
в. Тоглож байгаа
г. Улаан донтон, боломж л олвол үзэлцээд байгаа
д. Проф, дуусгачихсан ш дэ мия гаруудаа

Хэн хэддүгээр үе дээр яваагаа коммент хэлбэрээр бичиж үлдээж болно :p