FIFA World Cup 2026

Энэ удаагийн ДАШТ-д жаахан сэтгэл дундуур байгаа. 

1. Олон баг оролцохлоор тоглолтын тоо арай л их болж байна. Өрсөлдөөн сул, нэг баг хэт давамгайлсан тоглолт олширсон. 

2. Зарим тоглолтын шүүлт маш муу байлаа. Шүүх бүрэлдэхүүн мэргэжлийн бус, сайн бэлтгэгдээгүй гэсэн үг. 

3. Тасалбарын үнэ. Уг нь FIFA тоглолтын тоогоо өсгөж байгаагийнх ядаж билетийн үнийг барих болов уу гэсэн тэгсэнгүй. Цэвэр мөнгө, орлого бодож байгаа нь илт. 

4. FIFA-гийн double standard шийдвэрүүд. Улаан хуудастай тоглогч тоглолт өнждөгийг болиулдаг бол цэвэр бялдуучлал, спортыг үл хүндэтгэсэн үйлдэл. UEFA харин зөв мэдэгдэл гаргасан байна лэ: https://www.uefa.com/news-media/news/02a7-2109c8e9ef81-de5a993db109-1000--uefa-statement-on-the-balogun-case/

Бусдаар бол яахвээ, багууд тоглодгоороо тоглоод, өрсөлддөгөөрөө өрсөлдөөд л явж байгаа. Зооны тоглолтуудыг үзээгүй, хасагдах шатнаас нойроо хугаслан барин үзэж эхэлсэн. 

Дүгнэлт буюу мэдэж авсан зүйлс гэвэл:

1. FIFA биш болжээ. Европын UEFA дэргэд нь хамаагүй нэр цэвэрхэн, хариуцлагатай байна.

2. Vozinha нь дүрээ хувиргасан Gianluigi Buffon байж >_<

3. Манай үеийн баатар.

The Smashing Pumpkins - Thirty-Three

Аудио ном. 5-р хэсэг

UPD 2026.07.03 14:26

Өнгөрөгч хугацаанд:

1. А.П.Чеховын богино өгүүллэгүүдийг сонсов. Лошадиная фамилия, Хамелеон тэргүүтэй ёгт өгүүллэгүүд нь таалагддаг.

2. Варлам Шаламовын "Колымские рассказы". Хүнд хүнд юм их гарна энэ өгүүллэгүүдэд. Монгол хэлрүү орчуулагдсан зарагдаж байна лэ шүү Интерномд. 50-иад оны голдуу үйл явдлууд, Колыма.

3. С.Довлатовын "Зона". Хоригдол биш хуягийн талаас харсан 70-аад оны төгсгөл үеийн лагерийн амьдрал. Ер нь Солженицын, Шаламов, Довлатов гурвын гулаг, хорих ангитай холбоотой зохиолуудыг уншчихад илүүдэхгүй. Алексей Багдасаров гэдэг диктор уншсан хувилбар нь их таалагдлаа. Заримдаа гудманд тэсэлгүй инээчихлээр хүмүүс гайхаж хардаг. 

2026.04.28 11:05

Цувралын өмнөх дугаарууд: нэг, хоёр, гурав, дөрөв.

Өнгөрөгч хугацаанд:

1. Үй Хуа-гийн "Амьдрахуй" зохиол. Зовлон гэж юу байдаг талаар.

2. Түүхч Д.Өлзийбаатарын "Монголчууд" аудионом. 10-аад жилийн өмнө гарч байхад нь машинд сонсож байсан юм. Сая дахиад нэг сонслоо. Ер нь сонсчиход илүүдэхгүй бүтээл байгаа юм.

3. Монгол зохиолчдын өгүүллэгүүд. Зарим нь таалагдсан, зарим нь огт үгүй. 

Балгас

Мэдээ: https://ikon.mn/n/3opk

Энэ бол эмгэнэл. Хүүхдийн цэцэрлэг шүү дэ. Яаж өөдлөх билээ дэ ирээдүйдээ ингэж хандаж байхад. 

Хамтарсан үзлэг хийж яах гэж ч байгаа юм? Ойлгомжтой байна шүү дээ асуудал. Ийм барилга барьсан компанийг үгүй хийх хэрэгтэй. Тусгай зөвшөөрлийг нь цуцлаад, хохиролыг барагдуулаад, нэмэх нь барилга буулгах, талбай цэвэрлэх зардал, шинэ цэцэрлэг баригдтал түрээслэх байрны зардал г.м. бүгдийг нь гаргуул. Барилга хүлээж авсан, явцын дунд хяналт тавих ёстой байсан төрийн албан хаагчдыг өчиггүй хал.

Эрдэнэт. 1985-1989. ГОК

Цувралын өмнөх дугаар: https://ganzo79.blogspot.com/2026/06/1985-1989.html

Энэ удаад уулын баяжуулах үйлдвэрийн зурагнаас оруулав.

Нэг эрийн гурван санаачилга

UPD 2026.06.30 23:09

Гайхамшиг үргэлжилсээр...

2026.06.15 16:43

Ийм нөхөр байдгийг мэддэгчгүй явлаа. Эхэлж Нарансэвстэй боомттой холбогдож гарч ирсэн. Тэгсэн саяхан наадамтай холбогдоод дахиад "од" болов.

Хуулийн төсөл нь дэмжлэг аваагүй. Найз гэхдээ бууж өгсөнгүй.

Түүгээр ч үл барам танилцуулга хийх төлөвлөгөөтэй явж байна лэ.

Юу ч гэмээр юм дээ. Нэг пост санаанд орчихлоо.

obraza net - Солнце

Эрдэнэт. 1985-1989

Интернэтээр хэсэж яваад 80-аад онд Эрдэнэтэд ажиллаж амьдарч байсан орос мэргэжилтний фото-зургуудтай таарсан юм. Сонирхолтой л юм. Эрдэнэт хот жишээ нь ийм байж:

Амар цаг байж дэ. Мал нь бэлчээд л, морио шонгоос уячихаад ажил хөөцөлдөөд явчих жишээний.

Гудамж талбай нь хоосон шахуу, тээврийн хэрэгслийн хөдөлгөөн ч алга.

Эрдэнэтэд хувь хувьсгалаар цөөнгүй очсон. Зурагнууд хаана дарагдсаныг төвөггүй танихаар байна. Цаана нь бас зурагнууд үлдсэн, тэгж байгаад оруулнаа.

Давай на ты - Твоим снегом

Зааварчилгаа

Эмнэлэг дахь зааварчилгаа: https://ganzo79.blogspot.com/2026/05/blog-post_26.html 

Энэ удаад такси дахь:

Martika - Toy Soldiers

Клип болон Eminem-ийн дуулснаар нь өмнө нь нийтлэж байсан дуу.

Бонд с кнопкой - Сидр

Stipendium Hungaricum

UPD 2026.06.17 12:21

Өчигдөр орой бага охины тэтгэлэгийн хариу Tempus Public Foundation-оос ирлээ. Унгар улсын засгийн газрын тэтгэлэгт хөтөлбөрт өрсөлдсөн юм.

Obuda University-д инженерийн мэргэжлээр суралцах нь энэ намраас. Ардын хүүхэд түрүүлж болдог л наадам юм.

2024.08.23 11:06

Дунд охин “Stipendium Hungaricum” тэтгэлэгт хөтөлбөрийн хүрээнд Budapest University of Technology and Economics-д инженерийн мэргэжлээр суралцах болсон. Өчигдөр онгоцонд нь суулгалаа. Бөглөрөлд 3 цаг яваад гэртээ орж ирэхэд охин аль хэдийн Бээжинд ирчихлээ гэж холбогдсон. Манай зам бас л гоё шүү :) Одоогийн байдлаар ОХУ дээр нисэж байгаа юм байна.

Мэдээлэл дутуу хүргэх

Мэдээллийн үнэн зөв байдлын талаар өмнө нь бичиж байсан. Энэ удаад мэдээлэл дутуу хүргэж манипуляци хийдэгийг жишээгээр харуулъя.

Өнөөдрийн нэг мэдээ: https://ikon.mn/n/3ob2

Алуулсан зураач ерөөсөө л оросын эрх баригчдын, дарангуйлагчдын карикатур зурдаг байсан мэт ойлголт төрүүлэхээр. Улмаар "оросуудаас өөр хэн алав гэж дэ" гэсэн дүгнэлтэнд уншигчийг түлхэнэ.

Үнэндээ найз Трамп, Зеленский, украины төр засгийг дутахааргүй муухайгаар зурдаг нөхөр байсан юм. Сөрөг хүчин байсан Навальный хүртэл бий.

Анатолий Шарий үнэн бичиж. Оросыг дэмжигч юмуу Путиныг хайрлаж барьсан зүйлгүй, зүгээр аливаа асуудлыг бүрэн бүтнээр нь харахыг хичээх нь зөв юм. Манай мэдээллийн сувгуудын нэг дутагдал нь барууны мэдээг шууд орчуулаад түгээдэгт оршино. 

Дмитрий Марков. Россия в квадрате. Часть 2

Цувралын өмнөх дугаар: click!