Чойжин ламын сүм музей

2018.09.22. Хүүхдүүдтэйгээ музей сонирхоод амжсан.

Сүмийн хашаанд баригдсан тоосгон байшинг хэдхэн өдрийн дараа буулгасан. 

Ойрд энэ музейгээр ороогүй, гоё болсон байна. Гол нь тайлбарлагчид нь. Тэр дундаа төв дуганыг тайлбарласан бүсгүй үнэхээр их мэдээлэл өгсөн. Музей болгон ийм мэргэжлийн тайлбарлагчтай болох хэрэгтэй.

Би хувьдаа нэг зүйлийг сайн ойлголоо: Ганзориг тамд очих нь тодорхой юм байна. Чухамхүү халуун тамд хуваарилагдахнуу хүйтэн тамруу цөлөгдөхнүү гэдэг нь асуудал юмдаа.

Лого харьцуулалт

UPD 2018.09.30 23:03
Монгол хувилбар олдсон.

2017.11.27 01:08
Dr. Dre-гийн Beats electronics-ийн логог олон хүн мэднэ.

Хэдэн өдрийн өмнө барилгын материалын дэлгүүрт British paints гэдэг компаний логог олж харав.

Тэгсэн саяхан Bowen Hills дүүрэгт Direct hotels-ийн төстэй логог илрүүлэв.

wildheartswildsouls

Уран бүтээлчийн инста: https://www.instagram.com/wildheartswildsouls/

Экслибрис

UPD 2018.09.30 09:59
Ямартаа ч ондоо багтаад ExLibris хийлгэнээ. Сийлэх үү, тамга захиалах уу харж байж шийднэ. Гол нь загвар. Нэт-ээс загвар судалж байсан чинь ийм хувилбар хүртэл гарч ирж байна:

2010.03.16 01:15
Владимир Камаев (soamo) хүмүүст захиалгаар номын тамга (ex libris) зурж өгдөг. Жишээнүүдийг харж болно. Надад энэ тамга таалагдлаа.Өөрийн номнууд дээр тамгаа тавих нь тун давгүй санаа. Номны хавтасны дотор талд наалт хэлбэрээр наах юм уу тамгалдаг юм. Манайд номын сангууд 17-р хуудсыг тамгалдаг байсан, бодвол одоо ч хэвээрээ биз.

Номын сан метронд

Москвагийн метронд хөгжимчид 2016 оноос байна уу даа графикийн дагуу уран бүтээлээ толилуулдаг болсон (#музыкавметро). 2018 ондоо багтаад бүх буудал дээрээ виртуал номын санг байгуулж дуусахаар ажиллаж байна (#книгавметро). 

QR код уншуулаад төхөөрөмж дээрээ сонирхсон зохиолоо үнэгүй татаж авна.

Single photo

UPD 2018.09.30 09:01
ЕС АНУ-д хийсэн айлчлалын үеийн фото.

Манайхны төрх "Бушуухан гарын үсгээ зурчихаасай билээ" гэх шиг.

2018.09.16 10:42
Өнөөдөр сонины дугаар.

Энэ зураг хальт харвал олон улсын уулзалт дээр дарагдсан зургуудын нэг мэт боловч хүмүүсийн царай, мимик, үйл хөдлөл, зогсож байгаа барлалыг жаахан анхааралтай ажиглавал ихийг өгүүлнэ. Товчхондоо: бид хаана байна, тэд хаана байна.

Flatworm Penis Fencing

Ялсан бол - аав, ялагдсан бол - ээж.

Петров ба Боширов

UPD 2018.09.2 23:54

Боширов Боширов биш болж таарсан. Руслан Боширов нэрийн дор ГРУ-гийн хурандаа Анатолий Чепига Их Британид зочилсон нь тодорхой боллоо. Найз их сургуулиа онц төгссөн, чечений дайнд 4 удаа томилолтоор ажилласан, ОХУ-ын баатар цолтой гар байна (Крым, Украины хямралын үеэр баатар цол Путинээс авч). Оросууд нууцын зэрэглэлтэй мэдээлэл задруулсан До яамны ажилтнуудыг илрүүлж хариуцлага тооцно гэж байгаа. Англичууд муур хулганаар тоглож байгаа юм шиг л оросуудаар наадаж байна. Нэг мэдээлэл цацчихаад оросууд яахнав гэж хүлээж байгаад тайлбар хийнгүүт үгүйсгэсэн дараачийн порц мэдээллийг түгээгээд. Скрипаль давхар агент байсан, ГРУ-гийн офицеруудыг чухал мэдээлэл өгье гэж уулзалтанд дуудаад занганд оруулсан гэсэн хувилбар оросуудын дунд яваад байгаа. Ямартаа ч хоёр найз будант альбионд нэг орой зад архидаж, биеэ үнэлэгч буудлын номерт дуудаж, шөнөжин хүн амьтан амраахгүй түжигнэсэн байгаа юм.

2018.09.15 02:20
RT-д өгсөн ярилцлагыг нь үзлээ. Надад өмнө нь энэ нөхдүүд Скрипалиудыг хордуулаагүй байх гэсэн эргэлзээ байсан бол одоо эргэлзээ алга. Хоорондоо авцалдаатай, логик хэлхээтэй зүйл нэгч алга байна шүү дэ. Зүгээр энэ хоёр гарын царайг, ярьж байгаа болон биеэ авч яваа байдлыг харахад хангалттай. За тэр "Решили завершить это дело" гэдэг бол тасархай.

Моторын тосны тухай

Маркетингийн аргаар хүний тархийг угаах амархан. Наад захын жишээ: Esso төвд Mitasu фирмийн бүтээгдэхүүн зарагддаг. Мөн УБ Авто Totachi хэмээх брэндийг сурталчлаад байгаа. Судлаад үзэх юм бол эдгээр тос маслыг зөвхөн ОХУ болон дундад азийн зах зээлд (Казахстан, Узбекистан г.м.) худалдаалахаар зориулж гаргасан юм. Компани нь HK-д бүртгэлтэй, штрих кодыг нь цохиод үзэх юм бол Филиппинд савлагдсан болж таардаг, брэнд эзэмшигчид нь оросууд, казахууд гэж бичээд байгаа. Ер нь төмөр канистраас хөгжилтэй улсууд бол татгалзчихсан (дахин боловсруулах өртөг нь пластикаас хэд дахин өндөр болохоор). Миний мэдэхийн хамгийн сүүлд ZIC төмөр савалгаагаа больсон. Mitasu-г муулах гэсэн юм биш, урд нь би хэрэглэж үзсэн - асуудал үүсч байгаагүй. Зүгээр япон бүтээгдэхүүн, япон чанар гэж хэрэглэгчдийг төөрөгдөлд оруулж буй нь буруу үйлдэл юм. Мөн минерал тос өвөл болох гэж байхад мотортоо хийж тэнэгтэв гэж захих байна.

Жуулчлалын чиглэл 2019

Vogue сэтгүүл жуулчлалын 2019 оны гол чиглэлийн нэгээр манай улсыг нэрлэж.

Би-2 - Время луны (Аквариум cover)

Холимог хуурга

Ойрд зав муу байлаа. Орой бөглөрөлд дор хаяж нэг цагийг өнгөрүүлж байна. Ядарч ирээд хоол идэнгүүт тэгээд л шавар бурхан шиг болчих юм, хөдлөхөөс залхуу хүрмээр. За тэгээд ээлжит фото цуглуулга.
Фунтик нэртэй автобусны зогсоол илрүүлсэн.

Улаанбаатар их дэлгүүр архитектурын хувьд үзээрийн барилгын тоонд орно. Хамгийн инээдтэй нь барилга дээр 1639 гэсэн тоог ичихгүй байрлуулсан байгаа юм.

Дүүгийн охины тоглоомууд. 

Хорооллын асрамжийн хашааг Микки маусын толгойгоор чимээдхэж.

Сүү ХК хэдэн автобусанд суудлын бүрээс хийж өгсөн юм шиг байгаа юм. Ягаан өнгийн!

Бага тойрогт нэг хоолны газар олж харсан зураг.

11-р хороолол. Орцны романтик.

Монголчууд. Өлзийбаатар

Нийслэлийн их түгжрэлд энэ цуврал л аминд орж байна.

Орос хэлний ээлжит хичээл

Сурвалжилга арай бүтнээрээ: https://youtu.be/3OtA0JxInkQ

Гол хэсэг:


Шнуров найруулаад амжиж. Найруулаад ч гэж дэ, дууных нь үгийг хэлснийг нь нээгээд болоо:

View this post on Instagram

A post shared by Shnurov Sergey (@shnurovs) on Sep 20, 2018 at 4:28am PDT 

Тэсэлгээний өрөмдлөг

Bluesolar - Believe in Me (Chill Out Mix)

Хоёр гарын үсэг

Би солиотой гэмээр гарын үсэг цөөнгүй харсан. Тэр дунд энэ 2 тусгай байр эзэлнэ.

1. Монголын гаалийн ажилтны гарын үсэг.

2. Цуг ажилладаг байсан Зимбабве улсын иргэний мутар.

Noise2Noise

Гладиаторын тулаан орчин үед

Хэдэн мянган жилийн өмнө гладиаторууд хоорондоо тулалдаж олон түмнийг зугаалцуулдаг байсан бол өдгөө спорт буухиаг нь аваад байна. Бокс, зодооноос илүүтэйгээр хөлбөмбөг орчин үеийн гладиаторуудын тулаан юм. Өнөөдөр юу ажиглагдаж байна? Колизей шиг цэнгэлдэхэд 22 хүн талбайд гарч үхэх сэхэхээ үзнэ.

Prado

Унаа тэрэгтэй холбоотой өмнөх постууд: нэг, хоёр, гурав, дөрөв.
Өнгөрөгч 7 хоногт захиалсан машин маань ирж хөл дүүжлэх унаатай болсон.

Машин нь контейнерт цуг ачигдсан баачкаг хүлээж нэг өдөр алдсан. Нэг өдрийг болохоор Материалимпэкс дээр машинаа авах гэж өнгөрүүлсэн. Өөдлөх айл үүднээсээ:

Монголын гаальд одоо цаг гэж байхгүй, цайнаас өмнө, цайны дараа, маргааш л гэж бий гэдэг яг үнэн, хэ-хэ.
Контейнер задарч буй байдал.

Машиныг дээш нь сойж бэхлэхийн тулд ард гупер (бампер)-ыг нь тайлаад салонд нь хийчихдэг юм байна. Хоёр prius 30, нэг delica d5-тай ачигдаж ирсэн. 

Аккумлятор муу шүү гэсэн мэдээлэл цаанаас урьдчилж ирүүлсэн, тиймээс дараад бол машин асаагүй. Газар дээр нь холбоод ч юмуу хэн нэгний аккумляторыг тавиад асаачихна, дараа нь дэлгүүр ороод аккумлятор авна гэж бодож байсан - ац! Хэнч тусалдаггүй юм билээ, хэ-хэ. Тиймээс дэлгүүр ороод аккумлятор аваад буцаад ирэх нь шулуухан.
Мэдэхэд илүүдэхгүй: японоос ирж буй машиныг сертификат дагалддаг, түүн дээр явсан км нь хэмжилт хийгдсэн огноотойгоо байх болно. Япон гэлтгүй орж ирж байгаа гүйлттэй машин болгонд төстэй баримт дагалдах байх. Дугаар аваагүй тэрэг худалдаж авч байгаа бол энэ цаасыг шалгахад илүүдэхгүй, учир нь манай сайн эрчүүд гүйлт ухраадаг гэж дуулдсан.

Машин сонгохдоо би хэдэн нөхцлийг анхаарсан юм:
1. Санхүүдээ багтах, өр зээл тавихгүй байх;
2. 7 хүний суудалтай;
3. Хөдөө гадаа аялж зугаалах тууцтай;
4. Бензин хөдөлгүүртэй, 92-оор явдаг;
5. Орж ирсэн, гүйлт бага, ухраагаагүй;
6. Сэлбэг нь олдоцтой, эвдрэл бага гардаг загвар.
Ер нь нилээн нухацтай судалгаа явуулсан шүү хөөрхийс.

Энэ дундаас pick-up, 5 суудалтай болон дизель, том бензин хөдөлгүүртэйг нь хасахлаар хэдхэн хувилбар үлдэж байгаа юм. Тодорхой үйлдвэлэгчийн тодорхой загваруудын талаар хэрэглэгчид юу гэж бичиж байна гэдэг их чухал. Тиймээс баахан бичлэг үзэж сэтгэгдэл уншсан. Тойота авбал зүгээр байх гэсэн бодол бас байсан.
Прадо 150 болохоор төсөвөөс хэтэрчихээд байсан юм. 120-ийн 4.0 мотортой хувилбар ч гэсэн чанга тусах юм билээ, гааль дээр илүү хураамжтай, татвар нь их, бензинд ч зарлагатай. Тиймээс сүүлчийн ээлжинд (буюу 2009 оны дундуур) үйлдвэрлэгдсэн 120 дээр буусан. Түүнээс цааш 150-иуд хийгдээд явсан юм билээ.

Дэлгэц нь битүү япон ханз, учрыг нь олох хэцүү. Таамгаар дарсаар ямартаа ч хөгжим бол сонсчихоод байгаа. Заримдаа дэлгэц дээр хас тэмдэг гарч ирдэг:

Тэр нь хааяа нэг бус нижгээд болно:

Сайхан л машин байна, миний хувьд сэтгэл хангалуун байгаа. Дөрвөн дугуй нь элэгдэж, удахгүй сольж таарах байх. Бүх шингэнээ хүйтрэхээс өмнө бас солиулах ажил бий. 

Дугаар авч бүртгүүлэх гэж 5 дахь өдөр Амгаланд өнжсөн. Оношлогоонд орох дараалал хамгийн их цаг үрж байна, бусад нь бас ч гэж учиртай. Дараалал нь: оношлуулаад, наалтаа аваад, даатгуулаад, дугаараа гэрчилгээтэйгээ аваад, татвар дээр очихлоор хэдийг тушаахыг хэлж өгнө, банкинд тэрхүү дүнг тушаагаад эргэж очиж татварын гэрчилгээгээ аваад, номероо цохиулаад, тогтоолгоод, наалт авсан газраа эргэж очиж гэрчилгээн дээрээ тэмдэглэл хийлгээд даатгал дээрээ дахиж нэг очиж гэрээгээ бичүүлж аваад хоёр яс салж байна :)
Японоос дуудлага худалдаагаар машин авбал 45-60 хоногт ирдэг юм байна. Би ирчихээд техникийн зах, зарлалаар жаал машин судалсан юм. Тэгж байтал орос яваад өгсөн. Ирсэн чинь наадам дөхөөд машины үнэ нэмэгдсэн байв. За ер нь захиалсан нь дээр юм байна гээд дүүдээ хандсан. Том машин дээр 2-3 сая, жижиг машин дээр 500 мянгын зөрүү гардаг юм билээ, тиймээс хүлээх цаг хугацаа байгаа бол захиалсан нь дээр. Мэдсэн бол Брисбэнд байхдаа захиалчихаад ирдэг байсан юм, мунхагын ухаан хойноо. Дүү хөөрхий дуудлага худалдаагаас авч өгөөд, нааш тээвэрлээд, гаалийн бүрдүүлэлт хийж гар дээр бэлэн машин өгсөн. Компани нь хөөрхөн хөгжөөд давхар ченжүүдийн машинуудыг оруулж ирдэг болсон байна лэ.

Chevron

UPD 2018.09.13 22:31
Америк баатруудтай хувилбарыг бас оллоо.

2016.05.02 21:04
Одоогийн байдлаар олж харсан хамгийн гоё шеврон энэ байна:

Баатруудыг танихгүй нэгэн байвал киног нь үзэх хэрэгтэй.
Шеврон ганцаар нь оёдог газар байдаг болов уу? Байдаг бол ийм загвараар захиалах юмсан, хэ-хэ.

Хамааралгүй зүйлд орооцолдох

Бидний нэг дутагдал - өөрт хамааралгүй хэрэгт оролцох дуртай. Бүгд уул уурхай, улс төр, эдийн засаг ойлгодог хүмүүс. Өөрөө мэргэжилтэн биш бол эхэлж мэргэжилтэн нь юу гэхийг сонсолдоо. Бас дээрээс нь ядаж байхад хэрэгт дуртай.
Гадныхны биднээс ялгардаг нэг онцлог - хүний хэрэгт оролцдоггүйд оршино. Мэдэхгүй бол дуугуй байна, нөгөө хүн нь тааламжгүй байхад хэл амыг нь сугалчих гээд байцаагаад байхгүй.

Багш нарын тэмцэл

UPD 2018.09.13 00:28
Манай засаг төр нэг зүйл ойлгохгүй байх шиг. Хэдийгээр нүүрс, алт, зэс г.м. түүхий эдийн үнэ өсөөд улс орны эдийн засаг сэргэж байгаа хэдий ч иргэдийн амьдрал бол сайнгүй хэвээрээ байгаа. Аливаа ангийн тэмцэл эхлэхдээ энгийн эдийн засгийн шаардлага тавьдаг юм. 100 гаруй жилийн өмнө: - ажилчидтай хүн шиг харьц; ажлын цагийг 8 болго; цалин мөнгийг нэмэгдүүлж хугацаанд нь олго гэж эхэлсэн хөдөлгөөн юунд хүргэснийг санах хэрэгтэй. Засаг үл ойшоож, басан доромжлох тусам тэмцэл хурцдаж эдийн засгийн шаардлагууд нь улс төрийнхөөр солигддог юм. Энэ бол хууль. Тун удахгүй "Цогзолмаа огцор!" гэж эхлээд цаашдаа "ЗГ огцор!" болж хувирна. Ийм энгийн зүйл ойлгохгүй бол муу байна. Хэлэлцээрийн ширээнд суух хэрэгтэй, хүүхдүүдийн хичээл ном ч хэцүүдлээ.

2018.09.05 08:19
Өчигдөр хүүхдүүд сургуулиасаа 11-ний өдрөөс багш нар ажил хаяад (9 сарын 11-нд террорист акт хийлээ л дэ нөхдүүд) хичээл орохгүйн гэсэн мэдэгдэл авч ирлээ. Багш нарын зөв гэж бодож байна. Учир нь:
а. Өмнөх ажил хаялтын үеэр хэлсэн амалсандаа ЗГ бол хүрээгүй, багш нарыг хуураад өнгөрсөн.
б. Багш хүн сарын 500-600 мянгын цалингаар яаж амьдрах юм бэ? 
в. Ажил хаях юм бол хална гэж занаад байгаа БСШУСЯам, сайд Цогзолмаагийн асуудалд хандаж буй хандлага ердөө таалагдахгүй байна.
Багш бол буянтай мэргэжил. Хэцүү ч ажил. 
ЗГ-т мөнгө байгаа, цалинг нь нэм.

Курилын арлууд

Токио - Москвагийн Курилын арлуудын маргааныг ойлгоход энэ энгийн зураг тусална.

Оросууд "Дэлхийн II дайны үр дүнд олж авсан газар нутгийн талаар маргаан хүлээж авахгүй" гэдэг, япончууд болохоор "Бид бүх арлуудыг нэхээгүй, Итуруп, Кунашир, Шикотан болон Хабомаи арлуудыг эргүүлээд өгчих, тэгвэл энхийн гэрээ байгуулж болно" гээд байгаа.

Тов. Ленин монгол ардын урлалд

Орос сайт дээрээс хөгжилтэй зураг олсон.

"Ленин на пасеке" буюу "Ленин зөгийн талбайд" гэдэг нэртэй монголчуудын уран бүтээл юм гэнэ. Зураач их багшийг ийм байрлалд суулгаж дүрсэлсэн хэмээн хариуцлага тооцуулсан эсэх нь сонин, хэ-хэ. Зураачид уламжлал ёсоор - respect!