Алексей Горшенев - Дорогая

UPD 2015.03.31 13:42


2013.11.07 08:52
Есениний үг.
.: энд ажиллахаа байсан player байв :.

BW

Дэлхийн I дайн. Польши. Оросын 15 мянган олзны цэрэг.

Дэлхийн II дайн. Британий бөмбөгдөгчийн буудагч.

1878 он. Орос цэрэг Стамбулын ойролцоо.

1983 он. Америкийн автомашин үйлдвэрлэгч комданий ажилчид японы Toyota машиныг эвдэж буй байдал.

1953 он. АНУ-ын М65 280мм-ийн цөмийн их буу.

Улс төрч байх

Улс төрч ард олны хүслийг биелүүлэгч байх албагүй. Хэрэв ам нээх тоолондоо "ард түмэн", "Эх орон" гээд цээжээ дэлдээд байвал популист, демагог л гэсэн үг. Улс төрч "жирийн нэг иргэн"-ээс арай ухаантай, алсын хараатай байх ёстой. Өнөөдөр буруу юм шиг харагдах шийдвэр маргааш нь зөв байсан нь илэрдэг, эсрэгээрээ өнөөдрийн зөв зүйл алсад алдаа байхыг аль тэр гэхэв. Тиймээс олны эсэргүүцэл болон дэмжлэгээс шалтгаалахгүйгээр зөв шийдвэр гаргадаг бол сайн улс төрч мөн. Чадахгүй бол тэгээд л ч...га гэсэн үг, хэ-хэ.

Кукрыниксы - Герой

Гоё үгтэй дуу байгаа юм: 
Красной лентой собрана жизнь, 
Встать за кем-то, лучше встать перед ним. 
Откажешься от роли такой — героем не быть, 
Отмажешься от жизни такой — вором быть.

A Taste of Vienna

Пикник - Не в опере венской

Closet Space

Vessels - 4am

Эпидемия - Пьяный разговор

Минусовка:

Илүүдэл жин

Бүдүүн байх нь ичгэвтэр, нүдний булай үзэгдэл биш гэж би үздэг. Хүний организмын онцлог, эрүүл мэндийн асуудал, эсвэл амьдралын хэв маягаас шалтгаалан өөх ихсэхийг аль тэр гэхэв. Эдгээр асуудлуудаа хүн шийдэх боломжгүй, эсвэл завгүй байж болно. Ихэнх мэсийн эмч нарын хөлийн судас бүдүүрсэн (варикозтой) байдаг. Өдөрт олон цагаар мэс заслын ширээний ард зогсож хагалгаа хийсний үр дагавар юм. Илүүдэл жин үүнтэй л адилхан үзэгдэл, ихэвчлэн хүнээс төдийлөн хамаардаггүй юм. Хүнд спортоор хичээллэх зав байхгүй, жимс ногоо аваад байх мөнгө байхгүй бол яахав? Энэ нь тэр хүний л асуудал болохоос биш миний ч юмуу таны асуудал биш. Өглөө гүйж байвал - сайн, чадахгүй байгаа бол тэр л биз, өөрийнх нь л асуудал. 
Бүдүүн хүн харах хэцүү байна уу? Өөр тийш толгойгоо эргүүлээд харахаа л байчих. Мэдээж хэрэг эрүүл чийрэг бие хаа сайхан, үүнтэй хэнч маргахгүй. Гэхдээ амьдрал дээр гоолиг хүмүүс дунд таарах "гахай" шиг нөхдийн тоо тарган хүмүүсийн дундах "гахай" шиг нөхдийн тоотой адилхан л байдаг. Тэгэхлээр илүүдэл жин нь хүний "гахай" байх нөхцөл бол биш байгаа юм. Нэг нь гоолиг бэлхүүсний төлөө юуч хийхэд бэлэн байхад нөгөөх нь юуч хийхгүй буйдан дээр хэвтэхийг эрхэмлэж болно. Хүний бүх зүйл сайхан байх хэрэгтэй юу? Хэрэгтэй, гэхдээ албагүй. Чанга өгзөг хүнийг дүгнэх хэмжээсүүд дунд хамгийн сүүлд л жагсана.

Монгол орноор

2011.04. Сэлэнгэ, Хүдэр.

2011.07. Хэнтий.

2012. Сэлэнгэ, Зүүнхараа.

2012.08. Баян-Өлгий, Сагсай.

2014.05. Дорнод, Халхгол.

2014.07. Баянхонгор, Жинст.

2013.05. Сүхбаатар, Дарьганга.

2014.04. Аглагийн хийд.

2015.06. Өвөрхангай, Бат-Өлзий.

2015.06. Өвөрхангай, Уянга. Ширээт нуур.

Энэ жилийн аялал 6-р сарын дундуур төлөвлөгдсөн байгаа.

History of Rock

Afghanistan - Das Mongolische Kontingent

Бундесверын YouTube сувагт нийтлэгдсэн видео. Манайхан Кундуз муж дахь германчуудын баазын хамгаалалтыг хариуцдаг юм. Дажгүй тохижсон байна шүү найзууд - гэрээ барьчихсан, буузаа жигнэчихсэн, хэ-хэ.


Бас нэг видео.

Duck face

UPD 2016.03.25 14:34
Нэгэнт оройтжээ - халдвар хүүхдийн номонд туссан байна. 

2015.01.05 23:57
Хүн болгонд харахлаар л дотор зарсхийдэг дургуй зүйл байдаг. Миний хувьд дак фэйс гаргаж авахуулсан зураг харахлаар л чих шуугиад, нүд харанхуйлаад явчихдаг.

Заримдаа FB нээгээд "Би ямар нүгэл үйлдсэн гэж ийм зүйл харах ёстой юм бэ 3,14z!" гэж уулга алдмаар болдог. Охид бүсгүйчүүдээ, хичээнгүйлэн гуйж байна - битгий ингэж өөрийн гоо сайхныг гутааж, бусдын нервийн эд эсийг үхүүлээрэй.

Сурталчилгаа таксинд

Оргия Праведников - Вдаль по синей воде

Бельги дахь терракт

Брюссель дахь террактуудыг авч үзье. Террористууд нисэх буудалд ямарч асуудалгүй тэсрэх бөмбөг авч ороод дэлбэлсэн байгаа. Өнөөдөр гар хийцийн бөмбөг угсрах нь асуудал биш болсон, саперын мэргэжилтэй ч байх шаардлагагүй. Угсарсан бөмбөгөө дурын байшин савд авч орох нь ч гэсэн мөн асуудалгүй болчихоод байгаа. Хамгаалалтаа чангатгасан ч энэ нь 100%-ийн баталгаа болж чадахгүй. Террактыг төлөвлөлтийн шатанд нь таслан зогсоохгүй л бол 90%-ийн магадлалтай биеллээ олдог гэж үздэг юм. Бельгийн хүчний байгууллагууд яагаад энэ террактыг урьдчилан илрүүлж чадсангүй вэ? Нэгд, Европын холбоо доторх нээлттэй хил. Нэг улсын хүчний байгууллагууд дотроо уяалдаа холбоотой ажиллах гэж бөөн юм болдог. Хэдэн улс дамнасан нь бүр хүндрэлтэй. Террорист гаднаас нэг улсын хилээр орж ирээд, ондоо улсад бүртгэгдээд, гуравдахь улсад амьдарч байгаад дөрөвдахь улсад бөмбөгөө дэлбэлж болно. Хэн буруутай юм? "А" улсын хилийн алба уу, "Б" улсын цагаачлалынхан нь уу, эсвэл "Г" улсын цагдаа юм юу?  Хоёрт - цагаачдын тоо хэмжээ. Өмнөх амьдралынх нь тухай юуч мэдэгдэхгүй бөөн хүмүүс Европт орж ирсэн. Эрдэмтэн байсан юм уу, сериал маньяк уу гэдгийг нь хэнч мэдэхгүй. Цагаачид ийм их урсгалаар орж ирж байхад чанартай шүүлтүүр, хяналт тавих үнэндээ хэцүү. Цагаачид гэхээр фото зурагт харуулдаг шиг гунигтай харцтай ядарсан хүмүүс тэр болгон байдаггүй. Цагаачид түрэмгийлсэн, шаардсан, дайрч довтолсон тохиолдол захаас аваад олдно. Энд цагаачдын ч буруу бас бага - хүүхэд чинь идэх юмгүй, нэмээд өвчтэй байхад хээр майханд амьдруулах гээд байхад хэн дуртай байх билээ. Нэг үгээр цагаачид дайнаас зугтаж ирсэн үү, дайн авчирч ирсэн үү гэдэг бол нээлттэй асуудал. Гуравт - улс төрчдийн шийрэгнэсэн байдал. Террорист гэж хэн юм, аль байгууллага нь юм гэдгийг одоо болтол тодорхойлоогүй. Дарангуйлсан дэглэмийн эсрэг тэмцлээ гээд автоматаар "энхийн цагаан тагтаа" болчихгүй шүү дэ. Сирийн босогчид дунд Исламын улсаас дутахааргүй фундаменталист нөхдүүд бий. Тэмцлийн хэлбэр нь цэвэр террор бүлэглэлүүд ч байгаа. Эдгээрийг ялгалгүй бүгдийг нь "сөрөг хүчин" гэж үзэх нь буруу. Хэн нэгэн өөр улсад энгийн иргэдийг дэлбэлж л байгаа бол хэзээ нэгэн цагт гэрт чинь ирээд дэлбэлнээ л гэсэн үг гэдгийг одоо л ойлгож байгаа байх. 
Ер нь террорыг дан ганц цагдаа тагнуулын алба илрүүлэх нь хүндрэлтэй. Террактыг вокзал юмуу онгоц буудалд таслан зогсоодоггүй. Түрүүн хэлсэнчлэн бэлтэглийн шатанд нь л арга хэмжээ авахгүй бол хожимдно. Ямарч улс терроризмаас өөрийгөө 100% хамгаалж чадахгүй. Яахав, тухайн улс нь бүрэн тоталитар дэглэмтэй бол хяналт тавихад арай дөхөм байж болох. 
Мөн яагаад яг Бельгийг довтлов гэдэг асуулт бий. 1-рт, Европын нийслэл юм. 2-рт буюу гол зорилго нь - цагаачдад хандах хандлагыг дордуулах. Уугуул иргэд цагаачдаас жийрхдэг, тэдэнд дургуй болно. Нөгөө талаас мөн бельгичуудыг үзэн ядаж эхэлнэ. Энэ нь террорист байгууллагуудад эгнээндээ шинэ гишүүд элсүүлж дахиж дэлбэрэлт зохион байгуулах нөхцлийг бүрдүүлж өгдөг. Франц болон Бельги цагаачдаар дүүрээд удаж байна шүү дэ.
Нэгэнт энэ сэдвийг хөндсөн дээрээ барууны аюулгүй байдлын системийн тухай ярилцацгаая. Барууны орнуудад цагдаадаа сайн ханддаг. Соёлын нэг хэлбэр юм да. Иргэд нь өөрсдийгөө улсынхаа өмнө хариуцлага хүлээсэн гэдгийг арай илүү ойлгодог гэхүү дэ. Тиймээс цагдаадаа тусалдаг, тэдний ажлыг дэмждэг. Тэгээд үүгээрээ бахархдаг. Манайд, хуучин соц лагерьт, тэр тусмаа хойно бол цагдаадаа сайн ханддаггүй. Оросууд бол "мент", "мусор" гээд бүүр үзэхгүй. Цагдаад мэдэгдлээ - бууны нохой, олиошиг. Нийгмийн аюулгүй байдлыг хэнч өөрийн асуудал гэж үздэггүй, "надад падлий" гэсэн өнцгөөс ханддаг. Яг өөрт нь л асуудал тулгарвал цагдаад ханддаг: машин нь мөргөлдлөө, гэрт нь хулгай орлоо - цагдаа. Харин гадаа нь согтуу гарууд нүдэлцээд хутга шөвгө дээрээ тулж байхад цагдааруу залгахгүй - "Ямар манай гэрт алалцаж байгаа биш, шаарнууд нэгнийгээ алвал ална л биз". Гэр хорооллын гудманд сэжиг бүхий этгээдүүд айлууд шинжээд явж байхыг гэр нь тэр гудманд л бол мэдэгднэ, түүнээс биш "би ямар олиошиг биш, мэдэгдлээ гээд цагдаа арга хэмжээ авдаг ч биш, дараа нь эргэж дуудаад лай болно" хэмээн боддог. "Амьд хүний гэрч болсноос үхсэн хүний дэр бол" гэдэг үг хүртэл бий. Харин Европт цагдаад утасдаж мэдээлэх нь энгийн үзэгдэл. Тиймээс цагдаагийн тоо нь харьцангуй бага байдаг. (Линкээр ороод аль улсад 100,000 хүнд хэдэн цагдаа ногдож буйг сонирхоорой. Ер нь улс нь хөгжилтэй байхын хэрээр цагдаагийнх нь тоо бага байгаа нь ажиглагдна.) Тэгсэн мөртлөө гэмт хэргийн илрүүлэлт нь бол өндөр шүү дэ. Бид 70 жилийн турш мэдээлэгч, олиошиг, бууны нохой байх нь ичгүүртэй явдал гэж үзэж ирсэн. Тэгэхээс ч өөр арга байгаагүй, нийгэм нь тийм байлаа. Одоо арай ондоо цаг ирсэн, ондоо ч нийгэм бүрэлдсэн. Сая Бельгид дэлбэрэлт болоход бельгичүүд хүчний байгууллагуудаа буруутгаж чичихгүй байгаа нь ажиглагдсан. Франц ч гэсэн тэгсэн. Хүн бүр ийм явдал болсонд өөрөө ч гэсэн тодорхой хэмжээний буруутан гэж үзэж байгаа болохоор тэр. Энэ бол нас бие гүйцсэн, төлөвшсөн хүний байр суурь юм. Харин ОХУ-д дэлбэрэлт болонгуут цагдаа, До яам, тагнуул, өөр юуч байдаг юм - бүгдийг нь газар дор ортол муулдаг. Муулаад л байна, муудаад л байна, нөгөөдүүл нь ч гэсэн дөжирчихсөн. Энэ бол өсвөр насны хүүхдийн байр суурь юм - нэг ёсондоо "буруу буруу буруу бусдын буруу". 
Бид ч гэсэн ялгаа бага "Би татвараа төлсөн, эд нар төсвөөс цалин авч байгаа юм чинь ажлаа хийнэ биз" гэж ханддаг. Олон зүйл дээр ажиглагддаг шүү. Хог цэвэрлэдэг, тэрнийхээ төлөө цалин авч байгаа хүн байхад ганц чихрийн цаас хаялаа гээд буруудахгүй, тэртэй тэргүй эргэн тойронд битүү л хог байнадаг гэж бодоод л хогоо хаячих жишээний. Иргэнд эрх гэж байхаас гадна үүрэг гэж бас бий шүү дэ уг нь. Тиймээс цагдаад хандаж л байх хэрэгтэй. Нөгөө талаас цагдаа ч гэсэн цагдаа шиг, хүндлэл хүлээхээр байх хэрэгтэй. Тэгэхгүй бол дөнгөж ахлах дэслэгч болчихоод хүн барьж авч мөргөчих гээд байдаг нөхдүүд мэр сэр таардаг. Эрхээ эдэлчихээд үүргээ биелүүлэхгүй, цагдаатай ямарч холбоогүй л бол хөндий орон зай үүснэ. Европт энэ хөндий орон зай нь цагаачид болчихоод байгаа юм. Энэ хаалттай орчноос л ирээдүйн террористууд төрнө. 
Ер нь иргэн ба цагдаа хоорондын харьцааны гурван хувилбар бий л дэ: 1. - Мэнд амоор! гээд камерт орох. Энэ тохиолдолд цагдаа байтугайг үзэн ядах биз. Тэгээд насан туршид "Эрийн муу цагдаа" гэсэн ойлголттой болно. 2. - Хууль бол хууль, дагахгүй бол болохгүй гээд цагдаад тусалж байх. 3. Нүд нь балай, чих нь дүлий буюу одоогийн байр суурь. Юуч болж байсан өөрийг нь хөндөөгүй л бол болоо. Тэгэхлээр алийг сонгох нь өөрийн чинь л ухамсрын асуудал.

BW. ЗХУ, 1970-80 он

Гэрэл зурагчин Владимир Соколаев. Хөгжингүй социализм буюу 70-аад оны эцэс, 80-аад оны эхэн үеийн фотонууд. Найз тухайн үед эдгээр зурагнуудаа дэлгэсэн бол зүгээр өнгөрөхгүй байсан л тодорхой. Томруулаад хүмүүсийнх нь царайг ажиглах хэрэгтэй.

Эртний фото зурагнууд

Алдарт Монценкоп. Энэ үед ч гэсэн тул загасыг барьдаг л байж.

Янжуурын хайрцгийн дизайн нь янзын гоё.

Ордон шиг л байх юм, баганыг нь харахлаар.

Орос монгол хятад гурван удирдагч.

Манай төмөр замыг Власовчууд голдуу барьсан гэдэг. Олзлогдсон л бол автоматаар урвагч болчихдог байсан цаг.

Богд хааны заан.

Машины хамран дээр Louis Vuitton гэсэн байгаа.

Манай нисгэгчид хойно сурч байхдаа. Дүрэмт хувцас нь гоё байж шүү.

Улаан армид агтаар тусалсан иргэдэд ийм үнэмлэх олгодог байж. Эхний мөр нь: германы түрэмгийлэн эзлэгсдэд үхэл!

Улаан цэрэгт морь бэлэглэгсдэд олгох үнэмлэх гэж.

5 төгрөг 60 мөнгөөр "цэвэрлэсэн архи" гэсэн бичигтэй сархад зарагддаг байж.