Бензин

UPD 2026.08.24 14:30

ШТС нь түгээгчгүй улс орон олон. Өөрөө бензинээ хийгээд касс дээр тооцоогоо хийгээд явдаг. Заримдаа бүр касс ч байхгүй карт уншигч байх нь ч бий. Манайд түгээгч ажиллуулж буйг хувьдаа "за яахав дэ, ажлын байр юм да" гэж хардаг. Энэ сайд нь амлаад байдаг, яриад байдаг - нөхцөл байдал сайжирдаггүй ээ. 

Энэ олон хүнийг QR-аар зохицуулна гэж бодоод явж байдаг, өөдрөг л нөхөр юм. Тав дахь өдөр цаг очерлож байж euro-5 стандартын 92 5k-аар авсан. Одоо үнэ буурахгүй, дагаад инфляц гаарах нь тодорхой. Нэг мөр шатахууны үнийг чөлөөлмөөр юм. Их унгасан ч өмхий, бага унгасан ч өмхий гэдэг нь болчихсон хойно. Тэгээд бараг зэрэг цахилгаан, дулааны үнийг чөлөөлөх хэрэгтэй. Хөгжвөл хөгжсөн шиг хөгжиж чадахгүй байгаагаас хойш ядаж хөгжилдвөл хөгжилдсөн шиг хөгжилдөе!

2026.08.18 11:27

Найзуудын группд бичигдэж байгаа зүйл нэг иймэрхүү >_<

Иргэдийгээ емкость газар булах хэмжээнд сэтгэдэг болтол нь "хөгжүүлж" чадаж байгаа төр засаг, шатахуун импортлогч компаниуддаа талархаад ая дууны мэндчилгээ дэвшүүлчихье байз.

Надад хугацаа, героин хэрэггүй, 

Алкоголь, никотин ч хэрэггүй

Тус дэм, кофеин - аль нь ч хэрэггүй

Зөвхөн - динамит! Зөвхөн - бензин!

Найз нөхөд, кокаин хэрэггүй

Эмч болон эм хэрэггүй

Хүүхнүүд ч, вазелин ч хэрэггүй

Зөвхөн жаахан нитроглицерин!