G@Hz0p19'$ B10g

11 April 2026

Delkhii. Baga Toirog Live Session

AI каверууд

AI эрчимтэй орон зайгаа тэлж байна. Цаг үе, хэлний зааг хязгаар ч алга болж байх шиг. Сая Kanye West Юра Шатуновын "Седая ночь"-ийг дуулсныг олж сонслоо.

Billie Eilish "Городок"-ыг дуулсан бичлэг түрүүхэн нийлтэгдэж байсан. Тэгсэн "Прекрасное далеко"-г бас дуулуулж.

Монголчууд дутах юм алга. Сая хөдөө явж байхад жолооч машиндаа дуу тавьсан юм. Өвөрмонгол юмуу гэмээр аялгаар "Чандмань эрдэнэ"-ийг дуулж байнаа. Энэ хэн дуулж байна? гэж асуусан чинь AI гэдэг юм да. Ирээд хайгаад үзсэн үнэн байна.

09 April 2026

Blue October - Congratulations

08 April 2026

Лаа шүүдэнз нөөцөлж лагерь гарч байсан түүх

2012 оны 12-р сард ертөнц сүйрнэ гэж бужигналдаж байж билээ. Тухайн үеийн пост: https://ganzo79.blogspot.com/2012/12/blog-post_3919.html

Одоо ч гэсэн бодол өөрчлөгдөөгүй. Бурхан ганц, ямар арга замаар хүрнэ, ямар шашин дагах нь хувь хүний сонголт. Итгэх нэг хэрэг, мухар сүсэглэл бол харин мунхаглал. Бурхантай харьцахад зуучлагч хэрэггүй ө.х. заавал лам пастор, сүм хийдийн тусламжтай үг чинь бурханд хүрнээ гэсэн үг биш. Байгаль дэлхий, уул усаа хайрлаж хамгаалаад, тэнгэрт залбираад явж байх нь хамаагүй дээр.

2012 оны үйл явдалруу буцахад, аав саяхан дурссан: сонин юм шүү, тэр өдөр ажил эль хуль, тал хүн нь байхгүй. Эрдэм шинжилгээний байгууллага шүү дэ уг нь гээд инээгээд байсан. Нэг хүн эхнэр хүүхдээ орхиод хотоос гарсан түүх бас сонссон. Хот байхгүй боллоо гэхэд ганцаараа үлдээд яах гэж байгаа юм? Ккк. Бас сая Учрал томилогдохтой холбоотой манай найз хэлж байсан: 12 онд лаа шүдэнз агсаад лагерь зүглэж байсан хүнээс нээх их зүйл хүлээгээд дэмий болов уу гэж. Харж л байхаас.

Ер нь тэгээд энэ нийгэмд болж буй олон үйл явдлыг ажиглаад, зарим хүмүүсийг хараад хэлэх ч үг олдохгүй юм да.