Сүүлийн үеийн мэдээ

Сүүлчийн хэдэн өдөр зав муу байлаа. Ээж эмнэлэгт хэвтээд, ээлжилж сахиад. Төлөвлөгөөт хагалгаанд орсон юм. Настай хүн болохоор нөхөн сэргээлт удаан явагддаг юм байна, гэхдээ сайхан болсон, амьдралын чанар нь сайжирна гэдэгт итгэлтэй байгаа. Маргааш гарна, эмнэлгээс бичээд сууж байна. Cүүлийн үед эргэлт аваад л сууж байлаа.

Хааяа эмийн сан гүйчихээд л.

Улсын эмнэлэгт хэвтсэн. Үйлчилгээ, эмчилгээ, хоол унд сайн юм. Би бас дотроо овоо ш дэ, болж байна ш дэ гээд баяртай байгаа. Өвчтөнүүд бол янз бүр л байх юм. 

Ажлыг жаахан цалгардуулсан нь үнэн. Шөнө нойр дутуу хоноод өдөр нь ажиллах чанга болж, залуу насанд ажирахгүй байсан биз, бас ондоо болдог юм байнаа. Нээрээ, шинэ нөүттэй болсон.

Бас гүзээтэй тостой болсон. Ямааны цагаан тос, янзын :-) Хавар аминд орно. Бусдаар бүх зүйл хэвийн, ажилдаа явдаг нь ажиллаад, сурдаг нь сураад. Манай хамгийн бага оюутан болсон болохоор би өглөө эрт хүүхэд сургуульд нь хүргэхээ байсан. Яг 20 жилийн mission completed, ккк.

Хааяа нэг хол байгаа охиноо санаад бичихлээр товч хариулт ирдэг, би тэгэхлээр нь жүрк дарчихдаг. Ингэж л амьдарч байна да.

P.S. Нямхүү (1, 2, 3, 4) сайн байгаа.