30 August 2022
Глухой Телефон - Хокку о России
Ха-ха. Энэ бас авьяас шүү. 100k гаран хүн амтай Димитровград гэдэг жижиг хотод ийм дуу зохиогоод, дуулаад сууж байна гэдэг.
Улаангом - Улаанбаатар
2021 оны 11-р сарын 04, 05-ны өдрүүд. 
Улаангом хотыг толгойн оройгоос харж авсан.
Зураг авалтын цэг.
Хархираа. Болсон явдал: өглөө эрт буудлынхаа гадаа зогсож байв, зам хов хоосон. Тэгсэн засмалаар нэг хөнгөн тэрэг өнгөрөхтэй зэргэцээд шороон замаас нэг машин гарч ирлээ. Шороогоос гарч ирж байгаа нь зам тавьж өгөхгүй засмалруу орох үед хоёулаа ёонк хийтэл нь тормозлоод тулаад зогсов. 5 сек орчим зогссноо зэрэг хөдлөөд түс тас гээд мөргөлдчихдөг юмдаа, ккк. Тэгээд 2 жолооч гарч ирээд дагзаа маажаад үлдсэн.
Манайх соц үед онгоц буудлууддаа гоё нэр өгдөг байсан байгаа юм шүү. Дэглий цагаан.
Онгоцондоо суугаад.
Хөөрөөд, Увс нуурыг дээрээс нь дахин нэг харж аваад.
Улаанбаатарлуугаа зүгэлсэн дэ. Салхитын сэнснүүд.
Онгоцны шинэ буудал.
29 August 2022
23 August 2022
Бөөн цагаан нуур
2022.07.09. Шалын хоолойг хөндлөн давхисан.
Бөөн цагаан нуур харагдаж эхэллээ.
Нуурын эрэг дээр нар жаргахтай уралдаж майхан саваа барьж хоноглосон.
Буудалласан цэг. Уг нь Байдрагийн гол цутгаж буй хэсэгт ширгэ их, буухад илүү тохиромжтой гэж байсан хэдий ч амжаагүй.
Хэдхэн хоромын дараа нар жаргав.
22 August 2022
19 August 2022
Мах
Муу хүн идсэнээ цувралаас.
Хүн мах идэхээ болих юм бол хэсэг хугацааны дараа эрүүл мэнд нь асуудалтай болно гэж би боддог. Монгол хүн тэр тусмаа. Өөх тостой махаа идэж байж л өвлийг давдаг ард түмэн. Цагаан хоолтон болох бодол надад жишээ нь хэзээч төрж байгаагүй. Халуун зунаар өмхийртлөө мах чих гэж зөвлөж байгаа юм биш, гэхдээ гоё бэлдсэн мах шиг шим тэжээлтэй хүнс бага.
Машиндсан махыг ходоод амархан боловсруулдгийг мэдэхэд илүүдэхгүй.
Уг нь духовканд болговол бүр зүгээр гэдэг боловч шарсан нь яалт ч байхгүй илүү амттай болдог. Хонь, үхэр - хамгийн сайн мах. Тахиа, гахайг төдийлөн хүнсэнд хэрэглэдэггүй. Ямаа, адуу, тэмээг бараг үгүй.
Мах чанаад гурилаар бүтээхэд хүртэл шөлийг нь ширгээгээд махаа үл ялиг түлэх дуртай.
Гэхдээ ил галыг плитка яагаад ч гүйцдэггүй. Monbeef-ийн мрамор махыг нүүрсэн дээр шарахлаар сайхан болдог гэж. Урьдчилж амталж дарах шаардлагагүй, давс перц цацаад л болоо, хийхэд үнэн амар.
Хуйхалсан юм бас хааяа идмээр санагднаа, ядаргаатай. Хонины өвчүү, толгой, сүүл зэрэг нь аминд орох юм да.
Сүүлийн үед би ээжийн (нарийндаа манай эмээгийн) ширмэн тогоотой найзлаад байгаа. Гал дээр пловоос өгсүүлээд өчнөөн гоё хоол хийж болж байна лэ. Хашрааж байгаа ш дэ, ккк.
Өлийн даваа. 4-р хэсэг
17 August 2022
Задаргаа
Сүүлийн үед зүгээр сууж байхгүй гэмтэлтэй, эвдрэлтэй зүйлийг засдаг баатар болж задлаад, бүр засал авахааргүй эвдэлдэг болчихоод байгаа.
16 August 2022
7
7-Eleven-ийг бараг бүгд мэднэ. CU шиг булан тохой болгон дээр байдаг, зарим улсад колонкууд дээр нь ч бий. Лого нь:
Манай хувилбар - шанага 7.
15 August 2022
14 August 2022
Цагааннуур сум
Баруун тайгад тавтай аялана уу.
Үүлэрхэг өглөө байв.
Улаан-Уулаас өглөө 6 цаг өнгөрөөж хөдөлсөн, 9 цаг гээд Цагааннуурлуу орж ирэв.
Тамгын газар.
Танилцуулга самбар.
Халаалтын асуудал модоор шийдэгддэг нь хэвэндээ, өөрчлөгдөхчгүй биз ойрын ирээдүйд.
Байшин болгон дугаарлагдсан.
Цайны газар олж харсан самбар.
Сумын төвийн нэгээхэн хэсэг нь битүү шавар шавхай. Саяхан энд нэгэн зэрэг 4 машин суусан гэсэн. Төвд сууж онигоонд орох вий л гэж бодож явлаа, ккк.
Дээрх зургийн дарсан цэг.
Цэдэнбал дарга буудаллаж байсан байшин. Тайгын цаатангуудад иргэншил олгох ажил эхэлж байсан түүхтэй.
Майнкрафт стилийн тэмдэг.
Цагааннуурын загасыг хар галуу дуусгаж байгаа юм гэнэ. Дурангаар харахад нилээдгүй их байна лэ. Нутгийн иргэдийн яриагаар Хүрэлсүх ирэхдээ асуудлыг шийдэж өгнө гээд явсан, гэвч шийдээгүй гэнэ.
Нуураас сумын төвийн зүүн зах.
Зураг дарсан цэг (https://www.google.com/maps/@51.354402,99.3577353,366m/data=!3m1!1e3).
Үдэш.
Өглөө нь битүү манан, нуур хэдхэн алхамын цаанаас харагдахгүй болсон байв.
Subscribe to:
Posts (Atom)
