Global Competitiveness Report 2012-13

Тайланг татаж авч сонирхоно уу: http://www3.weforum.org/docs/WEF_GlobalCompetitivenessReport_2012-13.pdf
Манайх бас болоогүй л байна да, ихэнх индикатороор эхний 100-аас хойш байрлаж.

Imagine Dragons - Demons

Русские - они страшные

Аэрофлотын хөлгийн ахлагч нар нислэг танилцуулхад яг ийм акцентаар ярьдаг. Тасархай гоё, хэ-хэ.

Петропавловка. Жуулчид

2012.06.25. Санкт-Петербург хотод цагаан шөнүүд эхэлж жуулчны сезон ид үедээ байв. 

Хаа сайгүй жуулчны автобусууд, энд тэнд янз бүрийн орны иргэдээс бүрдэх том бага бүлгүүд. Өөрсдийнх нь орос жуулчид ч хар мянга. Орон нутгаас 10 жилийн хүүхдүүд ихээр ирдэг юм билээ. Мөн хятадууд, хотын төвд ерөөсөө алхам тутамд тааралдна. Солонгос юм уу япон жуулчидаас эрс ялгарна. Хэрэв гуагчиж орилолдсон хар заарцаг гэнэт нэг объектыг бүчээд авбал хятадууд л гэж ойлго:

Энхээ бид 2-оос авахуулаад хосоороо явж буй улс ч их.

Суугаад амарчих сүүдэр, талбай, саравч их нь сайхан юм да, мань мэтийн 2 зээрдээрээ зам хороогсодод.

Европчуудыг яриаг нь сонсолгүй иргэншилийг нь тодорхойлох арай хүнд. Мэдээж зүүн баруун европынхон, славян гаралтай хүмүүс ажиглахад хоорондоо ялгарна. Зураг дээр - италичууд.

Вечерний Ургант

Орос ТВ сувгуудаар гарч буй нэвтрүүлгүүд дунд Иван Ургантын шоу арай л нэг үзүүштэй нь.
Сайт дээр бүтэн нэвтрүүлгүүд бий: http://urgantshow.ru/

Hans Zimmer - Now We Are Free

Something Stupid

Карсон Спаркс 1966 онд энэ дууг өөртөө зориулж зохиосон түүхтэй. Тэгээд эхнэртэйгээ дуулж пянз болгон гаргажээ.


Гэвч жилийн дараа Фрэнк Синатра охин Нэнси-тэйгээ дуулхад л энэхүү дуу олны танил болсон.


2001 онд Робби Уильямс, Николь Кидман хоёрын дуэт дуулсан хувилбар бас амжилтанд хүрсэн.


Залгаад ондоо хэлээр дуулагдсан хувилбаруудыг сонирхоё. Франц:


Герман:


Итали:


Испани:


Япон:

JavaZone 2012: The Java Heist

The Smashing Pumpkins - The Celestials

ДДТ - Где мы летим

Sketchbook, Feb 2013

Таавар

UPD 2013.02.27 19:53
Би ч завтай болж, зөв хариулт ч ирэх шив дэ. Мэйл-ээр хэдэн өдрийн өмнө ийм хувилбарууд уншигч Зуундариас ирсэн юм:

Буруу байгааг нь мэдэгдсэн хариу буцаасан. Сая хайрцгаа шалгатал зөв нь ирж:

Хариул: кинонд дуу оруулагч буюу Foley. Хурагч буй ясыг гоймон хугалж, цасан дээгүүрэх алхааг крахмалтай уут базаж дуу оруулдаг. Харин үнсэлцээнийг өөрийн гарыг үнсэж дууг нь бичдэг.
Одоо удахгүй постууд хэвийн горимдоо нийтлэгдээд эхэлнэ.

UPD 2013.02.27 13:52
Ирсэн хариултууд дунд зөв нь алга. Сэтгэлдээ. Үнсэх. Өөрийн гарыг үнсэхэд ямар процесс явагдах вэ? Юу болох вэ? г.м. бодох хэрэгтэй.

UPD 2013.02.25 13:35
Зөв хариултыг хүлээж блог-ыг түр хаалаа. Редакцид угийн яаралтай ажил ч гарчихлаа.
 
UPD 2013.02.23 10:11
Хувилбарууд нөхдөө. Одоо залуудаа жаахан толгойгоо гашилгахаас залхуурч байгаа бөл хөгширөх цагт дүйнгэ өвгөн эмгэн болж хувирна шүү, хэ-хэ.

2013.02.22 10:01
5 дахь өдрийн сэтгэхүй сорих таавар.
Асуулт: ямар мэргэжлийн хүнд ажлаа хийх явцад өөрийнхөө гарыг үнсэх шаардлага гардаг вэ?

Холимог хуурга

Гар утсан дээрх фотонуудаас бүрдэх холимог хуурга нэгэнт бэлэн болж. Овоо ч олон зураг хуримтлагдаж.
Өчигдөр шинийн 15 байв. Хүмүүс жилийнхээ заслыг хийлгэсээр. Би ч яахав, засал энээ тэрээг ээждээ даатгачихдаг. Ламыг нь зөөгөөд авааччихна, эргүүлээд хүргээд өгчихнө.

Сүмд олж харсан анхааруулга. Карманы мэргэжилтнүүд газар сайгүй байдаг юм байна. Ёс мэдэхгүй - ёр халдахгүй.

Шинэ жилийн өмнөхөн ийм сурталчилгаа ирсэн. Эндээс чежү мандарин гэдэг зүйл бас байдгийг мэдэж авсан.

Тэгсэн нэрийн барааны дэлгүүр нь бага тойрогт нээгдэж. Гэрээс ойр юм, дараа нэг шагайнаа. Мандарин ер нь таалагддаг. Яагаад ч юм мандарин идэхлээр бага насны шинэ жилүүд санагддаг. Бас "Улаанбаатарт байгаа миний аав"-ын "Яасан сайхан мандарин вэ?" гэдэг хэсэг, хэ-хэ.

Гандан. Хэрэгтэй зар "Тусч хүү"-гээс. Дүүрсэн жорлонг ухах ямар хэрэг байдаг нь сонирхолтой.

Тулга дүрсэлсэн логотой Христийн сүм. Христийнхэн гэр хороолол, нийгмийн эмзэг бүлгийнхэнийг сайн байлдан дагуулж байгаа да. Сингапур шиг бүх шашин нь зэргэцээд эв найрамдалтай оршин тогтнож байвал ч хамаа алга л да.

Цайз зах. Пирда.

Гар аргаар урласан чиглэлийн самбар. Картоны өөдөс, фломастер, скоч. Яармаг гэж бичээдэхсэн чинь зайгаа буруу тооцож, тиймээс УБИС бичкээн болж.

Нэгдүгээр сургуулийн шинэ бага сургуулийн үүд. Сая хэдэн өдөр хүйтрэхэд юм үзээгүй юм шиг эцэг эхийг оруулахгүй гадаа сойж чангалсан. Хэл ам гарсан бололтой, одоо 2 хаалганы хоорондох зайнд оруулдаг болсон байна лэ. Хаалга аль хэдийн эвгүй болсон, удаан тэсэхгүй л болов уу. Царс модон, доод хэсгийг нь төмөрлөсөн зүйл л сургууль эмнэлгийн ачааллыг даадаг юм да. Вакум болон бүргэд хаалганууд цөм жилийн дотор сэг болдог.

Харин хашаанд хөөрхөн баримал нэг төгсөгч сургуульдаа урлаж өгсөн байна лэ.

Ийм музей байдаг юм байна. Харамсалтай нь ажилладаг шинж алга. Ойрд музей үзсэнгүй, дулаараад ирэхлээр хүн тоож ордоггүй газруудаар явнаа.

Зарлалын шинэ төрөл - тамгалах. Шууд орцонд хана дээр тамгалаад тамгалаад явчихсан байна лэ. Зурган дээр - Ууганаагийн хаалганы хажуу хана.

Төмөр зам. 2 тэмдэг, 1 хүн. Ер нь бол тэмдэгнүүдийн давхцлыг арилгаж, стандарт бусыг нь солих хэрэгтэй.

БГД. Нэг цонхны үйлчилгээ. Талбай нь л бага болохоос биш бас боломжийн болж. Ядаж л үйлчилж буй бүсгүй нь аятайхан харьцаатай. Төрийн албан хаагийн өмнө гэм буруу хийсэн мэт гөлөлздөг цаг бага багаар арилж буй нь яамай да.

Төмөр замын коллежийн урд ийм Номын өргөө нэртэй сэндвичэн барилга босож, цэцэрлэгийн газрыг эзлээд шүү. 3,14z, ийм зүйлийн зөвшөөрлийг хэн олгов? Нураая!

Замынх нь эсрэг талд сүм баригдсаар. Гялс баригдаад дуусгах барилгуудад л зөвшөөрөл олгомоор юм. 1-р давхрыг нь ашиглалтанд оруулж түрээсэлж байгаад 2 дахь давхрыг нь барьдаг, 5-6 жил барилгын ажил нь үргэлжилдэг үзэгдлүүд буруу.

Номингийн хульхи самбар. Хамгийн томоор бөөнийх нь үнийг бичнэ. Хичээж л харвал урд нь буй жижигхээн саарал дугуй дотор 6ш гэж бичсэнийг уншина.

Бөхийн өргөөний дэргэдэх цаг. Хот ер нь иймэрхүү балай "совок" ангилалын зүйлээсээ л салж чадвал зүгээрсэн дэ.

Бүрэн тоноглогдсон шон. Сүлжээний антенна, 2 камер (орчны болон машин зам хянах), удирдлагын пульт бололтой хайрцаг.

2012.08.17. Говь-Алтай. Эрээн нуур

Жаргалан сумын цагаан хаалга.

Замд.

За тэгээд нуурын хэдэн зураг, энд юу тайлбарлах вэ дэ.

Цустай газрууд. 2-р хэсэг

Цувралын эхний дугаарыг уншиж болно: Place de Grève.

Энэ удаа Сталины хэлмэгдүүлэлтийн үед Москва хотын ойролцоох хамгийн олон хүн хороолгосон газрын тухай өгүүлье - Бутовский полигон болон Коммунарка.
1937-1938 онд Ленинский районы Дрожжино тосгоны дэргэдэх НКВД-гийн мэдлийн (манай НАХЯам гэж ойлго) энэ 2 тусгай объектод хэдэн мянган хүнийг буудан хороосон нь өнөөдөр ил болсон. Бутовогийн полигоноос холгүй орших "Коммунарка" нь Генрих Ягода-гийн хуучин зуслан. Аль аль нь өндөр хашаатай, дотор нь буудлагын талбай бий гэсэн албан ёсны тайлбартай, харуул манаатай талбай. Дотор нь авчирсан хоригдлуудыг түр байлгах барак г.м. хэдэн байшин сав бий. Бульдозер хэдэн зуун метр үргэлжилэх нүх ухаад, авчирсан хүмүүсийг шөнө ирмэгт нь тулгаж зогсоож байгаад метрийн зайнаас дагзанд нь сум зоодог. Дараа нь бульдозер нүхийг шороогоор гүехэн хучна. Гүнзгийн нүх ухаж барих зав гардаггүй байж. Буудаж буй офицеруудад шанагтай хувин архи дэргэд нь тавьдаг байсан тухай ярьдаг, үнэн худалыг бүү мэд. Харин зэвсэг нь голдуу наган буу байдаг байсан нь үнэн шүү.

Бутовод Москагийн тойргийн Тройка УНКВД, НКВД-гийн Комисс, СССР-ийн прокуророос олгосон дээд хэмжээний ялыг гүйцэтгэж байв. Лам хуваргууд олон. Мөн ажилчид, тариаланчид, эрүүгийнхэн, хуучин цагаантнууд Бутовод их бий. Харин Коммунаркад ЗХУ-ын Дээд шүүхийн цэргийн коллегиор яллуулсан намын удирдлага, төрийн албан хаагчид, улаан армийн офицерууд, инженерууд, соёл урлагынхан, гадаадын иргэд болон НКВД-гийн өөрсдийнх нь ажилчид голцуу байдаг. Бутовод 1937.08.08-1938.10.19-ний хооронд 21 мянган хүн буудуулсан бол Коммунаркад 1937.09.02-ноос эхлээд 10-14 мянган хүн хороолгосон. 

Конвейер зогсолтгүй ажиллаж байсан цөвүүн цаг. "Крассны террор" сонингийн 1918 оны 11-р сарын 1-ний дугаарт ВЧК-гийн хамгийн хэрцгий удирдагчидын нэг Мартын Лацис ингэж бичиж байв: "Бид хувь хүний эсрэг хэрэг мөрддөггүй. Хөрөнгөтнийг ангийн хувьд үгүй хийж буй юм. Сэжигтэн үг хэлээр, үйл хэргээр зөвлөлт засгийн эсрэг ямар нэг зүйл хийж байсныг мөрдөн байцаалтын үед батлах гээд хэрэггүй. Гол зүйл: нийгмийн гарал, хүмүүжил, боловсрол, мэргэжил. Энэ гол шалгуур л түүний хувь заяаг шийднэ. Улаан террорын мөн чанар энэ". Мань эр өөрөө 38 онд буудуулсныг дурдах нь зөв байх.
Зөвлөлт засаг төрийн эрхэнд гарснаасаа хойш хэзээ ч, хаана ч "хувьсгалын эсэргүүнүүдийг" буудсаар ирсэн. Хотын зэлүүд парк цэцэрлэг, оршуулгын газар, шоронгуудын подвал г.м. Тэр үед маш олон сүм хийд шоронгийн зориулалтаар ашиглагддаг болсон байв. Сүүлд сүмүүдийг сэргээн засварлахад подвалуудын хана битүү сумны мөртэй байсан. Тэр ч байтугай 1918-19 оны үед Кремль-дээ хүртэл цаазалж л байсан улс. 20-иод онд ГПУ-ОГПУ-гийн мэдлийн эмнэлгүүдийн талбайд (нийслэл улаан хотынхоо төвд гэж ойлго) буудаж алсан хүмүүсээ булж л байсан. Ачааллаа дийлэхээ больж дээрх 2 объект ашиглалтанд орсон түүх энэ.

Бутовод 100-с бага тооны хүн цаазлуулсан өдөр цөөхөн. 1937.12.08-нд 474, 1938 оны 2-р сарын 17, 28-нд харгалзан 502 буюу 562 (хамгийн олон) хүн буудуулсан. Нийтэд нь авч үзвэл 38 оны 2 сард хамгийн олон хүн хороолгосон байдаг. Учир нь Москвагийн тойргийн Улс төрийн товчоо 1-р сарын 31-нд цаазаар авах нэмэлт 4000 квот баталсантай холбоотой. Тухайн үед немцүүдийг хоморголон барьж (тагнуул шүү дэ), тэдгээртэй хамсаатан гэж польшуудыг бас баривчилж (тагнах, хорлон сүйтгэх ажиллагаа явуулсан хэрэгтэй), латвуудыг үй олноор нь барьж, хорьж, улмаар цаазалж байв. КВЖД буюу Хятад-зүүн зүгийн төмөр замын ажилчидыг Японы тагнуул гэж бас хэлмэгдүүлсэн. 37 оны намар ба өвөл лам хуварга нар, хуучин язгууртнууд, буцаж ирсэн цагаачид, цагааны хуучин офецерууд, хаант засгийн үед алба хашиж байсан хүмүүсийг хамах шиг болсон.

Коммунаркад 11 улс орны 60 гаруй яс үндэстэн хүн цаазлуулсан. Үүнд: Латви, Литва, Эстоны улс төрийн удирдлага болон нийгэмдээ нэр нөлөөтэй улс, Герман, Румын, Франц, Турк, Болгар, Финлянд, Унгар улсуудыг Коминтернд төлөөлж байсан лидерүүд нь. Мөн ЗХУ-д ажиллаж амьдарч байсан өөр үндэстэн ястны хүмүүс ч ихээр хэлмэгдсэн. Тэдгээрийг бүхэл бүтэн гэр бүлээр нь баривчилж байв. Хүүхэд, хөгшид, эмэгтэйчүүд, тэр ч байтугай жирэмсэн эхчүүд ч бий. Гэхдээ яг эдгээр газруудад цаазлуулсан улс дотор эмэгтэйчүүдийн эзлэх хувь бол бага. Мөн тухайн үед Москвагийн шоронгуудад олон тооны тахир дутуу иргэд цугларсан байв. Тэдгээрийг хорих лагерууд руу илгээхэд хүндрэлтэй тул бүгдийх нь хэргийг УНКВД-ийн гураваар дахин хэлэлцүүлж, буудан хороох ял оноосон байдаг. Тройка УНКВД нь маш энгийн систем: 3 нөхөр хаалттай сууж байгаад л ял оноочихно. Давж заалдаж барих эрх байхгүй, оноосон ял - эцсийн шийдвэр. 1 минутанд 2 хэрэг хэлэлцдэг байсан тохиолдол бий. Ингээд 1938 оны 2-3 сард 1160 тахир дутуу хүнийг хороож орхисон. 1941 оны 10-р сарын 16-ны өдөр: немцүүд Москва-д тулаад ирчихсэн, хотыг орхиж ухрах магадлал өндөр болохоор НКВД шоронгуудаа яаралтай суллаж байв. Энэ өдөр Коммунаркад 220 хүн буудуулсан байдаг. Үүнд Латвийн улс төрийн болон цэргийн элит тэр чигтээ устгагдсан. Мөн улаан армийн олон генерал, комиссар, тэрч байтугай комкор хүртэл яаравчлан буудуулсан юм.

Эдгээр муу газруудын Коммунарка нь бидний түүхтэй ч цусан толбоор холбоотой нь харамсалтай. 1936 оноос Монгол улсын Ерөнхий сайдын албыг хашиж байсан А.Амарыг 1939 онд баривчилж Москва руу хүргэсэн байсан.

1941 оны 6-р сарын 10-ны өдөр А.Амар болон түүний хүрээний 28 хүнийг энд буудан хороосон юм. Чойбалсангийн оролцоо ч энд бий л дэ. Өнөөдөр тус газар монголын аавын хөвгүүдийг дурссан хөшөө бий:

"Зөвлөлт социалист бүгд найрамдах холбоот орос улсад 1930-1940 онд улс төрийн хилс хэрэгт хэлмэгдсэн монголчуудын гэгээнд дурсгалд зориулагдав" гэсэн даруухан 5 мөрийг монгол бичгээр цохиж.

sovterror.ru сайт бүрэн ажиллахгүй байна. Гэхдээ энд буудуулсан хүмүүсийн зурагнууд дунд хайхад монголчууд гарч ирж байж. Дээрх линкээр орход "еще картинки" гэдэг товч доор гарч ирнэ, дараад бай, шинэ фотонууд 2-3 хуудас ачаалагдна. Малгай дээрээ соёмботой, монгол дээлтэй ч хүн олдож байна. Бас ондоо монгол гэмээр хүмүүсийн зурагнууд бий бий.

Эдгээр хүмүүс бидний нэг, хэн нэгний маань өвөг. Түүхээ мартаж болохгүй!

1995 он хүртэл Бутовогийн полигон хамгаалалттай тусгай объект байж байгаад Үнэн алдартны сүмийн мэдэлд шилжсэн. 1999 онд Коммунарка ФСБ-гийн мэдлээс мөн сүмд шилжжээ.
Үргэлжлэл бий.

Цомог гаргахдаа

Сүүлийн үед хөгжимчид, дуучид их маягтай болж. Зүгээр л цомгоо гаргахгүй урьдчилж баахан маркетинг, сурталчилгаа явуулдаг нь огт таалагддаггүй. 
Эхэлж цомогтоо нэр өгнө, тэгээд хэдэн трэктэйг нь зарлана, дууны жагсаалт олны хүртээл болно, хавтасны зургийг интернэтэд тавьж боломжит вариантуудыг хэлэлцүүлж шоудна. Нэг юм уу хоёр дууг хаа нэгтээ урьдчилж дуулах юм уу радио-гоор цацна, интернэтэд бас давхар хуулна. Энэ бүхэн үргэлжилсээр хэдэн сарын нүүрийг үзнэ. Тэгсний дараа л нэг юм цомог худалдаанд гардаг. Уран бүтээл нь гоё бол ч бас яахав. Тэгсэн, ихэнх тохиолдолд сэтгэлд хүрэхгүй, нөгөө урьдчилж цацагдсан 1-2 трэк нь боломжийн, бусад нь (_|_) байж таардаг. Урьд нь баахан сурталчилаад, шуугиад байсан болохоор хүн мэдээж ихийг хүлээнэ. Нохойноосоо гинж нь гэж үүнийг хэлнэ.

Central TV Tower. Part 4

2011.06.06-ны фотонууд. Цувралын өмнөх дугаарууд: нэг, хоёр, гурав.
Мао ах энд тэнд тааралдах нь элбэг.

Учир нь үл мэдэгдэх төхөөрөмж.

Цамхаг дээрээс хар тэнхээгээрээ орилж болно.

Хятадууд үзмэр бэлдэхдээ тааруу. Барууныхантай зүйрлэх ч хэрэггүй. Оросуудаас ч муу. Ихэвчлэн иймэрхүү нэг янзын макетууд урладаг нь жаахан явхад л мэдэгднэ.

Их хичээвэл яахав арай дээр юм хийнэ л дэ.

Хэдэн гарын хээ надад байтугай хятадууд өөрсөд нь сонирхолгүй биз дэ? Криминалист шинжээчид яахав сонин байж мэднэ.

Энд юу дүрслэгдсэнийг ёстой бүү мэд. Миний ойлгож байгаагаар: нэг газар ажлладаг "но"-той хоёрыг (манай ТҮК-ийнхтэй ижил улбаршар хувцастай) эхнэр, нөхөр 2 нь мөрдөөд барьж авч буй юм болов уу гэсэн таамаг байна. Бүдүүн залуу: - Чи яаж чадаваа?! Би чамд итгэж явсан! гээд хариугүй уйлах нь. Улаан өмдтэй хүүхэнд нөхрийгөө гэхээсээ илүү хүүхнийг алах хүсэл оргилж байх шиг. Тэр хооронд хэргийн эзэн залуу аажуухан гэтэж ухраад, осолтой газраас холдож байна.

Teletubbies-ийн хятад хувилбар.

Улсыр радио телевизийн төв цамхагийн үзмэрүүд дунд гурилын ганжин, бандан, түмпэн гурав юу хийж байгааг би байтугай Балхжав ч таашгүй.

Хулдаасан наамалууд дээр инээсэн залуус элбэг.

Уснаас загас үсэрч гарч ирээд зайрмаг хазаж болдог орчин.

Мэдээллийг 2 цаасан дээр хэвлээд шилэнд скочоор тогтоочихно.

Зарим үсэгний хуулга хууларсан нь хэний ч санааг зовоохгүй.

Ардын уламжлал хэв маягаар зурагдсан зурагнууд нь арай дээр.

Түүнээс биш сүүлд сэдсэн зүйлс худлаа. Ийм пропорцитой, ядахад 3 хуруутай тавхай хаана байна?

Эсвэл ийм. Цэргүүд казарма-даа хийх юмаа олж ядахдаа ийм уран бүтээл урладаг байх.

Туйлын ядуу төсөөлөлтэй нөхөр энэхүү үзмэрүүдийг сонгож, орчинг тохижуулж.

Нэг давхарт нь дэлгүүрүүд ажиллана. Худалдаж авах зүйл харамсалтай нь байхгүй.

За тэгээд л гарцгаасан да. Цамхаг дээрээс шөнийн Бээжинг харах нь л гоё юм билээ.