Ganzorig's blog :)

Кто расскажет небылицу

2012-01-30T23:47:00.001+08:00

Арменфильмын бас нэг сонгодог уран бүтээл. 82 он.

Бохир дэлгэц

2012-01-30T16:14:00.004+08:00

Миний үзэн яддаг зүйлүүдий нэг - бохирдсон дэлгэц. Ширээний болон зөөврийн компьютерийн, зурагтын, утасных байх нь огт хамаагүй. Толболтой, тостой л бол арчихаас нааш санаа амрахгүй. Үүнд нүдний шилний спирттэй жижиг салфетка янзын сайхан тохирдог.Хэн нэгэн дэргэд ирж дэлгэцрүү минь хуруугаараа чичиж, энэ тэр гэж дээгүүр нь тосон мөр татуулах мөчид "өө яадаг заваарсан гар вэ?!" гэсэн бодол өөрийн эрхгүй төрдөг.

Холимог хуурга

2012-01-30T09:52:00.002+08:00

Зээг. Өнөөдөр өглөө хүйтэн ч гэж жигтэй, утаа ч тамтаггүй байв. Шөнөдөө -40С хүрч байхад гэр хорооллынхон маань нүүрсээ идэвхитэй түлж байгаа л да. Ийм орчинд юу ч болоогүй мэт ажиллаж амьдарч буй нийслэлчүүдэд хүндэтгэл илэрхийлье. Долоон голтой шүү та нар минь. Маргааш дайн болоод хятадууд химийн хорт хийн довтолгоо хийхэд бид тэсээд үлдэх хэмжээний амьсгалын системтэй болж байна. За энэ ч яахав, холимог хуургаа зооголцгоо до.
Порматлана.Оноосон нэр: Пиво.Сайха.Super student согтуу монгол.Ажлын календарь.Зурган дээр сайн харагдахгүй байна. Шил арчигчиндаа савхин бээлий угалсан байгаа.Шивтэр.

Coldplay - Charlie Brown

2012-01-29T23:05:00.000+08:00

Expo Tattoo Venezuela 2012

2012-01-29T22:27:00.006+08:00

Каракаст энэ сарын 26-наас 29-ний хооронд явагдсан үзэсгэлэн дээр ийм дүр төрхтэй нөхдүүд дүүрэн цуглаж.Цочив до. Ингэж нүүр царайгаа эрэмдэглэж буй хүн эрүүл бус нь тодорхой.

S-night нэвтрүүлэг. 5-р хэсэг

2012-01-29T21:34:00.000+08:00

Дуусдаггүй нэвтрүүлгийн ээлжит хэсэг. Өмнөх дугаарууд: нэг, хоёр, гурав, дөрөв.
Хаа тааралдсан газраа зарлал нийтэлдэг хүмүүсийг би ойлгодоггүй юм. Зарлал явуулах суваг хар мянга байхад шүү дэ. Тоон дотор үсэг цохиж явна гэдэг чинь энэ.Зарим нь тоглоом шоглоомоор зар илгээнэ.Нэг үзэгч кино тасраад оронд нь шууд нэвтрүүлэг эхэлснийг ойлгоогүй сууна. ТВ9-ийн хойлог нөхдүүд sms гаргаад зогсолгүй шууд утас ажиллуулсан юм. Ганц үзэгчтэй холбогдонгуутаа шууд утсаа больсон, хэ-хэ. Халуун дулаан үг хайрлах гэсэн үзэгчид олон байв.Нэвтрүүлэг дуусах тийшээгээ хандахад редакци амь оров.Үзэгчийн хариу.

Добрая тетя доктор

2012-01-29T02:05:00.002+08:00

Дахиад оросын арми. Погон дээр нь К (курсант) үсэг байхыг бодоход цэргийн сургууль бололтой.
Осторожно! Мат.

The Cranberries - Tomorrow

2012-01-28T21:59:00.002+08:00

Шинэ уран бүтээл.

All of Me - Jon Schmidt

2012-01-27T09:04:00.001+08:00

II эмнэлэг

2012-01-27T08:30:00.003+08:00

UPD 2012.01.27 08:30
2 дугаар эмнэлгийн зүг чигийн заалтууд давгүй болж ирж байна. Өнгөний кодчилол ашигладаг нь зөв шийдэл.
Цэнхэр самбар дээр явах чиглэлийг эргэлтүүдтэй, шатаар өгсөж буухтай нь дүрсэлсэн нь ч таалагдлаа.Хуучны энэ тэмдэг ярих юмгүй гоё. Яагаад гэвэл утгыг нь хөгжилтэй тайлбарлаж болно: анагаах ухаан болон эмч сувилагч нар чамд сайн сайханыг хүсч эмчилгээ хийх боловч үр дүн нь могойн хорлол байж болохыг үгүйсгэхгүй. Харамсалтай нь одоо бараг үзэгдэхээ байж дэ.Сүүлд бүтээгдсэн тэмдүүдийг урод хэлбэрээр нь хялбархан таньж болно.Бас нэг төлөөлөгч байна: ГрандМед-ийн лого. 2011.05.03 16:41
2 дугаар эмнэлэгт эргэлтээр очив. Сонин содон зүйл ер алга.
Аврах гарцын чиглэл хаа сайгүй хадагдаж.
Хяналтын камерууд ажилладаг болж.Шилэн хаалганууд хийж.
Чонын тархи, хэл зардаг болж.
Өөр юу ч алга.

Fallen Art

2012-01-26T18:04:00.001+08:00

Кировец К 750

2012-01-26T18:01:00.000+08:00

Ёстой мангас машин юм байна.

The Axis of Awesome: 4 Chords

2012-01-26T15:19:00.001+08:00

Цэнэг дууслаа

2012-01-25T12:00:00.003+08:00

Уншигчид болон зочид минь. Ойрд бичлэг оруулах завгүй ажилтай байгаа. Ядраад зүйл дууслаа. Эмнэлэг, сувилал, рашаан, бариа засал, физик эмчилгээ, ~~лам, бөө~~ бодогдож байна шүү.P.S: Уг нь замын тэмдгийн загвар л да. Ийм пайзыг оршуулгын чулуун дээр хадвал зүгээр ч юм уу. Цацруулагчтай, машины гэрэлд гэрэлтээд л.

Холимог хуурга

2012-01-24T09:59:00.002+08:00

Багахаан порц.
Өнөөдөр өглөөний зураг. Замын түгжрэлийг харуулах зориулалттай электрон самбар гацаж. Ямар ч үг үсэг ч алга. Эвдэрхий ноорхой, бохир, үзэмж муу, хэвийн бус ажилладаг зүйлс биднийг алхам тутамд тойрон хүрээлдэг. Үүндээ бүр дасал болчихсон, ажирахаа ч байсан.Үйлчлүүлэхээр орж ирсэн улсаас 00-д орход нь дахин мөнгө авах үзэгдэл буруу юу? Буруу. Ер нь 00 бүх газар үнэгүй болсон хойно бид хавар шивтэр үнэртэж, амиакаар амьсгалах маань өчүүхэн багасах байх.Сангийн яамны үйлчлэгчийн багажны цүнх.Өнгөрсөн баасан гаригт Энхбаттай хоолонд орсон чинь...

Чойр шөнө

2012-01-23T20:38:00.001+08:00

Тусгайгийн дохио зангаа

2012-01-23T19:36:00.005+08:00

Сонирхолтой л юм. ~~7 тоо их эвгүй тэмдэглээ дэ, америкт бол.~~

Амьдрал

2012-01-23T14:51:00.001+08:00

Замын тэмдгүүд. 3-р хэсэг

2012-01-23T13:38:00.005+08:00

Хөвсгөл аймгийн замын тэмдгүүдийн цувралын түрүүч: нэг, хоёр. Үүгээр тэмдгүүдийг дуусгах санаатай. Надаас өөр хүн бараг сонирходоггүй сэдэв болохоор уншигчид ч залхаж буй биз.
Улаан-Уулын зогсоол.Улаан-Уулаас Ренчинлхүмбэ явах замд таарсан гүүрний даац заасан анхааруулах тэмдгүүд. Хуучин тогооны жигнүүр байсан төмөр ашигласан гэмээр юм.Нөгөөх нь "Туслах зам" тэмдгийн дунд анхаарлын тэмдэг зурахдаа гурвалжинг зөв харуулахаа мартаж.Ренчинлхүмбийн хүүхдүүд.Баянзүрх сум хэдэн зуун шонгоор гудамжаа хашиж.Арбулаг суманд "Орох хориотой!" тэмдгийг гоё шонгуудад хаддаг юм байна.Аймгийн төвийн зогсоолууд.

Спортын аз

2012-01-23T11:48:00.000+08:00

90 дахь минут, тоо адил 2 байхад шүү дэ.

1-р ангийн дэвтэр

2012-01-23T10:15:00.000+08:00

UPD 2012.01.23 10:15
3 жилийн өмнө өөрийн дэвтэр нийтлэгдэж байсан. Энэ удаад охины.2009.04.10 13:55
Хэдэн өдрийн өмнө нандийн зүйл ухаж олсон. 1-р ангийн тооны болон орос хэлний дэвтэр, нэмээд 2-5 дугаар ангийн дневник. 1 дүгээр ангид дневник байсан эсэхийг санахгүй байна. Доторхийг нь уншлаа. 20 гаруй жилийн өмнө ч гэсэн хүндэвтэр л хүүхэд байж.
1. Тооны дэвтэрний хавтас нь алга. Хадгалалтын явцад үгүй болоо биз. Ихэнхдээ 5 авсан байна (өөрийгөө магтаагүй юм шүү :)2. Анхны багш Дагестан үндэстэн байсан, түүний (орос хэлний дэвтрийг гарчигласан) бичгийн хэв энэ. 3. Орос хэл дээр дунд авч л байсан байна, хэ хэ.

УБ. Шинэ тэмдгүүд

2012-01-23T10:06:00.004+08:00

Нийслэлд шинээр хадагдсан замын тэмдгүүд.
МУИС-ийн автобусны буудлын дэргэд "Aнхаар! Гэрлэн дохио" тэмдэг нэмэгдсэн. Өмнө нь ийм тэмдэг нийслэлд хаана ч тааралдаж байгаагүй.Адил тэмдэг ордонгийн харалдаа ч мөн таарна.Хороололд таксины зогсоолууд бий болсон нь зүйтэй үзэгдэл.Төгсгөлд нь: ~~морь унасан~~ зам гарч буй толгойгүй хүн (XI хороолол).

Ишь ты, Масленица

2012-01-22T23:44:00.001+08:00

Энэ армянууд галзуу хүүхэлдэйнүүд хийдэг байсан юм шүү, хэ-хэ.
Хамгийн сонгодог нь: В синем море, в белой пене.
Өнөөдөр ээлжит хүүхэлдэй. Ингэхэд, ихэнх хүүхэлдэйн кинонуудынх нь ая төстэй.

S-night нэвтрүүлэг. 4-р хэсэг

2012-01-22T17:38:00.000+08:00

Өмнөх дугаарууд: нэг, хоёр, гурав.
Энэ удаагийн сэдэв - мэндчилгээ. Манай ард түмэн нэг нэгэндээ олон нийтийн мэдээллийн хэрэгсэлээр мэнд дэвшүүлэхдээ гарамгай. Шугамын радионоос өөр холбооны хэрэгсэл байхгүй байхад одоо яахав, ойлгохсон. Ая дууны мэндчилгээ гэдэг нэвтрүүлэг хүртэл телевиз радиод байсан шүү дэ. Одоо интернэт юм уу утсаар гадаад дотоодод дахь хамаатан садантайгаа холбогдох боломж байхад зурагтын шууд нэвтрүүлэгрүү sms илгээх утгагүй санагддаг.
Мөн энэ ТВ9-ийнхөн бүрэн дүүрсэн толгойтой нөхдүүд гэдгийн баталгаа - ирж буй sms-үүдийг латинаас кирилл рүү хөрвүүлсэн байгаа юм.
Нутаг ус, хөдөө хотоороо ялгарсаар байгаа биз? Жалга довын үзэгдэл манайд хэзээ ч арилахгүй байх. За яахав, аймгийнхандаа бичсэнийг нь өршөөе. Аав ээж, амраг садандаа бичдэг нь хамгийн тэнэг. Зэргэцэц сууж байгаад бичиж байгаа да, аягүй бол. Зурагт хамт үзэж cууснаа гэнэт - сюрприз, энийг хардаа! 5 үгний 3 нь хайр.Хэн нэгэн хаа нэг газар эгчийгээ ч байна уу, бурханыг ч байна уу, намынхаа даргыг шүтэж явдаг нь надад огт сонирхолгүй шүү дэ.Баярын уур амьсгал нь удаан гардаг хүмүүс ч байна.Дээрх бүгдийг нэг үзэгч яг зөв тодорхойлж.

Хотын төрх

2012-01-21T22:53:00.003+08:00

Улаанбаатар нийслэлээр маань юу байна? Сонин содон нэртэй газрууд л их байна.
Чанар сэнгэнэсэн дэгжин газрууд ч байна.
Хуучны уриаг ч ашигласан газар байна. Лого нь бүрэн (_|_) гэдгийг нь хэлэх нь зүйтэй байх.Шууд тетрисын дүрсүүд бууж байгааг дүрсэлсэн бол гоё болохгүй юу.

Tree of Type

2012-01-21T22:20:00.002+08:00

Шрифтийн мод.Дэлгэрэнгүй сонирхолтой мэдээлэл: http://imprint.printmag.com/daily-heller/tree-of-type/?utm_source=rss&utm_medium=rss&utm_campaign=tree-of-type

Robo-rainbow

2012-01-21T22:04:00.000+08:00

Чийдэн

2012-01-20T20:40:00.000+08:00

2012.01.20 20:40
Жадамбаагаас мэйл ирж:

Блог дээрээ чийдэнгийн талаар пост гаргачихсан байхаар Монголика гэдэг газрын чийдэнгийн зургыг явууллааа. Өчигдөрхөн авсан шинэхэн зураг шүү.

Бас содон шийдэлтэй байна лээ. Харин тусгалын хувьд тийм сайн биш санагдсан.

зургын чанар утсаараа авсан болохоор (_I_) байх шүү хэхэ2012.01.20 11:51
Лениний хэлсэн нэг үг бий: Коммунизм – это Советская власть плюс электрификация всей страны. Эндээс хурдан халалтын (вольфрам голтой) чийдэнгүүдийг "лампочка Ильича" гэдэг болсон. Энэ чийдэн нь хурц гэрэл цацруулдаг, гэрлийн туяа шар өнгөтэй болохоор дулаан өгч буй мэт байдаг.Гэвч сүүлийн үед эрчим хүчний хэмнэлттэй чийдэн гэдэг балай зүйл гарч ирсэн. Ийм чийдэн нь хүйтэн цагаан юм уу хөх өнгийн гэрэл өгдөг. Гол нь үлбийсэн гэрэлтүүлгэ өгдөг дутагдалтай.Чийдэнтэй холбоотой бас нэг пост бий шүү нөхдөө.

Хөх толбот хүмүүс

2012-01-18T12:20:00.003+08:00

Самбарыг нь харахлаар уунгаруудын тухай кино байх гэсэн бодол төрөхөөр.Үзсэн хүн сэтгэгдлээ хуваалцаач. Үзэх хэрэг байна уу, цагийн гарз уу?

WU LYF - Dirt

2012-01-18T06:00:00.001+08:00

WU LYF (Woo Life) - World Unite Lucifer Youth Foundation.

Замын тэмдгүүд. 2-р хэсэг

2012-01-17T20:01:00.008+08:00

Сумын төвүүдэд хамгийн их таардаг тэмдэг зогсоолынх гэдгийг энэ пост харуулна. Үндсэндээ тэмдэгтэй тэмдэггүй сумын төвийн дуртай газарт зогсож болно. Тэр чигээрээ том зогсоол шүү дэ. Түр болон бүр зогсох хориотой тэмдэг зоосон сумын төв хуруу дарам цөөн биз (том суманд магад, жишээ нь: Сэлэнгийн Мандал). Хот яг эсрэгээрээ: зогсоол нь цөөн, хориглосон газар нь их. За тэр яахав, Хөвсгөлдөө анхааръя.
Эрдэнэбулган сум. Байгаль нь янзын гоё. Хэрэв намайг цөллөгөнд илгээхээр болж эцсийн хүсэлтээ хэл гэвэл "Эрдэнэбулганруу цөлөхийг хүсье" гэх байх, хэ-хэ.
Сумын төвд хурдны дээд хязгаарыг зааж өгч. Яагаад гар хийцийн тэмдгүүд дээр тоо болон дүрсийг тэгш хэмтэй зурж бичиж чаддаггүй юм бол? Заавал саарийсан муруй хазгай зүйл хийж байж сэтгэлийн таашаал авдаг юм шиг.Тус сумын төвд ахадсан тэмдэг.Шаргал "кирпич".Анхаар! Ижил замын уулзвар. Үнэндээ Эрдэнэбулган сумын төвд буй бүх тэмдгийг өнөөдөр ховхолоод авлаа гэхэд замын хөдөлгөөнд нь ямар ч өөрчлөлт гарахгүй.Төгсгөлд нь 2 зогсоолын тэмдэг. Хэрэв та нар анзаарсан бол бүх тэмдгүүдийн шон мод байгаа. Энэ чинь Хөвсгөл шүү дэ, мод хэзээ ч дуусахгүй мэт загнадаг газар.
Дараачийн сум - Чандмань-Өндөр. Энэ газар тэмдгийн шонг банзаар хийж, түүнийгээ алаглуулж буддаг юм байна.Алаг-Эрдэнэ сум болон Хатгал тосгоны зогсоолууд.Хатгалаас Улаан-Уул явах замд таарсан хөөрхөн тэрэг.

Кукрыниксы - Странные дни

2012-01-17T19:03:00.003+08:00

Тэнүүлчид

2012-01-17T17:00:00.002+08:00

Тэнэсэн улс осолтой. Явуулын газар ямар байдаг билээ? Вокзал, боомт хотууд г.м. Тэнэж аз жаргалаа хайсан хүмүүс ихэвчлэн хүнд өнгрөснийг туулсан байдаг. За одоо жаахан глобал хэмжээнд төсөөлцгөөе: нэг өдөр дэлхий дээр харийнхан ирлээ. Бидний танихгүй, мэдэхгүй оюун ухааны төлөөлөл гэсэн үг шүү дэ. Хүмүүс бид огторгуйн хязгаар уудамд ганцаар биш юм байна, шинэ соёл иргэншилээс сурч мэдэх болон солилцох зүйл их гэж хөөрөх байх.
Тэгсэн чинь... нөгөө харийхан нь тэс ондоо санаа агуулж байвал яахав, хэ-хэ.
Шинэ тивүүдийг нээх үед юу тохиолдож байсныг санах хэрэгтэй. Испаничууд Америк тивд хүмүүнлэгийн туслалцаатай лав очоогүй. Ижил угсааны, биологийн нэг зүйл анги шинэ газар ирээд нутгийн оршин суугчид өөрсдөөс нь сул доройг мэдэнгүүтээ дураараа дургиж байхад ондоо зүйл анги, оюун ухаан юу ч хийж болно.

Woodkid - Iron

2012-01-17T10:26:00.001+08:00

Фризер, падаан

2012-01-16T19:22:00.003+08:00

Орос хэлнээс монгол хэлэнд нутагшсан үг олон. Хүн болгоны мэддэг боловч яг ямар үгнээс үүссэнийг нь төдийлөн мэддэггүй 2 үг: фризер, падаан.
1. Фризер - Переезд. Төмөр замыг хөндлөн гарсан авто гарамыг хэлнэ.
Жишээ: Өнөөдөр өглөө ЗЦ-ын фризер дээр бүтэн цаг бөглөрөөд, бензин дуусаад, ёстой нусаа хацартаа наалаа!
2. Падаан - Подано. Өргөн барьсан, хүсэмжилсэн гэсэн утгатай үг өөрчлөгдөж ийм болж.
Жишээ: Миний ширээн дээр байсан зарлагын падаан дээр ямар амьсгаа нь кофе асгачихваа!
Десерт - пацанки :)

ГСА. Бичээсүүд

2012-01-16T17:26:00.002+08:00

Худалдаа хөгжлийн банкны "Хөгжил дэвшилд хамтдаа" уриаг нутгийн мэргэжлийн сургалт үйлдвэрлэлийн төв өөд нь татаж.Энэхүү самбарны ард Говьсүмбэрчүүд немцүүдэд талархснаа илэрхийлж.Зүгээр ч нэг илэрхийлээд зогссонгүй.Товчхондоо: make love, not war.

Холимог хуурга

2012-01-16T16:09:00.002+08:00

Гар утсан дээр хуримтлагдсан зурагнаадаас ээлжит бичикхээн холимог хуурганы порц гаргалаа.
Сүүлийн үед капотоо үсээр бүрсэн хөнгөн тэрэгнүүд цөөнгүй тааралддаг болсон. Дээр үед 30, 53-уудын хамар ширээр бүрэгдсэн байдаг байж билээ.XIII хороолол. Аист-тай сурталчилгаа.1-ийн 34-р кабинет. Физикийнх хэвээрээ бөгөөд самбар нь дээш доош гүйдэг нь ч хэвэндээ. Хичээл орж байсан болохоор дотогш нэвтэрсэнгүй. Самбарын дээхнэ "Физик бол оюун ухааны дээд зэргийн цэнгэл мөн" гэсэн Ландау-гийн үг өлгөөтэй. Ландау биологч байсан бол "С... бол бие махбодийн дээд зэргийн цэнгэл мөн" гэж хэлэх байсан бөгөөд энэ үгийг нь хаана ч хадахгүй байсан нь ойлгомжтой.5 дахийн орой 6 өнгөрч байхад Их засагийн харалдаа хүнд цуваатай таарсан. Зургийн чанар (_|_) байгааг уучилна биз, харанхуйд гар утас ингэж л дарж байна. Уян холбоогоор нэг машин (Isuzu Wizard) өөр хоёр тэрэг (дунд нь ямар ч гэрэлгүй, асдаг ч шинж байхгүй Isuzu Trooper, хамгийн сүүлд Toyota Marino) чирээд хөдөлгөөнд оролцож байв. Дүрмээр хориглодог юм (хатуу холбоогоор зөвшөөрдөг).

S-night нэвтрүүлэг. 3-р хэсэг

2012-01-16T15:01:00.007+08:00

S-night нэвтрүүлгийн ээлжит хэсэг нийтлэгдэхэд бэлэн болоод байна. Түрүүчийн 2 дугаарыг (нэг, хоёр) уншигчид санаж байгаа байлгүй дэ.
Киногоо таслуулсан үзэгч чихрээ булаалгасан хүүхдээс долоон дор аашилдаг юм байна. Хөөрхий уран бүтээлчлрүү хамаг уур хилэнц, хараалын урсгал чиглэсэн нь харамсалтай.Хайр дуулдаг нас юм уу л гэнэ.Нэг нөхөр тасарлаа л гэнэ. Орон нутагт зурагт нь тасрах гээд байгаа юм уу өөрөө тасарч унах гээд байгаа юм уу тодорхойгүй.ТВ9-ийг хараахаа бас мартахгүй ээ, манай үзэгчид.Хараалыг нь шүүгээд эхлэхээр уран ухаан сэдэж үгнүүдээ хувиргана.Төгсгөлд нь: хайрын сэдэвтэй казах үзэгчийн sms :)

Хоосон SMS

2012-01-16T10:54:00.003+08:00

Хүүгийн гар утаснаас хааяа хоосон sms ирдэг юм. Дүү нь утсаар нь оролдож байгаад илгээчихдэг болж таарсан. Aav гэсэн контакт хамгийн эхэнд байрлаж байгаа шүү дэ, хэ-хэ.

Micom-ын тухай

2012-01-16T09:50:00.000+08:00

2012.01.16 09:50
Би Micom (одоо Цахилгаан холбоо нэртэй болсон) компанитай дахиж зууралдна, пост бичих дээрээ тулна гэж хар даарсан зүүдэндээ ч төсөөлөлгүй явлаа. Аль нодинон жил энэ балай газраас гэрээгээ цуцалсан. Албан бичиг илгээж одоо ингээд үерхэлээ цэглэе гээд салцгаасан да. Гэвч мэйл хаяг гэж зүйл эднийх дээр хоцорсон юм, mongol.net өргөтгөлтэй. Байгууллагын хаяг бөгөөд олон түмэнд тархчихсан, танилцуулга материалууд дээр хэвлэгдчихсэн байдаг болохоор солиогүй. Тухайн үед үхсэн баас гээд л зүтгэдэг байж, нэг мөр э-шуудангаа ч солиод. Одоо л амаа барьж байна. Учир нь...
Өнөөдөр өглөө ажил дээрээ ирээд шуудангаа шалгатал мэйл 20-нд хаагдлаа шүү, төлбөрөө төл гэсэн утгатай захидал ирж. Тэгсэн мөртлөө нэхэмжилэх нь байхгүй. Утасдаад нэхэмжилэхээ факс юм уу э-шуудангаар илгээгээч гэсэн чинь... эхэлж нэг хөлдүүгийн туйл гэмээр нөхөр урдаас ADLS яриад, би монгол хэлээр интернэт хамаагүй, үйлчилгээ авахаа болид жил болж байна, зүгээр шуудангийн хайрцагны нэхэмжилэх илгээчих гэж 6-7 хэлээд ойлгуулж чадаагүй. Улмаар ондоо ажлаа мэддэггүй нөхөртэй утсаар ярив. Би гэрээгээ цуцлаагүй болж таараад, одоо 2003 онд байгуулсан гэрээгээ барьж очиж цуцлах ёстой юм гэнэ, ха-ха. Сэрүүн зүүдлээрэй, тэр гэрээг чинь аль дээр цуцлаад, төлбөр тооцоо дууссан байгаа гэж 1000 тайлбарлаад ойгохгүй байна лэ. Яачихсан заяа нь хаясан газар вэ?!
Сая факс-аар нэхэмжилэх нь ирж байна. Зүгээр д мэйл-дээ хавсаргаад илгээчих баримтыг ингэж хүндрэл болгох ч гэж дэ. Бүтэхгүй ээ.

2010.05.28 07:59
2003 оноос хойш манай байгууллага Цахилгаан холбооны Micom ISP-ийн үйлчилгээг авсаар ирсэн. Сүүлийн үед энэхүү компаний үйл ажиллагаа нэг л бишээ. Урд нь ч гялалзаад байсан юм байхгүй л дэ, хэ хэ.
Сар болгоны эцсээр э-шуудангаар нэхэмжилэх ирдэг байсан. Энэ сард ирээгүй. Төлбөрөө мартаад төлөөгүй байв. Яг ажлын дундуур ямар ч сануулгагүй нэт салгачихсан. Тэгээд утсаа авнаа - гонж. Мөнхийн "занято", эсвэл дудаад авдаггүй. Нэг үгээр - та бидний сайн мэдэх (_|_) үйлчилгээний яруу тод жишээ.
Зовж зовж холбогдоод гүйлгээ одоо хийчихнэ, түр залгах боломж байна уу, манайх танайхтай удаан л хамтран ажиллаж байгаа байгууллага да гэж гуйхаар урдаас эрхий хуруугаа долоовор, дунд хуруунуудынхаа завсараар харуулна. Заавал төлбөрийн даалгавараа факсаар илгээж байж эрхээ нээлгэх юм гэнэ дэ. Нэхэмжилэхээ хуучин шигээ э-шуудангаар илгээж байлдаа гэхээр нэхэмжилэх илгээсэн илгээгээгүй өөрсдөө мэдээд шилжүүлэхгүй яасан юм, цаашид ч мэйл-ээр илгээхгүй, сар бүр биеэр ирж нэхэмжилэхээ авч бай гэж үлгэр шиг зүйл урдаас донгосох юм. Төлбөрөө төлчихөөд, факсаар баримтыг нь илгээчихээд байхад ч гэсэн нэт орж ирээгүй. 20 мин. зогсоо зайгүй залгаж байж санхүүтэй нь холбогдохоор бид нээсэн, инженерүүдрүү залга гэв. Нөгөөдүүл нь утсаа авнаа - холуу очиж хуц. Би мазохист биш тул ийм үйлчилгээ надад ер таалагдахгүй байна. Энэ чигээрээ үргэлжилэх юм бол ISP-ээ солино до.
Гайхалтай нь, цахилгаан холбоо байж алба бүр нь ганцхан дугаартай, салаалаагүй. Хэдэн мянган хэрэглэгч дунд 1 дугаар, 1 оператор л үйлчилнэ. Энэ бол аймшиг, арчаагүй байдал, тус компаний царай.
Полный 3,14zдец, господа!

Замын тэмдгүүд. 1-р хэсэг

2012-01-16T08:30:00.000+08:00

2011 оны 8-р сар. Архангай, Хөвсгөл. Замын тэмдгүүдээс бүрдсэн 3 пост нийтлэгднэ.
Архангай, Цэцэрлэг хот. Зургаан өнцөгт тэмдэг өдөр болгон олж харахгүй л байх.Архангай, Тариат. Гар хийцийн 2 тэмдэг. 5 тонны даацын тэмдэг үнэн гоё хийгдэж.Эндээс Хөвсгөлийн сумд эхэлнэ. Жаргалант. Зогсоолын тэмдгүүд.Шинэ-Идэр. Бас зам салаалнаа?Түнэлийн 3 тэмдэг. Анхаар болон такси зогсоол тэмдгүүд сумын төвд урд нь олж харж байгаагүй юм байна.Тариалангийн тэмдгүүд. Цайны газар тэмдэг нь гоё юм.

Хойд Солонгос ба Куба

2012-01-15T23:42:00.000+08:00

Хувийн бодол.
Боломжтой бол ойрын үед Куба болон Хойд Солонгост очиж үзэх хэрэгтэй.
Учир нь: эдгээр улс өнөөдөр байгаа шигээ дахиж хэзээ ч оршихгүй. Кубад Фидель өөд болоход л өнөөдрийн Куба биш болно. Хойд Солонгос ч гэсэн одоо удахгүй өөрчлөгднө, яарахгүй бол.
Бусад газрууд бол яахав дэ, байдгаараа л байж байна, тэр тусмаа жуулчилал хөгжсэн цэгүүд яагаад ч алга болохгүй.

Flexing Bonebreaking

2012-01-14T17:40:00.000+08:00

Гайхамшигтай.

Osmo ба Dell

2012-01-14T16:45:00.006+08:00

Үл хөдлөх хөрөнгийн зууч Osmo шинэ логотой болж.Харин энэ Dell.

Юрий Антонов - Не забывай

2012-01-14T16:09:00.000+08:00

Флоренцийн тэмдгүүд

2012-01-14T15:28:00.004+08:00

Флоренцийн замын тэмдгүүдийн тухай мэдээлэл таарлаа.Хуучны танил.
Ийм хувилбар ч гэсэн байдаг юм байна.

Хоригдлуудын бүтээл. Ленин

2012-01-14T14:54:00.004+08:00

"Суд идет!" сэтгүүл, 1925 он.

Говьсүмбэр. Чойр

2012-01-13T14:58:00.002+08:00

Би Боржигон овог гэхээр яагаад ч юм Хэнтий аймагтай холбоотой ургийн нэр гэж бодож явсан. Тэгсэн Говьсүмбэрт бүх юм нь Боржигон байв.Аймгийн төв нь маш жижиг. Зүүнхараа, Хархорин г.м. том сумын төвөөс бараг жижиг байх. Хүн ам цөөтэй, байр байшингууд нь тархай бутархай. Машин тэрэг бараг явахгүй, хөдөлгөөнд оролцож буй нэг нь ер нь л давхичих гээд л.ЗДТГазар. Нутгийн удирдлагын ордон гэж нэрлэх явдлыг хэн санаачилсан юм бол? Манайхан сүрлэг нэрэнд нугасгүй юмаа. Тауэр, плаза, центр, ордон, вилла, таун, өөр юу ч билээ цус. Ганц зөв зүйл хийж. Оросууд хаяад явсан эзэнгүй байруудыг сэргээн засварлаж иргэдээ оруулж байна. Ингэхдээ орц орцоор нь байгууллагуудад өгсөн байгаа юм. Дотор заслыг нь иргэд өөрсдөө хийгээд орсон гэж ойлгосон. Нэг ч цагдаа Чойрд харагдаагүй.
Уналтын байдалд удаан байж байгаад одооноос л нэг юм сэргэж, хөрөнгө оруулалт татаж, байшин барилга нэмэгдэж буй газар байна. Хуучин цагт ч гэсэн Чойр хаданд хавчуулагдсан халиуны зулзага шиг өрөвдмөөр байсан шүү дэ, нэг Төв аймагт ороод, нэг бол Дорноговьд харъяалагдаад.

Death Cab for Cutie - Underneath The Sycamore

2012-01-13T10:24:00.000+08:00

Beats By Dr. Dre

2012-01-13T10:06:00.001+08:00

Энэ ёстой гоё чихэвч байна лэ. Бодь-ийн Apple-ийн дэлгүүрт зарагдаж байгаа.

Өчигдөр орой

2012-01-13T09:39:00.004+08:00

Өчигдөр оройны фотонууд.
Чингис pub-ын цэс. Жадамбаа, болгоомжлоорой.СУИС-ын урд дарсан кадр. Нийслэл хотдоо ийм сайхан зүйл олж харна гэж зүүдлээчгүй явлаа. Цоолтуур ашиглаж шүршсэн нь тодорхой. Энийг хийсэн хүнд томоос том респект.

§175

2012-01-13T09:32:00.002+08:00

Одоо л Берлинд гей парад зохион байгуулагдаж баридаг болсноос биш өнгөрсөн зууны эхэнд бол ширүүн тэмцдэг байсан юм.

Ренчинлхүмбэ. Уул үүл

2012-01-13T09:08:00.004+08:00

Бараг кадр болгонд эсвэл шонгийн мод, эсвэл цахилгааны утас орж зураг бузарлаж. Дарж байхдаа анзаараагүй нь харамсалтай.

Познавательно

2012-01-12T18:00:00.000+08:00

Ничто так не сближает людей, как один вариант на экзамене.
Умный ошибок не повторяет, мудрый не совершает, дурак - не замечает.
Как много человеку мало.
Совет: если на минусы в жизни смотреть сквозь поднятый средний палец - они будут плюсами!
Запомни: никому не отвечай, когда ты зол, ничего не обещай, когда ты счастлив, никогда не решай, когда ты грустен.
Жизнь — как детская рубашка: короткая и обосранная.
Человек — как жёлудь: кругом одни дубы и любая свинья тебя может сожрать.

Фролов - Евровидение

2012-01-12T17:35:00.000+08:00

UPD 2012.01.12 17:35
Сая гэнэт энэ бичлэгийг санаад.

UPD 2010.09.08 16:05
Ийм сайхан зүйлийг дахиж нэг нийтлэхгүй бол болохгүй. 1:25-аас нь үзэх хэрэгтэй.

2010.07.30 23:42
Артемий Троицкий нэртэй рок-сэтгүүлч бий. Өвөрмөц зүйл ярьдаг нөхөр дө.
Ямар ч мөнгө төгрөггүйгээр, тэг төсөвтэй ч гэлээ сайхан зүйл бүтээж болдгийн жишээг үз.

Фото цуглуулга

2012-01-12T15:58:00.003+08:00

Хархорин зах. Гарт нь сэлэм, жад юу ч байгаагүй билүү? Сандаггүй ээ. Тэр зурагтын антенна-тай янзын сайхан зохицож байна.
Дашваанжил хийн лого жинхэнэ трэш.Энэ лого дутахгүй. Дээр нь юу ч бичихгүй, дүрслэхгүй юм бол тэр цэнхэр туузаар яах юм?Батцэнгэлээс сууж ирсэн ачааны машины "бардачок"-ын түгжээ.Сонсголон. Онцлог хэлбэртэй хориглох тэмдгүүд.
Төгсгөлд нь - тооройнууд. Охины тоглоомууд. Гахай жилтэй юм.

Ренчинлхүмбэ. Деталиуд

2012-01-12T15:23:00.004+08:00

2011.08.15-16.Сумын төвийн гэрэлтүүлгэ.Цэцэрлэгийн анааш.
Энд араам (рама) зангидаж хашаа хийдэг онцлогтой юм байна.Банзнуудыг нь хадах ч шаардлага алга бололтой.Дийлэнх байшин хүрэн өнгөтөй. Цонх - цагаан, наличик - цэнхэр. Цонхны хүрээний чимэглэлүүд нь гоё.Дархад айлын хашаанд.Энд гүрж ногоон цайны шаардлага алга. Өөрсдийн түүсэн ургамалын цай хамаагүй дээр.Цоргоны крант хөөрхөн хэлбэртэй. Мушгирсан ийм бариул гарт маш эвтэйхэн байдаг.
Явган зам. Дархадын хотгор ч гэлээ покрышка хаяна гэж байхгүй шүү, хэ-хэ.

Хоч

2012-01-12T11:00:00.000+08:00

2012.01.12 11:00
Эмзэг сэдвээр яагаад ярилцахгүй байна?

2012.01.10 16:24
Доорх зурган дээр АНУ-ын мужуудын хочийг харуулсан байгаа.Дэлгэрэнгүйг ч сонирхож болно: http://en.wikipedia.org/wiki/List_of_U.S._state_nicknames

Муж, дүүрэг, амьдарч буй орчноос нь хамаатуулж, эсвэл болоод өнгөрсөн нэг үйл явдлаас хамаарч нэр хоч өгөх явдал дэлхийн бөмбөрцгийн хаана л бол хаана тааралддаг.

Жишээ нь хойд хөршид: Перьм хотынх бол - шорвог чихт. Энд давсны олборлолт явагддаг байсан бөгөөд шуудайтай давс зөөсөн хүмүүсийн чих нь түлэгдээд, улааж хавагнадаг байснаас үүдэлтэй хоч. Ийм жишээ хар мянга.

За одоо Америк ба Оросыг орхиод Монголд минь юу гэдгийг хамтдаа санацгаая. Битгий гомдоорой, би хэн нэгнийг нутаг ус, үндэс угсаа, шашин шүтлэгээр нь гомдоох гээгүй юм шүү. Бүгд мэддэг хэрнээ дэргэд нь хэлж чаддаггүй зүйлийг л цуглуулж байна.

Архангайн Тариатынх - танк хүлэгч.
Баянхонгорчууд - тарвага.
Булганыхан будлиантай, будаан дээрээ зодоонтой.
Дундговийн хүнийг айрагны хүүхэд.
Өвөрхангайнх - өмд гутлын хулгайч.
Сүхбаатарын сайран хөлтүүд.
Төв - шанага нь тав, шавхруу нь гурав.
Хэнтийн Жаргалтхаан - тарвага буудуулагч.

Цааш үргэлжлүүлээрэй. Нэгдсэн нэг жагсаалттай болцгооё! :-)
Үндэс угсаагаар нь ялгаварлахыг би ерөөс дэмждэггүй. Тухайлбал: Увс - баяд, дөрвөд. Хэнтий, Дорнод - буриад. Баян-Өлгий - казах. Хөвсгөл - дархад г.м. Тод жишээ: шулга торгууд.

Milwaukee Public Library

2012-01-12T09:56:00.002+08:00

Албан ёсны сайт: http://www.mpl.org/
Гоё сурталчилгаа гаргасан байна.

Чойр. Замын тэмдгүүд

2012-01-12T09:38:00.000+08:00

Чойр хотын замын тэмдгүүдийг ерөнхийд нь зүгээр болон жаахан гажилттай гэж хоёр ангилж болно.
Зүгээр.Гажилттай (машинуудыг хар).Зүгээр.Гажилттай (шлангыг хар).Зүгээр.Гажилттай (гэдийсэн хүнийг хар).Төгсгөлд нь - харь гаригийнхан.

Kiev

2012-01-12T06:00:00.000+08:00

Х.Баттулагын хэлсэн үг

2012-01-11T17:49:00.001+08:00

Энэхүү мэдээллийг сая уншлаа: http://news.gogo.mn/r/99439
Юу бодож байна? Санал сэтгэгдэл.

Файл олох арга

2012-01-11T16:33:00.006+08:00

Би та нарт google-ийг тусламжтайгаар сайтаас файл шууд олох энгийн арга хэлж өгье.
Үүний тулд:
1. Ямар сайтаас мэдээлэл олж авах гэж буйгаа мэдэж байх хэрэгтэй.
2. Ямар төрлийн файл хайхаа тодорхойлно (word-ын юм уу excel-ийн файл уу, jpeg зураг юм уу, pdf үү, ppt өргөтгөлтэй presentation г.м.)
Тодорхой жишээ авч үзье.
Сайт: http://www.registrationmongolia.com/ - Улсын бүртгэлийн ерөнхийн газар
Бидэнд Excel-ийн файл сонин байна.
google-д ороод хайлтын утга дээр нь filetype:xlsx site:registrationmongolia.com гэж бичээд Enter.
Ганц утга (буюу файл) гарч илэхлээр нь хуулаад авчихна.
Юу байна? Төсвийн гүйцэтгэлийн тайлан байна шүү дэ :-)
Эндээс бидэнд юу ил болж байна?ЗГ-ын хэрэгжүүлэгч тус агентлаг нь 2009 онд 3,5 тэрбум төгрөг төсөвөөс авч байсан бол 2010 онд 12,7 тэрбумыг залгиж. 2 жилийн дотор 707 байсан ажилчидын тоо нь 1242 болж бараг 2 дахин өссөн байна (курсортой мөрүүд). Ингэлээ гээд тус газрын үйл ажиллагаа сайжирсан уу? Цахим хэлбэрт шилжиж чирэгдэл нь багассан уу?
Энэ тухай би ойрмогхон тусдаа пост гарганаа, хэ-хэ.

S-night нэвтрүүлэг. 2-р хэсэг

2012-01-11T10:27:00.011+08:00

Үргэлжлэл. Эхний хэсгийг сонирхож болно.
Үзэгчид кино гаргахыг шаардсаар.Эхнээсээ хүмүүс хувь тавилантайгаа эвлэрч эхлэв. Хэзээ дуусах вэ? гэж асуух нь элбэгшиж байна.Орон нутгаас 1 цагаас хойш үзэх боломжгүйгээ мэдэгдэж байв. Нэмэр болоогүй. Энэ шууд нэвтрүүлэг нь 12-с эхлээд 1 цагт дууссан гэхээр яаж үзэх билээ.Зарим нөхдүүд хаа хамаагүй зүйл бичих юм уу дооёолсон зүйл илгээнэ.Мэдээж хажуугаар нь новшийн ТВ9-ийг хараасаар.Зурагтынхан хараалыг нь боломжийн хэрээр хаасан хэвээр.Энэ аймшиг дотор уран бүтээлчтэй харьцсан нь ганцхан.

Дугуй салалт

2012-01-11T10:16:00.002+08:00

Дугуйгаа чангалахгүй бол юу тохиолдох вэ?

2000 билүү 2001 он. Эрдэнэтэд томилолтоор явж байхад урд явсан москвичийн дугуй салаад өнхөрөөд алга болж билээ.

2 плакат

2012-01-11T09:35:00.000+08:00

Зураачид: А. Лебединский, С. Шухман, 1958 он.Зураач: С. Ягужинский, 1925 он.

Тоо цифр

2012-01-11T09:30:00.000+08:00

UPD 2012.01.11 09:30
Сэк яг зөв хариулт өгсөн байна.
Бодлогын нөхцлийг анх өгөхөд санаатайгаар цифрээр биш үсгээр бичсэн юм шүү дэ.

UPD 2012.01.10 15:50
Ууганаа 3 гэсэн хувилбар дэвшүүлж. Зөв хариулт биш.
Тусламж: Зүгээр л сайн ажигла, өгөгдсөн тоонуудыг.

UPD 2012.01.10 10:05
Ес гэсэн хариулт буруу л да. Өөр вариантууд алга уу?
Уншигчидаа боломжийн IQ-тай улс байдаг гэж уг нь бодож явсан юмсан, ха-ха.

UPD 2012.01.09 15:20
Товагыщи! Тааварт хувилбар илгээчих хүн алга уу?
9, 1, 2, 3, 6, ...
Гурван цэгийн оронд ямар тоо байх вэ? Амархан бодлого до уг нь.

2012.01.07 20:03
Тоо цифрүүд дараалласан, олон тэгтэй, тэгш хэмтэй, палиндром бол нүдэнд дулаахан харагддаг. Тухайлбал, гар утсан дээрээс цаг хархад:Машиныхаа миль-ийг харсан чинь:Товчийг нь дараад одометр-ээ гаргатал:Мэдээж энэ нь утасны болон машины дугаараа ижилсүүлэх, азын болгох хэрэгтэй гэсэн үг биш. Зүгээр л өдөр тутам хальт харагдаад өнгөрдөг зүйлсийн тухай ярьж байна.
Мөн далд утга санаа агуулдаг тоонууд гоё.Хамгийн хүнд машины дугаарыг мартаагүй биз? Хэ-хэ.
Харин одоо энгийн таавар. Математикийн мэдлэг энд хэрэггүй.
Дарааллыг үргэлжлүүлнэ үү: ес, нэг, хоёр, гурав, зургаа, ...
Хариултыг нэг дахь өдөр нийтэлье.

Номун эмнэлэг

2012-01-10T20:40:00.000+08:00

2012.01.10 20:40
Хүмүүс хайлтын системүүдэд "Номун эмнэлэг" гэсэн утга оруулж, улмаар энэхүү бичлэгрүү орж ирсэн тохиолдол өнгөрсөн хугацаанд цөөнгүй билээ. Би ажиглаж суунгаа "Хөөрхий дө, хэдэн тэнэг гаруудаасаа болоод нэр хүнд нь унаж л байна да" гэж дотроо боддог. Гэтэл... нохойны толгойг ширээн дээр тавьхад ширдэг дээр эргээд унана гэдэг үнэн гэдгийг мэдэрлээ.
Өнгөрсөн 7 хоногт манай гэр бүлээс нэг маань эрүү нүүрний бичил мэс ажилбарт (сурвалжийн орой тайрах гэсэн нэртэй) орсон юм. Эмч 7-10 хоног УВЧ шарлага бичиж өгөв. Гэрээс ойрхон юм болохоор 1 удаа очоод шаруулчихав. Мэдээж төлбөртэй шүү дэ. Маргааш өглөө 9 цагт ирээрэй, хүн их болчихдог юм гэхээр нь өглөө очсон чинь... новширдог юм да. Яг 9 цагтаа очиж байхад шүү дэ. Хэвтэж эмчлүүлэгч их байна, гаднаас ирсэн хүнд үйлчлэхгүй гэж авсан. Гайхамшигтай.
Ийм донгио, унхиагүй хүмүүстэй ярих ч шаардлага байхгүй. Учир нь тархинд нь ямар ч нугалаа нугачаа байхгүй, толгой дээрх хунирсан ганц зүйл нь малгай нь.

2010.10.05 15:05
Нэг удаагийн үйлдлээр бүхэл бүтэн эмнэлгийг новшийн үйлчилгээтэй гэх нь буруу байх.
Гэхдээ сая надад новшийн хандсан болохоор би байгаа зүйлийг байгаагаар нь буюу новшийноор нь дуудчихая. Ингэлээ гээд надад санаа зовох зүйл алга.

Болсон үйл явдлыг дарааллын дагуу бичье: охины хоолой нь өвдөөд халуураад байгаа, сүүлийн 2 өдөр. Тариа тарихгүйгээр антибиотикоор эмчлээд үр дүнд хүрээгүй тул өчигдөр оройноос хүссэн хүсээгүй тарьж эхлэв. Би том хүн тарьж чадна. Хүүхдээ зөөлөн гартай хүнээр тариулах гээд эмч эгчээрээ хийлгээд байгаа. Сая 3 цагийн тариаг ажил төрөлтэй хүнээр яаж хийлгэхэв, гэрээс хамгийн ойроор нь Номун гэдэг эмнэлэгт тариулчих санаатай өөрөө эхэлж очиж асуув. Булчин болон судас тариа хийдэг (харгалзан 1000, 1500 төг.), эмчийн бичигтэй байх хэрэгтэй гэсэн мэдээллийг үүдэнд сууж байсан авгай өгөв. Би үнэн учраа тайлбарлаад, охиндоо булчингаар пинициллин тариулах гэсэн юм гэв. Авчраад тариулаа гэсэн. Гэртээ орж охиноо хувцаслаад, тариа, шприцтэй нь аваад эргээд очтол ондоо хүүхэн үүдэнд нь сууж байв. Эмчийн бичиггүй тарихгүй гэж шууд даналзаад эхэлсэн. Би: "Хэзээнээс пинициллин аптекаас эмчийн жороор гарч, бичгээр таригддаг болсон юм бэ? Энэ чинь судас тариа биш, бүтэн, найруулаагүй ампултай тариа би авчирлаа шүү дэ. Үүнээс илүү юу шаардлагатай байна? Би хүүхдээ л өвчин багавтар тариулахаас өөр зүйл хүсээгүй" гэсэн. Дуртай дургүй "Тэр өрөөнд ороод тариагаа хийлгэчих" гэж өөдөөс харсан өрөөг заав. Нөгөө өрөөнд нь орсон чинь бас нэг тангараг өргөсөн сувилагчийн оромцог сууж байдаг юм да. Бүх яриаг тэрбээр сонссон байж таараа, би яг үүдэнд нь байсан юм чинь. Урдаас шууд "Би завгүй шүү. Дээрээс тарианы ээлжтэй сувилагчаа дуудна биз" гэдэг байгаа. Би хэр баргийн юмыг тоохгүй өнгөрөөдөг. Гэнэт дургүй хүрээд: "Та нар чинь 1-рт тангараг өргөсөн улс, 2-рт эмнэлэг нэртэй үйлчилгээний газар. Хүүхдэд нэг тариа хийгээд өгчих сэтгэлгүй новшийн дотортой шаарнууд юм да" гэж хэлээд гараад ирлээ. Ийм арчаагүй улс хаанаас бий болдог байнаа, 3,14z гэж. Эмнэлэг новшийн сэтгэгдэл төрүүлэхэд 2 ажлаа хийдэггүй урод байхад л хангалттай юм байна.

Алексей Горшенев - Шальная жизнь

2012-01-10T20:03:00.003+08:00

Би дээр нэг цомогны тухай бичиж байсан. Тус цомогны дуунууд нэт-д хараахан тавигдаагүй байгаа болохоор сонсгож чадахгүй байгаа нь харамсалтай.
Хайсаар байж youtube дээр ганц билчэг оллоо. Клип биш.

Үнэндээ Сергей Есениний "Письмо к женщине" шүлэг байгаа юм.
Дээрх цомгийн татаж авахыг чин сэтгэлээсээ зөвлөж байна. Би ойрд ийм сайхан зүйл сонсоогүй.

Нийслэл ба Miller

2012-01-10T11:29:00.002+08:00

Нийслэл шар айрагны шошгыг харах тоолонд бичиг нь надад өөр нэг шар айрагны бичээсийг санагдуулаад байдаг байв.Эврика!

Холимог хуурга

2012-01-10T10:15:00.004+08:00

Сонсголон дахь Мишээл эмнэлэг. Ladies and Gentlemen.Хойд Солонгосын ЭСЯамны гадна. Сая үндэсний эцэг нь өөд болох үед эдний хөл хөдөлгөөн ихэссэн. Хашаандаа жагсаад л. Анзаарах юм бол дан эрчүүд, цөм ижил загварын (цэнхэр ба ногоог өнгийн) куртка өмссөн байгаа.Ачааны лифтний удирдлагын товчлуурууд.
МетроЕкспресс-д Арьсны өвчин судлалын төвөөс олгосон тодорхойлолт.Олон түмний цаг зав, нервийг бархад ганц урод дебил байхад л хангалттайн жишээ.

Есөн ес

2012-01-10T10:00:00.000+08:00

UPD 2012.01.10 10:00
Уншигчаас өөр нэг хувилбар ирлээ.

Нэг 9-д яах вэ? Нил утаа болно
Хоёр 9-д яах вэ? Хор нь улам ихдэнэ
Гурван 9-д яах вэ? Гамшгийн хэмжээнд хүрнэ
Дөрвөн 9-д яах вэ? Дөрвөн зүг харагдахаа болино
Таван 9-д яах вэ? Тархсан утаа татарна
Зургаан 9-д яах вэ? Зам бүртийж харагдана
Долоон 9-д яах вэ? Хотын өнгө харласан байна
Найман 9-д яах вэ? Нарны туяа тодорч харагдана
Есөн 9-д яах вэ? Ерийн утаатай болно.

2012.01.09 18:18
Зээг. Цөмөөрөө есөн есийг санацгаая. Юу гэдэгсэн билээ?

Нэг есөд яах вэ? Нэрмэл архи хөлдөнө
Хоёр есөд яах вэ? Хорз архи хөлдөнө
Гурван есөд яах вэ ? Гунан үхрийн эвэр хуга хөлдөнө
Дөрвөн есөд яах вэ? Дөнөн үхрийн эвэр хуга хөлдөнө
Таван есөд яах вэ? Тавьсан будаа хөлдөхгүй
Зургаан есөд яах вэ? Зурайсан зам гарна
Долоон есөд яах вэ? Довын толгой борлоно
Найман есөд яах вэ? Нал, шал болно
Есөн есөд яах вэ? Ерийн дулаан болно.

Хэрэв та нар анзаарсан бол эхний 2 мөрөнд архи, 3-5 мөрөнд үхэр болон будаа дурдагдаж байна.
Хотол олон чухал ач холбогдол өгдөг байсан зүйлийг л ардын аман зохиолдоо мөнхөлнө гэж би бодож байна. Архиа уучихна, үхрээ чанаад идчихнэ, шөлөн дээр нь будаа хаячихна.

Aryz & Grito

2012-01-10T06:00:00.000+08:00

Говьсүмбэр. ЗДТГазар

2012-01-09T15:36:00.002+08:00

Тамгын газарт засвар ороод удаагүй бололтой. Цэвэрхэн л юм.Гэхдээ энэ чинь Монгол шүү дэ нөхдөө! Ямар нэг зүйлийг монголчлохгүй бол үндэстэн мөхөх аюултай, хэ-хэ. Цахилгааны монтаж бахархал төрүүлэв.Мөн зарим деталиудыг засалгүй орхиж.

S-night нэвтрүүлэг. 1-р хэсэг

2012-01-09T10:33:00.000+08:00

Хагас сайн өдрийн үдэш болсон үйл явдал. Ажлаасаа нилээн орой орж ирээд хоол цайгаа уучихаад ганц кино үзчих санаатай суваг сольж суув. ТВ9 дээр Кевин Костнерийн тоглосон кино гарч байна. Урд нь үзээгүй кино байсан болохоор сонирхоод цааш суваг эргүүлэхээ болив. Тэгтэл яг 12 цагт киног дундуур нь таслаад S-night нэртэй нэвтрүүлэг цацагдаж эхлэв.Шууд нэвтрүүлэг байсан бөгөөд СТА Цогтдэлгэр оролцсон. Би мань эрийг сүүлдээ тоглоомчгүй өрөвдсөн. ТВ9-ийн хариуцлагагүй ажилчидын золиос болж есөн бусаараа дуудуулсан да. Өөрөө эфирт гарч буйдаа баяртай байх шиг байна лэ, тэр доор нь хүмүүс юу бичиж буйг мэдэх биш дэ хөөрхий.Нэр төрөө сэргээлгэхээр шүүхэд хандсан ч болно гэж үзэж байна (мэдээж үзэгчидээс биш ТВ9-с нэхэмжилэх хэрэгтэй). Үзэгчид ч үзэгчид дэ, ямар ч уран цэцэн үгтэй юм.Нэвтрүүлэг эхлэх үед би юу болж буйг сайн ойлгоогүй, сурталчилгаа юм байх гэтэл шууд ярилцлага аваад эхэлсэн. Ядаж байхад телевизийн тэнэгүүд SMS хүлээн авдаг нь ч юув дэ. Киногоо дундуур нь тасдуулсан хүмүүс харин ч нэг хэлдгээ хэлсэн дэ. SMS авдаг систем нь бас гажигаа. Ө, Ү үсэгнүүд гардаггүй, урт SMS багтахгүй г.м. дутагдалтай. Гэхдээ уншигдаж л байгаа юм л да.ТВ9-ийг мөн адил есөн шидээр нь дуудсан. Эзнээ олсон шүүмжлэл.
Зарим улаан цайм доромжлол, хараалыг шүүж байх шиг байна лэ. Ийм мессеж маш их байсныг онцлох нь зөв.Дийлэнх олонх sms кино гаргахыг шаардсан утгатай байв. Юун тэр уран бүтээлчээс юм асууж барих.Телевизийнхэн хариу өглөө.Гэвч тэрийг нь хэн ч тоосонгүй.

Petersburg & Peterhof

2012-01-09T10:07:00.000+08:00

Aquasana

2012-01-09T09:20:00.000+08:00

..:: СУРТАЛЧИЛГААНЫ ПОСТ ::..
Ажлын газрын хүн аль дээр л бүтээгдэхүүн танилцуулсан ганц пост гаргачихаарай гэснийг нь би мартаж орхиж. АНУ-аас оруулж ирсэн цэвэр усны шүүлтүүр байгаа юм. 2010 оны эрүүл мэндэд ээлтэй бүтээгдэхүүнээр шалгарсан шүүлтүүрүүд.
1. Бүтээгдэхүүний сайт: http://www.aquasana-mongolia.com
2. Янз бүрийн шүүлтүүр үйлдвэрлэгч компаниудын харьцуулалт судалгаа: http://www.comparewalterfilter.com/best-water-filters/
3. Усны талаарх нэвтрүүлэг (2 хэсэг): http://youtu.be/dP9kLVs01Lc болон http://youtu.be/AYif6NxoWpM
Ундны усны, шүршүүрийн гэсэн 2 шүүлтүүрээс гадна хувийн байшингийн системд холбодог иж бүрдэлтэй юм байна. Дуудлага өгөхөд (91851203, 95520072) ирээд угсраад өгнө.Би блогд найз нөхдийнхөө сурталчилгааг үнэ хөлсгүй нийтэлдэг. Нөгөө талаас уншигчидаа мэдээж мартахгүй. Иймд: хоёр долоо хоногийн хугацаанд бараагаа 5% хямдруулсан байгааг энд дуулгая.

iPhone-ы тухайд

2012-01-09T06:00:00.002+08:00

Сүүлчийн iPhone маань 2 жилийн нүүрээ үзэх гэж байна. Энэ хугацаанд ширүүн гараар орж, амьдрах чадварыг нь шууд утгаар хээрийн нөхцөлд шалгасан гэж хэлж болно. Одоо утас минь:
- Wi-Fi нь ажиллагаагүй;
- Цэнэг нь гэрлийн хурдаар дуусдаг;
- Дээд талын унтраадаг товч нь ажиллагаагүй болсон.
Юм хэлж чаддагсан бол намайг "сайнаар дурсах" нь ойлгомжтой. Дээрх хугацаанд би 2 зүйлийг маш сайн ойлгосон. Үүнд:
1. Хүний хуруу гар болон хацар эрүүний хэсэг тослог ихтэй байдаг юм байна.
2. Гэдэргээ харж хэвтэх үедээ утсаа битгий оролдож бай. Нүүрэн дээрээ утсаа буулгаж үзсэн нэгэн нь энэ мөрийг уншаад өөрийн эрхгүй инээж байгаа гэдэгт итгэлтэй байна.

High Speed Reel

2012-01-08T22:14:00.000+08:00

Шатахууны үнэ нэмэгдлээ

2012-01-08T19:24:00.005+08:00

2 дугаар сарын нэгнээс төсвийнхөний цалин, тэтгэвэр тэтгэмж нэмэгдэхэд өргөн хэрэглээний барааны үнэ дагаад өснө гэсэн таамаглал байсан уу? Байсан. Гэхдээ шатахууны үнэ урьдчилаад ийм өндөр болчихно гэж арай бодоогүй л дэ. 3,14z! Шатахууны импортын асуудлаа төр 100% өөрийн мэдэлд авмаар юм. Би энэ хэдэн импортлогч компанид (НИК болон Петровис, Магнай трейд, Жаст ойл, Шунхлай, Сод Монгол г.м.) ер итгэхгүй байна.
Тэргээ 5 дахь өдөр найздаа өгөөд явуулчихсан байсан болохоор бензин аваарай гэсэн анхааруулгыг дууллаа гэхэд түлшний саваа дүүргэж чадахааргүй байв. Өнөөдөр Сонсголон орж эмнэлэгт хүн эргэсэн юм. Буцах замдаа Сод Монголын ШТС хуучин үнээр борлуулалт хийж байхаар нь бак-аа дүүргэчих санаатай дараалалд зогслоо. Урд төдийлөн олон тэрэг байгаагүй боловч бүгд савныхаа хэмжээгээр авч байсан болохоор удаан гэгч урагшилж байв.Хажууд мангар том бульдозер ДТ авч буйг хараад дотроо энэ мангасын ард зогсоогүй нь яамай да, сав нь дүүртэл удна да гэж бодож дуусаагүй байтал 92 дууссан шүү гэж орилдог байгаа.Ерөөсөө миний урд талын машинаас эхлээд 92 өгөхөө больчихлоо. Хайран очерлосон 30 минут, хүүр гэж. Гэхдээ бензин нь дуусаагүй, зүгээр түгээлтийг л зогсоосон болов уу гэсэн хар надад төрсөн.Тэр бор хаалганаас нэг нөхөр гүйж гарч ирээд, бензин түгээгчид нэг хоёр үг хэлхэд "Бензин дууссан шүү!" болоод явчихсан. Би цонхоороо "Ингэх байсан юм бол эртхэн хэлэхгүй яасан юм?" гэхэд "Сая дуусчихлаа шүү дэ 92!" гэсэн хариу сонсдов. Нэг "За тэгвэл үнэн худалыг нь шалгая. Хошууг хийгээд үнийн дүнг оруул, бензин гарахгүй бол би итгэе" гэж новширдог юм билүү гэснээ за хар лай, гэрлүүгээ харих минь, угийн миний хэлснээр хийх нь юу л бол гээд хөдөлсөн.

Street dance

2012-01-08T14:23:00.000+08:00

Gotye - Somebody That I Used To Know

2012-01-08T13:52:00.001+08:00

2 салон

2012-01-08T06:00:00.000+08:00

Хувь.Хувьсгал.

XIII хороолол

2012-01-07T21:10:00.003+08:00

Машинаас явуут дунд авсан болохоор фокус нь таараагүй кадрууд бий.
Эхэлж бичээсүүдийг сонирхоё. Энд олигтой утга учиртай юм уу хэлбэр дүрстэй зүйл юу ч тааралдаагүй.Харин ~~феерический 3,14zдец~~ онцгой гэгээрсэн зүйл бол таарсан шүү.Мөн хэдэн оных нь бүү мэд балгас олдсон. Карнизыг нь анхаарна уу. Одоо ийм хээ хуар болсон зүйл хэн ч хийхгүй. Харамсалтай.

Необычный случай в медицинской практике

2012-01-07T19:24:00.000+08:00

Орос баатрын хөшөө

2012-01-07T17:06:00.005+08:00

2011.01.04. Говьсүмбэр, Чойр.
Аймгийн төвийн захд орос баатарт зориулсан хөшөө байдаг юм байна. Мунаг том хөшөө. Хуучин Чойрын дивизи гэж байх үед л барьсан болов уу да. Ард түмэн бий болгосон зүйл найдвартай хамгаалагдах ёстой гэсэн бичээс авс шиг хэлбэртэй бамбайг чимнэ.Хөшөө хуучирч зарим газраараа ховхорч. Ор тас хаячилгүй бас засвар хийдэг бололтой, будаг шунх нялгадаж.Аливаа хөшөөг зөвхөр урдаас нь харах нь өрөөсгөл. Арын проекц сонирхолтой. Засвар хийж суурийг нь будахдаа 3 талыг нь будаад, ар талыг нь орхисон нь илрэв.Монгол орос хэлээр суурийг чимж дэ нөхдүүд.

Душа поэта

2012-01-07T15:19:00.004+08:00

Кукрыниксы гэж дажгүй хамтлаг бий. Гоцлол дуучин Горшенев нь КиШ-ийн (Король и Шут) Горшок-ийн төрсөн дүү нь. Мань эр бие даасан цомог гарсан нь thankyou.ru дээр нийтлэгдэж.
Би татаж аваад сонсож сууна. Дууны үгнүүд нь Есенины шүлэгнүүд. Үнэндээ гоё цомог болж.
Бонус: КиШ-ийн шинэ цомог ч гэсэн thankyou.ru дээр бий. Аймшгийн үлгэрийн сэдэвтэй бүтээл.

Зээр

2012-01-07T12:59:00.002+08:00

Говьсүмбэрээс буцах замд.

Street Art by Max Zorn Making of Tape Art

2012-01-07T12:02:00.000+08:00

Шагналын тухай бодол

2012-01-07T11:00:00.001+08:00

Саяхан хэдэн жилийн өмнө Намбарын Энхбаяр ерөнхийлөгч байх үед түүнийг төрийн одон медаль, шагнал замбараагүй гардуулж байна гэж шүүмжилж байсан. Элбэгдорж гарч ирэнгүүтээ андуураагүй бол 700 хүнд Алтан гадас шууд олгосон. Ардчилалыг дэмжигчид төрийн шагнал авдаггүй байсныг нөхөж байгаа нь энэ гэсэн утгатай тайлбар өгч байв.
Өнөөдөр нөхцөл байдал ямар байна? Ямар ч эрэмбэ дараалалгүй хэн дуртай нь юу дуртайгаа авдаг цаг ирж. Уг нь эхэлж салбарын жуух бичиг, 5-6 жилийн дараа тэргүүн, улмаар хөдөлмөрийн медаль, тэгж байж нэг юм одон (Алтан гадас, Хөдөлмөрийн болон Байлдааны улаан тугийн одон) авах эрх нь нээгддэг журамтай ухаантай.
Давхцуулж нэг хүнд нэг төрлийн шагнал олгогддог, эсвэл урд нь авч байсан шагналыг нь дахин олгох нь энүүхэнд. 1 сарын дотор 2 одон ч хүртэж буй тохиолдол гарч байна. Толгой хөл нь олдохоо байж дэ. За яахав, чадаж буй юманд арга алга гэж бодлоо гэхэд бусад олон жил хөдөлмөрлөж байж хүртэж байгаа хүмүүсийн шагнал ямар ч үнэ цэнгүй болж байгаа юм л да. Харамсалтай боловч факт.

Coldplay - Viva La Vida

2012-01-06T09:51:00.000+08:00

Баянзүрхийн товчоо - Амгалан

2012-01-06T00:36:00.003+08:00

Хотод эргэж ирсэн.
Ийм үгтэй, нялуун хоолойгоор дуулагдсан дууг санацнаая:
Сайн сайн байна уу, Улаанбаатар минь...

SMS мэндчилгээнүүд

2012-01-06T00:04:00.004+08:00

Шинэ жилээр 1-ний өдөр 2 мэндчилгээ ирсэн: сүүнд нугасгүй Ерөнхийлөгчөөс маань болон Yerunhii сайдаас.
Маргааш нь буюу 2-нд шадар сайд гэнэт ухаарсан уу эсвэл Моби-гийн сүлжээ гацалтаас гарсан уу, ийм мэндчилгээ ирэв.АН ЗГ-аас гарах гэж буйг хэрхэн хүлээж авсан бэ? Зөв? Буруу?

Хуучны нөхөд

2012-01-05T23:11:00.003+08:00

Хуучны гурван андад зориулагдсан пост :)
1. Жак. Фото: 3-р хорооллын эцэс.2. Гантөмөр ах. Фото: Амгалангийн ТЗ-ын гарцын ойролцоо.3. Гоби, помним. Фото: Чойр.

Түргэн хэллэг

2012-01-04T19:35:00.002+08:00

Би уншигч түмнийг өөрийн адил үздэг.
Мэдээж хүн болгон дахин давтагдашгүй зохиогдсон өвөрмөц бүтээл хэдий ч сонирхол, үзэл бодол нэг хүмүүс яаж ийгээд л олддог. Үгүйдээ үзэл бодол таарахгүй, эсрэг тэсрэг хүмүүс нөгөө туйлаа бас сонирхноо до.
Би өөрөө коммент хаа нэг газар үлдээдэггүй нэгэн. Залхуурдаг гэхэд бас хэцүү, зүгээр цаг бага байдаг юм болов уу. Энэ блогд 20 мэдээлэллийн ганц нь л асуулт агуулдаг. Түүнд лазагнахгүй өөрийн таамаглал, үзэл бодлоо үлдээвэл редакци (буюу миний бие) талархах байна. Учир нь саналаа солилцож, үзэл бодлоо хамгаалж мэтгэлцэж байж л хужирыг тунгаана шүү дэ.
Дээхнэ валютын ханшийн тухай пост нийтлэгдсэн. 2 таамаглал ирэв. Сунгасан, хөөрхий Ууганаа л ганц таамаглал дэвшүүлж. ~~Это свинство, господа!~~ Өөрийн таамаг хагас жилийн дараа аль зэрэг зөрж буйг харах бас сонирхолтой шүү дэ. За энэ сэдвийг орхиод ардын аман зохиолд анхаарлаа хандуулцгаая.
Монголын хамгийн хэцүү түргэн хэллэгүүд юусан билээ? Санацгаагаарай.
Миний хувилбарууд:
1. Суран жолоо хулан жороо.
2. Жамц эмчийн цамц.
Цааш баяжуулаарай, олон түмэн минь. Мартсан зүйлээ санах сайхан шүү дэ. Олон хэцүү түргэн хэллэгүүд энд хамтын хүчээр цуглуулцгаая!

Чойрын буудалд

2012-01-03T23:51:00.004+08:00

Буудлын өрөөнөөс шууд дамжуулж буй нэвтрүүлэг шүү нөхдөө.
23 цаг өнгөртөл л ажиллалаа, нураад өгмөөр л байна. Гэвч... хийх, харах юм байгаад байдаг. Тиймээс laptop-оо асаагаад номертоо ганцаараа сууж байна да. Ингэхэд, ганц хүний өрөөнүүдтэй буудалд орсон маань сайн хэрэг, хэн нэгнийг гэрэл унтраахгүй нүд гялбуулж, унтуулахгүй зовоохгүй, 00-ийн өрөө болон зурагтын суваг булаацалдахгүй. Би сая зурагтын сувагнуудыг гүйлгэж харлаа, ёстой дажгүй шүү. Гэрийн маань Сансар кабель хажууд нь гэрэл гэгээгүй бүрэн (_|_) болох нь тодорхой байна.
Номерийн ерөнхий төрх.Санамж бичиг.Энд урд өмнө нь үзэж харагдаагүй саван илрүүллээ.P.S: минибар хов хоосон байна.

Фото цуглуулга

2012-01-03T21:00:00.000+08:00

Зургийн аппарат дээр үлдсэн фотонуудаас.
Сэк-ийн орц.Төв шуудан. Яагаад аавын барьсан шилний нэг нүд нь хоосон байгааг тайлбарлахад бэрх.Энэ машины чимэглэлийн зориулалтаар үйлдвэрлэгдсэн зүйл лав биш.15-р хороолол. Явган гарцыг хашаа болгож.За яахав, зайндаа захирагдаад ачаатээвэр гэж нийлүүлж бичээ л биз. Гэхдээ латин болон кирилл үсгийн фонтыг харьцуулаад хар. Дээр нь сарнай, доор нь нохойн баас байгаа нь шууд ялгарч байгаа биз.

Choiroos

2012-01-03T13:02:00.001+08:00

GSA buyu Govisumber aimgaas (Gurvan Sumtai Aimag ch gej unshdag) mendchilj bn. 2 honogiin tomilolttoi yavna. Oroidoo net-d orohiig hicheenee. Poka. Psh... sh...

Хөвсгөл. Баянзүрх

2012-01-02T18:11:00.003+08:00

Бичлэгийн чанар муу, бүрэнхийд гэрэл сөрөөд авчихаж. Нэмэх нь ютуб-руу аплод хийхэд бичлэгийн чанар муудаж. Нэмэх нь бичлэгийн хурдыг x2 болгочихсон чинь бөөн чичиргээ. Зам нь ч угийн муу юм билээ дэ. Энэ бүхэн цөм нийлээд нэг сайхан (_|_) бичлэг болж байгаа юм да.
Ингээд 2011 оны 8-р сарын 16-ны орой Баянзүрх сумын төвөөс Бошлой хадруу хүрэх зам:

Эталон цагны постын тухай

2012-01-02T17:12:00.005+08:00

2009 оны 5-р сард нийтлэгдэж байсан ганцхан зурагнаас бүрдсэн нэгэн пост бий. Манай улсын эталон цагийн фото байгаа юм. Яагаад гэнэт энэ постыг онцлов гэж үү? Уржигдар (31-нд) блогруу "монгол улсын эталон цаг" гэсэн утгаар хайлт хийж орж ирсэн хүмүүс цөөнгүй байсан болохоор тэр. Google энэхүү постыг хайлтын эхэнд чулуудаж байхад арга ч үгүй дэ.
Манайхан тэр самбарт гаргаж буй цаг тооцоологч механизмыг Стандартчилал хэмжилзүйн үндэсний төвийн сайт дээр нэг цаг байрлуулаад худлаа үнэн холбочихгүй дэ, хэ-хэ.
Ингэхэд, намайг КТМС-д оюутан байхад дээд курсын техник хангамжийн оюутнууд төгсөхдөө сургуульдаа цаг хийж өгч бэлэглэсэн юм. Атом квант лут эд биш энгийн электрон цаг. Тус бүтээлийн гол онцлог нь - автоматаар хонх дугаргадаг. ө.х. жижүүр өвөө, өлгүүрийн авгай товч дарах шаардлагагүй, бүх зүйл автоматаар. Мөн тухайн функцийг нь салгах бололцоогүй болохоор зун сургууль хоосон байсан ч хонх нь дугарч байдаг байж билээ. Одоо ямар байгаа бол?