31 May 2016

Агваан Жигмэд

Хятадад уусна гэж юу байдгийг нэг хүний хувь тавиланг харуулсан дараах зурагнууд илэрхийлэх шиг. 
Түвдийн ван Агваан Жигмэд.
Энэ хүн өнгөрсөн зуунд Хятад Түвдийг нэгтгэх үеэр гол үүрэг гүйцэтгэсэн гэгддэг. Дорнод Түвдэд Агваан Жигмэд ван хятадын цэргийнхэнтэй хэлэлцээр хийж буй байдал.
1951 он. Мао Цзэдунтэй уулзаж байна.
Анхаарсан бол Агваан Жигмэд дээрх зурагнууд дээр дандаа үндэснийхээ хувцастай байгаа биз? Түүний өвөг дээдэс нь уг нь монгол угсааных байсан. 
1960 он. Гэргий Цэдэндолгорын хамт. Энд мань эр хятадын коммунист намын элитийн жишгээр хувцаслаж.
1965 он. Түвдийн автономит улсын засгийн газрын тэргүүнээр сонгогдов.
1965 он. Түвд эмгэнтэй зургаа даруулж. Надад энэ зургийг харуулаад энэ ямар угсаа гарлын хүн байна гэж асуувал би эргэлзэлгүй хятад гэж хэлнэ. Шаахайг нь харахад хангалттай.
Энэ хүн их өндөр насалсан юм билээ.
2009 онд 100 настайдаа Бээжинд өөд болж.

Тоглоом наадгай

XX зууны эхэн үе хүүхдийн тоглоомын алтан үе байсан. 1900 он гэхэд хүүхдийн хөдөлмөрийг мөлжих нь багасч, хүүхдүүдэд сул чөлөөтэй цаг их гарах болсон. Харин 60-аад оноос томчууд нь багачуудынхаа цагийг хатуу хянадаг болсон. Ингэхдээ сургуульд өнгөрүүлэх хугацаа ихэсч, хүүхдүүд цугтаа тоглож өнгөрүүлэх цаг нь багассан. Зүгээр гадаа тоглодог байсан хүүхдүүд спортын секцэд явж, хоббигийн оронд дугуйланд хамрагддаг болсон. Эцэг эхчүүд хүүхдээ ганцааранг нь гадаа гаргахаас болгоомжилдог болоод удаж байна. Бие дааж тоглох хугацаа минимумруу дөхөхийн хирээр сэтгэцийн өөрчлөлттэй хүүхдүүдийн тоо нэмэгдсэн. АНУ-д явуулсан судалгаагаар өнөөдөр гүнзгий депрессид орсон сургуулийн насны хүүхдийн тоо 1950 онтой харьцуулахад 5-8 дахин их байна. 15-24 насныхны дунд амиа хорлох явдал 2 дахин нэмэгдсэн. 15 хүртэлх насныхны дунд бүх 3 дахин олширсон.
Ингэхэд, бүх сүүн тэжээлтэн амьтны үр төл тоглодог. Яах гэж тэд амиараа дэнчин тавьж, энергиэ үрэн таран тоглодог юм? Зүгээр үүрэндээ бүгээд хүч тэнхээгээ нэмэх нь амар биш үү? Энэ асуултад анх германы байгаль судлаач, фиолософ Карл Гроос 1898 онд хариулах гэж оролдсон байдаг. Тэрбээр тоглоом нь байгалийн шалгарлын явцад үүссэн, тоглоомын тусламжтайгаар амьтны үр төл цааш амьд оршин тогтноходод хэрэгтэй дадал зуршлыг олж авдаг юм хэмээн тайлбарлаж. Амьтны үр ч бай, хүний хүүхэд ч бай тоглохдоо үүссэн аюул, хүндрэлийг биеийн болон оюуны хүчээ дайчлан бие дааж даван туулдаг нь маш чухал. Өөрөө өөрийгөө аюултай нөхцөлд оруулах болон бусдын шахаасан дор аюултай нөхцөлд орох нь ялгаатай. Хүүхэд тоглож байхдаа хөнгөн бэртэл гэмтэл авч болно. Өөрөөсөө болж авч буй шарх болохоор ёстой "өөрөө унасан хүүхэд уйлдаггүй" л болоод өнгөрнө. Харин биеийн тамирын багшийн шахаасан дор хүүхэд өндөрт олсоор авирч айдас мэдрэх ёсгүй юм. Ер нь биеийн тамирын хичээл физиологийн хөгжил сулавтар хүүхдийн хувьд хэцүү хичээл шиг санагддаг. Айх, ичих мэдрэмж хэнд таатай байх билээ.
Мөн нүүдэлчин, анчин ард түмнүүдийн хувьд хэзээ ч сургууль гэх зүйл байгаагүй. Хүүхэд тоглосоор хэрэгтэй бүх дадал туршлагыг хуримтлуулдаг. Ийм ард түмнүүдийн хувьд бага насны хүүхдүүд нь ерөсөө л тоглож байдаг. Ингэхдээ осолтой тоглоом наадгай хийх нь ч бий, жишээ нь хутга шөвөг, галаар наадах. 
Хятад, солонгос маягийн сургалтын системийг нэг хэсэг үр дүнтэй, сайн гэж үзэж байсан. Гэхдээ эдгээр орнууд одоо өөрсдийнхөө боловсролын системийг дахиж нэг харахгүй бол болохгүйн гэж үзээд байгаа. The Wall Street Journal-д хятадын алдартай сурган хүмүүжүүлэгч Цзян Сюэцинь бичихдээ: "Уйгагуй хичээллэдэг, цээжлүүлэг боловсролын системийн дутагдал бүх нийтэд ил болсон. Нийгэмшлийн, практикийн дадал туршлагагүй, хувийн зохион байгуулалт сул, ургуулан бодох чадавхи муу, аливаа юманд сонирхолгүй, сурч мэдэх эрмэлзэлгүй хойч үеийг бид бэлдэж байна. Хятад хүүхдүүдийн оноо буурах үед манай сургуулиуд зөв чиглэлд өөрчлөгдөж байна гэж ойлгоно" хэмээжээ. 
Үнэндээ тоглоом нь хүүхдийг нийгэмшүүлэхэд том үүрэгтэй. Тоглоом тоглож өсөөгүй хүүхэд өөрийнх нь өмнөөс хэн нэгэн шийд гаргахыг хүлээдэг. Харин тоглож өссөн хүн өөрөө шийдвэр гаргадаг. Тоглоомгүй өссөн хүн орчин тойрон нь өөрчлөгдөө л бол зог тусдаг. Дасан зохицох чадавхи муутайн шинж. 
Төгсгөлд нь зөвлөхөд - хүүхдүүдээ сайн тоглуулж бай. Хичээлээсээ ирчихээд гадаа гарахын тулд гэрийн даалгавраа машинддаг байснаа би сайн санадаг юм. Хацар сайртчих гээд ээж тос түрхээд л, хэ-хэ. Байрандаа хөл бөмбөг, квадрат, гүйдэг болон хаадаг маатаг, дугуй түрж гүйх зэрэг "спортын нэр төрөлд" нэг хоёрт л жагсдаг байв.

30 May 2016

Улаан нүд

Савангийн хайрцаг хэмээн нэрлэгддэг фото-аппарат гарч ирэх үед буюу 90-ээд онд хүмүүсийн нүд зурган дээр улаанаар гардаг байв. Айл болгоны альбомд улаан нүдтэй зураг байж л байгаа. Улаан өнгө нүдний арын ханын (анагаахын хэллэгийг нь мэдэхгүй юм) өнгө юм. Гэхдээ үүнийг харахын тулд хүний нүдийг харцных нь хавтгайд гэрэлтүүлэх хэрэгтэй байдаг. Нүдний эмч толиороо үүнийг сайн хардаг. Савангийн хайрцгийн вспышканаас цацрах гэрэл бас тэгдэг. Дараа нь дижитал фотоаппаратууд гарч ирсэн. Дагаад нүд илрүүлдэг алгоритмууд зохиогдож, төд удалгүй нүдний улаан өнгийг арилгадаг алгоритм ажилладаг болсон. 
Өдгөө ийм алгоримт гар утас болгонд бий. Харин улаан нүд савангийнхаа хайрцагтай цуг түүх болон үлдэж дэ зайлуул.

29 May 2016

Нэр дэвшигчид

UPD 2016.05.29 23:09
Хэн хэнтэй өрсөлдөх вэ? гэсэн ikon.mn-ий мэдээний доод хэсгийг хараад өөрийн эрхгүй инээж орхилоо :-)
2016.05.29 12:36
Өнгөрсөн 5 дахь өдрөөс хойш нэр дэвшигчидийн талаарх мэдээлэл зурагт, интернэт, social сүлжээгээр тасралтгүй түгээстэй байгаа. Уламжлал ёсоор есөн шидийн нөхдүүд нэрээ дэвшүүлж. Хоёр гурван өдрийн өмнө Зоопарк дууг дэмий нийтэлээгүй л юм байна, хэ-хэ
Зарим тойргийн сонгогчдыг өрөвдөхөөс өөр арга алга. Эндээс хэнийг нь сонгох юм бэ гэмээр буюу үндсэндээ сонголт байхгүй тойргууд байгаа юм. 
Өнгөрсөн 7 хоногт хаалга тогшоод байхаар нь үүдээ нээв. Хоёр өвгөн зогсож байнаа: "Нэр ус, хаяг, регистрийн дугаараа энэ цаасан дээр бичээд гарын үсэг зураа" л гэж байна. Цаасыг нь аваад хартал ахмадын холбооны Баасан авгайг нэр дэвшүүлэхээр гарын үсэг цуглуулж байгаа нь тодорхой болов. Настай хүмүүс байсан болохоор би соёлтой татгалзаад хаалгаа хаасан, учир нь Баасан гуайг би тэнд хэрэгтэй хүн гэж бодохгүй байна. Үүний адил нэр дэвшигчдийн жагсаалтын 90% орчмыг нь адилхан "энэ нөхөр хэрэггүй дэ" гэж бодож байгаа. Ер нь бол 2 нам лидерүүдээ шинээр гарч буй хүмүүстэй тааруулж. Санал хуваагдаж МАНАН болох магадлалтай. Миний хувьд "үхсэн баас, болохгүй бол өгөхгүй байсан ч яадаг юм" гэсэн өнцгөөс асуудалд хандаж байгаа. Сонгууль өгөхгүй байх нь бас өөрөө сонголт мөн :)

Кукрыниксы - Кайф

Problem?

Монгол шүүгч

Хойно Якутск хотод чөлөөт бөхийн улсын аваргынх нь тэмцээн зохион байгуулагдаж байгаа юм байна. Олимпод оролцох эрхийн төлөө ширүүн өрсөлдөөн болж байгаа нь тодорхой.
Өчигдөр 57 кг хүртэлх жинд якутын бөх дагестаны бөхтэй аваргын төлөө барилдаж. Шүүгч нь - манай монгол нөхөр. Уг нь даг бөх 2:0-иор тэргүүлж байхад өрсөлдөгч нь дэвжээнээс шахаж гаргаж. Энэ үйлдлийг нь 2 оноо болгосноор оноо тэнцэж, улмаар хугацаа дуусахад 3:3 болсон байж. Шүүгчид нэмэлт үзүүлэлтүүдээр якутын бөхд 4:3-аар ялалт өгснөөр дагестанчууд үймээн дэгдээж. Хэдэн өдрийн өмнө буутай чечен нөхдүүд өөр нэг тэмцээн дээр дөвчигнөсөн болохоор энэ удаад ОМОН бэлэн байж. Мөргөлдөөнийг цагдаа намжаасан байна. 

Бөхийн холбоо нь шүүгчийн бригад хэд хэдэн бүдүүлэг алдаа гаргасан гэдгийг хүлээн зөвшөөрч, эдгээр шүүгчид тэмцээнийг үргэлжлүүлэн шүүхгүй, гэхдээ нэгэнт оноосон ялалтыг буцаахгүй гэж мэдэгдсэн. Дагестанчууд эсэргүүцэл илэрхийлж тэмцээнийг орхисон. Бусад жинд барилдаж байсан бөхчүүд (нийт 6 тамирчин) дэвжээн дээр гараагүй. Дасгалжуулагч нь: 
- Оросын аваргад монгол шүүгчид юу хийж байгаа юм? Ерөнхий шүүгч нь монголчуудыг тэмцээн шүүлгэхээр уриагүй гэж хэлсэн хэмээн мэдэгдээд байгаа. 
Миний бодлоор бүх зүйл энгийн: манай шүүгч Саха-якутын урилгаар тэмцээнд нь очоод нутгийн бөхийг дэмжчихсэн байгаа юм, ха-ха. Лебедев гэдэг ялсан якутын бөх уг нь сайн тамирчин, гэхдээ олимпод оролцож байгаагүй. Нутагтаа бол үндэстний баатар шиг товарищ гэнэ. Дагестанчууд ч заваан авиртай л да, ялагдаж чаддаггүй. Гэхдээ манай шүүгч тэмцээнээс жийгдсэн ч гэлээ зорилгоо бол биелүүлж. Сурсан эрдмийг сураар боохгүй - бөхийн найраа бол монголчуудын ганц чаддаг зүйл, хэ-хэ. Mission accomplished!

26 May 2016

Flashes of the Altai


НЗДТГазрын барилга

Архитекторууд талбайн дэргэдэх НЗДТГазрын барилгыг буулгаж оронд нь шинэ барилга барих шийдвэрийг эсэргүүцэж шаардлага сонинд нийтэлсэн байна.
Одоогийн барилгын оронд 6 давхар барилга концессийн гэрээгээр бариад, 3 давхрыг нь Нийслэл, 3 давхрыг нь Голомт эзэмших сурагтай. Энэ асуудалд архитекторуудын зөв гэж бодож байна. Сайхан барилга гэж шилэн дөрвөлжинг хэлэхгүй. 40-өөд оны энэ барилгыг хадгалаад үлдэх хэрэгтэй.

Lightning Storm (7000 Frames Per Second)

Секундэд 7000 кадр гэдэг аюулын үзүүлэлт.

22 May 2016

Extremist materials

ОХУ-ын Хууль зүйн яамны сайт дээр экстремист, олон нийтэд түгээхийг хориглосон материалуудын жагсаалт бий: http://minjust.ru/extremist-materials
Жагсаалт одоогоор 3500 орчим бүтээлээс бүрдэж байгаа хэдийч цааш улам арвижих нь тодорхой.
Хэт даврагч нөхдүүдэд унших, үзэх, сонсох зүйлийг нь "Май, үүнтэй танилцаарай" гээд бэлдээд өгчихөж байгаа юм шиг мэдрэмж төрж байна.

Гражданская Оборона - Вечная весна (live)

19 May 2016

2015.06.04-07 Өвөрхангай

Энэ жилийн аялал ойртож л байна. Нодинон Ноднин жилийн аялалын хэдэн фото.
Дашинчилэнгийн холгүй орших түрэгийн балгас.
Төвхөний хийд.
Улаанцутгалан.
Орхон.
Аялалын машинууд.
Цагаан гол.
Үүртийн тохой.
Бат-Өлзий сумын нутагт.
Өвөрхангайн Уянга.
Ширээт нуур.

Весь мир в труху!

Клим Ворошилов-ын хэлсэн үг байдаг: «Советский народ не только умеет, но и любит воевать!». 
Хэдийгээр зөвлөлт засаг байхгүй болсон ч гэлээ мөн чанар нь хаашаа ч алга болоогүй. Доорх бичлэгт оросуудыг гоё харуулж, хэ-хэ:

Foreigner - I Want To Know What Love Is

80-аад оны дуу.

18 May 2016

Тэмдэглэл хийх шинэ аргачлал

Утсан дээрээ note бичиж, reminder тохируулж байснаас ямарч хамаагүй (танихгүй байсан ч болно) дугаарлуу шууд SMS хэлбэртэй санах зүйлээ бичээд илгээчих хэрэгтэй юм байна. Жинхэнэ trolling 80 lvl:

Монголын морин спорт уяачдын холбоо

Морин спорт манайд дэлгэрсэн үү? Дэлгэрсэн. Дэлгэрхээр барахгуй ер нь бол баячуудын статусаа баталдаг нэг хэмжүүр болтлоо гажсан. Хөрөнгө мөнгө ч замбараагүй зардаг болоод удаж байна. Тусгай эм тариа, хүнс тэжээл гадаадаас захиалгаар авчирах, том ачааны машиныг адууны зүчээ болгож засч тохижуулах, уралдааны бай шагналд жийп автомашин гардуулах бол энгийн үзэгдэл. Хаа хамаагүй нөхдүүд алдарт болон манлай уяач цол хүртэж байх жишээний. Үнэн хэрэг дээр лаагаа иднэ үү, луувангаа иднэ үү падлий л да.
Гэхдээ холбооны нөхдүүд сайтаа хөтөлж баймаар байна: http://www.morinerdene.mn/
Хамгийн сүүлд нийтлэгдсэн мэдээлэл нь 2015 оны 10-р сарынх байх юм. 
Нөгөө талаас, зөвхөн уралдаан тэмцээн, уяачдын мэдээлэл сонирхолтой биш шүү дэ. Наад зах нь морины тамганы интерактив музей сайтдаа байршуулж яагаад болохгүй гэж? Би үнэндээ хэдхэн төрлийн тамга л нэрлэж чадна. Тэгэхэд хар мянган тамганы загвар бий шүү дэ. Хэддүгээр зуунд аль хошуу нутагт ямар тамга ашиглагдаж ирсэн, одоо үед тэр тамга нь хэрхэн өөрчлөгдсөн, түүний утга агуулга нь юув г.м. мэдээлэл сонирхолтой байна. Мөн адууны зүс тайлбарласан толь илүүдэхгүй. Өнөөдөр хотод төрж өссөн хүүхэд хээр, зээрд, хонгор зүсмээ ч ялгахгүй болов уу. Тиймээс монгол уламжлал гэж хий ярихын оронд ядаж ийм танин мэдэхүйн сонирхол татахуйц эх үүсвэрүүдийг бий болгох нь зөв болов уу гэж бодож байна.

17 May 2016

БОЧ рВФ 260602

Өнөөдөр нэг хүнд зүйл уншлаа. 2002 онд хойд хөршид эцэг эх нь шинээр мэндэлсэн хүүдээ БОЧ рВФ 260602 гэдэг нэр өгөх гэж оролдож. Ямар утга агуулгатай юм гэвэл - Биологический Объект Человек рода Ворониных-Фроловых, родившийся 26.06.2002 года. Мэдээж хэрэг засаг захиргаа нь ийм нэр бүртгээгүй байгаа юм. Хүүхэд одоо болтол төрсний гэрчилгээгүй яваа.
Энэ түүхийг Луркоморье сайт дээр гоё тайлбарлаж: https://lurkmore.co/%C1%CE%D7_%F0%C2%D4_260602
Хэлж ярьж буйгаас нь үзвэл эцэг нь яаж ч байсан эрүүл хүн бол биш, хэ-хэ.

Coldplay - Up&Up


15 May 2016

AH-1 Cobra vs Igla

Курдистаны ажилчны намын зэвсэгт жигүүр болох HPG видео интернэтэд байршуулж. Босогчид Туркийн зүүн-өмнөд Хаккяри мужид байлдааны нисдэг тэрэг сөнөөсөн байгаа юм. Видеог 4-р минутаас нь үзвэл зүгээр:

14ий өдөр туркууд "техникийн гэмтлээс шалтгаалан" нисдэг тэргээ алдсан, 2 нисгэгч амь үрэгдсэн гэж мэдэгдсэн боловч үнэн хэрэг дээр зөөврийн зенит-пуужингийн комплекс Игла-гаар харавсан нь бичлэгээс харагдаж байгаа юм. Мөн бичлэгээс нисдэг тэрэг AH-1 Cobra байх магагдлал өндөр байна. Игла ер нь бага өндөрт нисч буй онгоц, нисдэг тэрэгний хувьд эрлэг л гэсэн үг.

Mongolia Today (1968)


Неоколониализм

Неоколониализм гэж нэг улс өөр нэг улсыг хяналтандаа авахыг хэлнэ. Ингэхдээ цэрэг арми ашиглахгүй (эсвэл бага ашиглана). Хөршөөсөө эхлээд ертөнцийн нөгөө бөөрөнд орших улсыг бүрэн хяналтад авдаггүй юмаа гэхэд нөлөөндөө байлгахыг хичээх нь том гүрнүүдийн хувьд энгийн үзэгдэл. Түүхийн хэлхээнд хэзээд доминант болон сателлит улсууд байсаар ирсэн. Доминант буюу эзэрхийлэгч, давамгайлагч нь дагуул буюу сателлитээ алдахгүйн тулд хүчирхэгжихийг нь төдийлөн дэмжихгүй нь бас хууль юм. Цэвэр байгалийн шалгарал явагдаж байгаа юм л да. Хэдийгээр неоколониализм хүйтэн дайнтай цуг үгүй болсон гэдэг боловч бид өнөөдөр тухайн үзэгдэл үргэлжилсээр байгааг харж сууна. Шинээр хийгдэж буй хуваарилалтын гэрч болж байгаагаа ойлго.

Батламж

Яг 5 жилийн өмнөх баримт. Дунд охин цэцэрлэгээс сургуульд шилжиж байж.

14 May 2016

Газар тариалан

Хятад Казахстаны хил.
Хятадууд мөнх цэвдэгтэй хөрсөнд ч ногоо ургуулна, аргагүй гэж хэлэх хүн олдох байх. Гэхдээ өөр үндэстнүүд ч дутахгүй. Доорх зураг Египет Израилийн хил байгаа юм.
Үндэстэн ястан чухал биш, хэн нь ажиллаж байна, тэр нь ургац хураана.

Сонгуулийн жил

Сонгуулийн жил манай нийгэм тэр чигээрээ улс төрөөр амьсгалж эхэлдэг. Би дотроо ихэнх иргэд нам бус байгаасай гэж боддог. Мөн боловсон хүчний залгамжилсан бодлого хэрэгжээсэй, 4 жилийн давтамжтай явагддаг халаа сэлгээг зогсоох хэрэгтэй гэж боддог. Төрд хамгийн шилдэг нь, хариуцлагатай нь ажиллаасай. Төрийн албан хаагч хүндлэл хүлээхээр түвшинд байгаасай гэж хүсдэг. Түүнээс биш дипломын гол, зальний хөрөнгө, будилааны хутгуур, шуналын тулам хэрэггүй.
Монголчууд бид хэт улс төржөөд удаж байна. Улс төрийн фанатикуудыг хараад айдас төрдгийг ч нуугаад яахав. Сонирхолтой нь, АН-ын фанатикууд хамгийн олон байх юм. Энэ улс орныг АН, МАН хоёр л удирдсаар ирсэн. Одоогоор боловсон хүчний нөөц, туршлага хуримтлуулсан гуравдагч хүчин гарч ирээгүй байгаагаас хойш энэ хоёрын аль нэгтэй л зууралдна. Олигтой гуравдагч хүчин ойрын үед гарч ирэхгүйг ХҮН нам сая харуулчих шиг боллоо. Овоо гайгүй их дээд сургуулиудын багш эрдэмтэд, гадаад дотоодод төгсөгчдийг эгнээндээ элсүүлж байх шиг байна гэж бодож байтал босоо Ганбаа-тай зууралдаад, тамга тэмдгээ булаацалдаад нэр хүндээ шалны алчуур болгочихож байгаа улстай юу ярих билээ.
АН-д хийсэн зүйл ч бий, хийсгэсэн зүйл ч зөндөө. Хөдөөгийн иргэдэд малыг нь, хотын иргэдэд байрыг нь хэн хувьчилж өгсөн? Гадаад паспорт аль засгийн үед олгогдсон? Нийслэл хуучин ямар байсан, одоо ямар байна? г.м. дурьдаж болно. Юу нь таалагддаггүй вэ гэвэл бодлогын шинж чанартай 21 оны Ардын хувьсгалын, соц үеийн нийгмийн зүтгэлтнүүдийн түүхэн дахь үүргийг дардаг. Сүх жанжины талбайг Чингисийн болгоод яах ч билээ? 1911 оны Үндэсний эрх чөлөөний хувьсгал түүхэн чухал үйл явдал мөн, хэнч маргахгүй. Тэглээ гээд 1921 оныг үгүйсгэж болохгүй. Чингис, ардчилал хоёр АН-ын өмч юм шиг загнахаа больчих хэрэгтэй. Гарамгайбаатар мэтийн ёс суртахуунаа алдсан хүмүүс хааны нэрийг ч дурсах эрхгүй. Социализмын 70 жилийг хар цаг үе мэт түүхэнд тэмдэглэж үлдээх гээд яахав. Цэдэнбал даргыг харлуулах гээд хэрэггүй, ард түмэн тэр хүнийг хүндэлж хайрлаж ирсэн. Ардчилсан намын нээлттэй байдал нь, зоригтой алхамууд хийдэг нь таалагддаг. Харин хэлсэндээ хүрэхгүй бурдаг нь, чадалгүй боловсон хүчнээ ичихгүй татдаг нь таалагддаггүй.
1990 оны ардчилсан хувьсгалыг монголчууд бүх нийтээрээ хийсэн. 4-р ангийн сурагч байсан бид хичээлээ тараад цэвэр сониуч зандаа хөтлөгдөж "өлсөж буй" хүмүүсийг харах зорилгоор талбай орж л байлаа. Эцэг эх хоёр ч Сүхийн талбай орж байсныг санах юм. Бүгд тэнд байсан, хөл гишгэх газаргүй болтол ард олон цугласан. Ихэнх нь тогтолцоог өөрчилж, ардчилсан нээлттэй нийгмийг хойч үедээ үлдээх, сайхан амьдрах хүсэлдээ хөтлөгдөж 90 онд гудманд жагссан гэж би ойлгодог. Түүнээс биш МАХН-ыг устгах, Төв хорооны гишүүдийг хорих санаа хэнд ч байгаагүй нь тодорхой. Социализмын үед нийгэмд байр сууриа олж чадаагүй, хавчигдаж гадуурхагдаж явсан хэсэг бүлэг хүн тухайн нийгмийг үнэн голоосоо үзэн яддаг юм болов уу гэж боддог. Тэд бурууг өөрөөсөө хайхын оронд төрийн жолоог барьж байсан намыг бүх бүтэлгүйтэлдээ буруутгадаг. Үнэн хэрэг дээр ямарч нийгэмд эдгээр хүмүүс гадуурхагдах л байсан болов уу. Ажлаа хийдэггүй, архи дарс хэрэглэдэг, хариуцлагагүй, зарга хэл ам байнга гаргадаг бол хэнч сайн хандахгүй нь тодорхой. Тэр үед ихэнх энгийн иргэд шударга хөдөлмөрлөөд, ажлаа хийгээд л явж байсныг мэдэх юм.
26 жил өнгөрчихөөд байхад МАН-ыг дайрж давшилдаг, үнэн голоосоо үзэн яддаг хүмүүс байдагт би гайхдаг. МАН-д мэдээж муу зүйл олон бий. Гэхдээ дан хар талаас нь харж болохгүй, сайн зүйл бас байгаа. Жишээ нь надад Н. Энхболд гишүүн бол таалагддаг. Эсрэгээр дарга М. Энхболд нь огт таалагддаггүй. Тэрч байтугай М. Энхболд тус намыг удирдаж байхад МАН-д шинэчлэл явагдахгүй гэж боддог. Мөн намууд олигархуудыг, урвагчдыг орогнуулж буйг би шүүмжилдэг. Улаан, Тэрбишдагва хоёрыг Алтан, Хучир гэж нэрлэхээс өөр арга алга. Арвин гэж сайхан эгч байна. Цог гэж нам гүйцээсэн ах хүү бас бий. Ийм байж болохгүй гэж би боддог. 
Жагсаалтаар сонгоход буруу зүйл байхгүй ч гэлээ бид жагсаалтад хавийн шаарнуудыг шингээснээрээ ийм байдлаар сонгуулиа явуулахад арай эрт байна гэдгээ мэдэрсэн. 76 жижиг тойрог бол буруу. Өргөтгөсөн тойргоос сонговол арай чанартай нь гарах байх. Урт жагсаалтаас олон хүн дугуйлах байх гэж найдаж байсан - байхгүй. Хуулийг гуйвуулна, өөртөө тааруулна гэдгийг саяны хэдэн өдөр хүн бүр харсан болов уу. 
Бүх зүйлийг хар цагаанаар харж болохгүй, хорвоо өнгөт. Нийгмийн масс өөрөө бодож дүгнэлтэд хүрэхгүй телевиз радио, интернэтээр түгээж буй мэдээлэлд сохроор итгэж байгаа нь харамсалтай. Тархи угаалтыг бол хялбархан хийчихэж байна шүү дэ. Тиймээс ху из хуй who is who гэдгийг өөрөө л дүгнэж бодож олох хэрэгтэй.

Kamaz

Камаз ралли уралдаанд зориулж хамартай хувилбар гаргаж.

Зурсан дугтуй

Японы дугтуйны үзэсгэлэнгээс. Маркийг зургийн нэг хэсэг болгох нь гоё санаа байна.

13 May 2016

УАЗ Патриотын бариул

Ха-ха. Бариулыг нь суга татаж хаячихаад кабинруу нь чулуудчихаж байгаа юм биш үү? Ерөнхийлөгч нь болохоор: - Молодец! гэсэн байгаа юм.

УАЗ-ын үйлдвэрийнхэн хаалганы бариул албан ёсоор 100 кг, тест хийхэд 120 кг-ын ачаалал даадаг. Бариулыг суга татсан генералыг супермен гэхээс өөр хэлэх үг алга гэж мэдээлсэн.

12 May 2016

Югославын хөшөө дурсгалууд

Соц лагертаа Югославын архитекторууд чадалтайд тооцогддог байсан. Ер нь барилга байгууламждаа гарамгай улс. Манайд циркийг барьж өгснийг нь мэдэх юм. Бельгийн гэрэл зурагчин Jan Kempenaers хуучин Югославын бүрэлдэхүүнд байсан улсуудаар явж хөшөө дурсгалуудыг хальсанд буулгаж. Серби, Хорват, Черногори, Босни Герцоговин, Словени, Македонид социализмын үеийн гэхээсээ илүү ирээдүйн тухай зөгнөлт кинонд гарахаар хөшөөнүүд байдаг юм байна.
1950-иад оноос 1990-ээд оны дунд хүртэл баригдсан хөшөөнүүд гэхэд гайхалтай. Нэгэнт бетоноор наадах гэж байгаа бол ядаж ийм түвшинд хүрэх хэрэгтэй.